ΒΑΣΙΛΕΙΩΝ Β´ - 2 Samuele - Kings II 22

¹ και ελαλησεν δαυιδ τω κυριω τους λογους της ωδης ταυτης εν η ημερα εξειλατο αυτον κυριος εκ χειρος παντων των εχθρων αυτου και εκ χειρος σαουλ

² και ειπεν κυριε πετρα μου και οχυρωμα μου και εξαιρουμενος με εμοι

³ ο θεος μου φυλαξ εσται μου πεποιθως εσομαι επ' αυτω υπερασπιστης μου και κερας σωτηριας μου αντιλημπτωρ μου και καταφυγη μου σωτηριας μου εξ αδικου σωσεις με

⁴ αινετον επικαλεσομαι κυριον και εκ των εχθρων μου σωθησομαι

⁵ οτι περιεσχον με συντριμμοι θανατου χειμαρροι ανομιας εθαμβησαν με

⁶ ωδινες θανατου εκυκλωσαν με προεφθασαν με σκληροτητες θανατου

⁷ εν τω θλιβεσθαι με επικαλεσομαι κυριον και προς τον θεον μου βοησομαι και επακουσεται εκ ναου αυτου φωνης μου και η κραυγη μου εν τοις ωσιν αυτου

⁸ και εταραχθη και εσεισθη η γη και τα θεμελια του ουρανου συνεταραχθησαν και εσπαραχθησαν οτι εθυμωθη κυριος αυτοις

⁹ ανεβη καπνος εν τη οργη αυτου και πυρ εκ στοματος αυτου κατεδεται ανθρακες εξεκαυθησαν απ' αυτου

¹⁰ και εκλινεν ουρανους και κατεβη και γνοφος υποκατω των ποδων αυτου

¹¹ και επεκαθισεν επι χερουβιν και επετασθη και ωφθη επι πτερυγων ανεμου

¹² και εθετο σκοτος αποκρυφην αυτου κυκλω αυτου η σκηνη αυτου σκοτος υδατων επαχυνεν εν νεφελαις αερος

¹³ απο του φεγγους εναντιον αυτου εξεκαυθησαν ανθρακες πυρος

¹⁴ εβροντησεν εξ ουρανου κυριος και ο υψιστος εδωκεν φωνην αυτου

¹⁵ και απεστειλεν βελη και εσκορπισεν αυτους αστραπην και εξεστησεν αυτους

¹⁶ και ωφθησαν αφεσεις θαλασσης και απεκαλυφθη θεμελια της οικουμενης εν τη επιτιμησει κυριου απο πνοης πνευματος θυμου αυτου

¹⁷ απεστειλεν εξ υψους και ελαβεν με ειλκυσεν με εξ υδατων πολλων

¹⁸ ερρυσατο με εξ εχθρων μου ισχυος εκ των μισουντων με οτι εκραταιωθησαν υπερ εμε

¹⁹ προεφθασαν με εν ημερα θλιψεως μου και εγενετο κυριος επιστηριγμα μου

²⁰ και εξηγαγεν με εις πλατυσμον και εξειλατο με οτι ευδοκησεν εν εμοι

²¹ και ανταπεδωκεν μοι κυριος κατα την δικαιοσυνην μου κατα την καθαριοτητα των χειρων μου ανταπεδωκεν μοι

²² οτι εφυλαξα οδους κυριου και ουκ ησεβησα απο του θεου μου

²³ οτι παντα τα κριματα αυτου κατεναντιον μου και τα δικαιωματα αυτου ουκ απεστην απ' αυτων

²⁴ και εσομαι αμωμος αυτω και προφυλαξομαι απο της ανομιας μου

²⁵ και αποδωσει μοι κυριος κατα την δικαιοσυνην μου και κατα την καθαριοτητα των χειρων μου ενωπιον των οφθαλμων αυτου

²⁶ μετα οσιου οσιωθηση και μετα ανδρος τελειου τελειωθηση

²⁷ και μετα εκλεκτου εκλεκτος εση και μετα στρεβλου στρεβλωθηση

²⁸ και τον λαον τον πτωχον σωσεις και οφθαλμους επι μετεωρων ταπεινωσεις

²⁹ οτι συ ο λυχνος μου κυριε και κυριος εκλαμψει μοι το σκοτος μου

³⁰ οτι εν σοι δραμουμαι μονοζωνος και εν τω θεω μου υπερβησομαι τειχος

³¹ ο ισχυρος αμωμος η οδος αυτου το ρημα κυριου κραταιον πεπυρωμενον υπερασπιστης εστιν πασιν τοις πεποιθοσιν επ' αυτω

³² τις ισχυρος πλην κυριου και τις κτιστης εσται πλην του θεου ημων

³³ ο ισχυρος ο κραταιων με δυναμει και εξετιναξεν αμωμον την οδον μου

³⁴ τιθεις τους ποδας μου ως ελαφων και επι τα υψη ιστων με

³⁵ διδασκων χειρας μου εις πολεμον και καταξας τοξον χαλκουν εν βραχιονι μου

³⁶ και εδωκας μοι υπερασπισμον σωτηριας μου και η υπακοη σου επληθυνεν με

³⁷ εις πλατυσμον εις τα διαβηματα μου υποκατω μου και ουκ εσαλευθησαν τα σκελη μου

³⁸ διωξω εχθρους μου και αφανιω αυτους και ουκ αναστρεψω εως συντελεσω αυτους

³⁹ και θλασω αυτους και ουκ αναστησονται και πεσουνται υπο τους ποδας μου

⁴⁰ και ενισχυσεις με δυναμει εις πολεμον καμψεις τους επανιστανομενους μοι υποκατω μου

⁴¹ και τους εχθρους μου εδωκας μοι νωτον τους μισουντας με και εθανατωσας αυτους

⁴² βοησονται και ουκ εστιν βοηθος προς κυριον και ουχ υπηκουσεν αυτων

⁴³ και ελεανα αυτους ως χουν γης ως πηλον εξοδων ελεπτυνα αυτους

⁴⁴ και ρυση με εκ μαχης λαων φυλαξεις με εις κεφαλην εθνων λαος ον ουκ εγνων εδουλευσαν μοι

⁴⁵ υιοι αλλοτριοι εψευσαντο μοι εις ακοην ωτιου ηκουσαν μου

⁴⁶ υιοι αλλοτριοι απορριφησονται και σφαλουσιν εκ των συγκλεισμων αυτων

⁴⁷ ζη κυριος και ευλογητος ο φυλαξ μου και υψωθησεται ο θεος μου ο φυλαξ της σωτηριας μου

⁴⁸ ισχυρος κυριος ο διδους εκδικησεις εμοι παιδευων λαους υποκατω μου

⁴⁹ και εξαγων με εξ εχθρων μου και εκ των επεγειρομενων μοι υψωσεις με εξ ανδρος αδικηματων ρυση με

⁵⁰ δια τουτο εξομολογησομαι σοι κυριε εν τοις εθνεσιν και εν τω ονοματι σου ψαλω

⁵¹ μεγαλυνων σωτηριας βασιλεως αυτου και ποιων ελεος τω χριστω αυτου τω δαυιδ και τω σπερματι αυτου εως αιωνος