ΨΑΛΜΟΙ - Salmi - Psalms 29

¹ εις το τελος ψαλμος ωδης του εγκαινισμου του οικου τω δαυιδ

² υψωσω σε κυριε οτι υπελαβες με και ουκ ηυφρανας τους εχθρους μου επ' εμε

³ κυριε ο θεος μου εκεκραξα προς σε και ιασω με

⁴ κυριε ανηγαγες εξ αδου την ψυχην μου εσωσας με απο των καταβαινοντων εις λακκον

⁵ ψαλατε τω κυριω οι οσιοι αυτου και εξομολογεισθε τη μνημη της αγιωσυνης αυτου

⁶ οτι οργη εν τω θυμω αυτου και ζωη εν τω θεληματι αυτου το εσπερας αυλισθησεται κλαυθμος και εις το πρωι αγαλλιασις

⁷ εγω δε ειπα εν τη ευθηνια μου ου μη σαλευθω εις τον αιωνα

⁸ κυριε εν τω θεληματι σου παρεσχου τω καλλει μου δυναμιν απεστρεψας δε το προσωπον σου και εγενηθην τεταραγμενος

⁹ προς σε κυριε κεκραξομαι και προς τον θεον μου δεηθησομαι

¹⁰ τις ωφελεια εν τω αιματι μου εν τω καταβηναι με εις διαφθοραν μη εξομολογησεται σοι χους η αναγγελει την αληθειαν σου

¹¹ ηκουσεν κυριος και ηλεησεν με κυριος εγενηθη βοηθος μου

¹² εστρεψας τον κοπετον μου εις χορον εμοι διερρηξας τον σακκον μου και περιεζωσας με ευφροσυνην

¹³ οπως αν ψαλη σοι η δοξα μου και ου μη κατανυγω κυριε ο θεος μου εις τον αιωνα εξομολογησομαι σοι