Siracide 19
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Operarius ebriosus non locupletabitur; et, qui spernit modica, paulatim decidet. | 1 Operarius ebriosus non locupletabitur : et qui spernit modica paulatim decidet. |
2 Vinum et mulieres apostatare faciunt sensatos; et, qui se iungit fornicariis, peribit: putredo et vermes hereditabunt illum. | 2 Vinum et mulieres apostatare faciunt sapientes, et arguent sensatos. |
3 Anima audax perdet dominum suum; et tolletur de numero anima eius, et extolletur in exemplum maius. | 3 Et qui se jungit fornicariis erit nequam : putredo et vermes hæreditabunt illum : et extolletur in exemplum majus, et tolletur de numero anima ejus. |
4 Qui credit cito, levis corde est et minorabitur; et, qui delinquit in animam suam, quis innoxium faciet? | 4 Qui credit cito levis corde est, et minorabitur : et qui delinquit in animam suam, insuper habebitur. |
5 Qui gaudet iniquitate, denotabitur, et, qui odit correptionem, minuetur vita, et, qui odit loquacitatem, exstinguit malitiam. | 5 Qui gaudet iniquitate, denotabitur : et qui odit correptionem, minuetur vita : et qui odit loquacitatem, extinguit malitiam. |
6 | 6 Qui peccat in animam suam, p?nitebit : et qui jucundatur in malitia, denotabitur. |
7 Ne umquam iteres verbum nequam et durum et prorsus non minoraberis. | 7 Ne iteres verbum nequam et durum, et non minoraberis. |
8 De amico et inimico noli narrare et, si notum est tibi delictum, noli denudare: | 8 Amico et inimico noli narrare sensum tuum : et si est tibi delictum, noli denudare : |
9 audiet enim te et cavebit te et quasi defendens peccatum odiet te. | 9 audiet enim te, et custodiet te, et quasi defendens peccatum, odiet te, et sic aderit tibi semper. |
10 Audisti verbum adversus proximum tuum? Commoriatur in te fidens quoniam non te dirumpet. | 10 Audisti verbum adversus proximum tuum ? commoriatur in te, fidens quoniam non te dirumpet. |
11 A facie verbi parturiet fatuus tamquam parturiens a facie infantis; | 11 A facie verbi parturit fatuus, tamquam gemitus partus infantis. |
12 sagitta infixa femori carnis, sic verbum in corde stulti. | 12 Sagitta infixa femori carnis, sic verbum in corde stulti. |
13 Corripe amicum, ne forte fecerit malum et ipse dicat: “ Non feci ”; aut, si fecerit, ne iterum addat facere. | 13 Corripe amicum, ne forte non intellexerit, et dicat : Non feci : aut, si fecerit, ne iterum addat facere. |
14 Corripe proximum, ne forte dixerit et, si dixerit, ne forte iteret. | 14 Corripe proximum, ne forte non dixerit : et si dixerit, ne forte iteret. |
15 Corripe amicum, saepe enim fit criminatio, | 15 Corripe amicum, sæpe enim fit commissio : |
16 et non omni verbo credas. Est qui labitur lingua sed non ex animo; | 16 et non omni verbo credas. Est qui labitur lingua, sed non ex animo : |
17 quis est enim qui non deliquerit in lingua sua? Corripe proximum, antequam commineris, | 17 quis est enim qui non deliquerit in lingua sua ? Corripe proximum antequam commineris, |
18 et da locum legi Altissimi. Quia omnis sapientia timor Dei et in illa timere Deum, et in omni sapientia dispositio legis. | 18 et da locum timori Altissimi : quia omnis sapientia timor Dei, et in illa timere Deum, et in omni sapientia dispositio legis. |
19 Et non est sapientia nequitiae scientia, et non est consilium peccatorum prudentia. | 19 Et non est sapientia nequitiæ disciplina, et non est cogitatus peccatorum prudentia. |
20 Est astutia et ipsa exsecratio, et est insipiens, qui minuitur sapientia. | 20 Est nequitia, et in ipsa execratio, et est insipiens qui minuitur sapientia. |
21 Melior est homo, qui minuitur sapientia et deficiens sensu in timore, quam qui abundat sensu et transgreditur legem Altissimi. | 21 Melior est homo qui minuitur sapientia, et deficiens sensu, in timore, quam qui abundat sensu, et transgreditur legem Altissimi. |
22 Est solertia certa et ipsa iniqua. | 22 Est solertia certa, et ipsa iniqua : |
23 Et est qui pervertit gratiam, ut proferat iudicium; est qui videtur oppressus et fractus animo, et interiora eius plena sunt dolo. | 23 et est qui emittit verbum certum enarrans veritatem. Est qui nequiter humiliat se, et interiora ejus plena sunt dolo : |
24 Et est qui se nimium submittit a multa humilitate; et est qui inclinat faciem suam et fingit se non audire: ubi ignoratus est, praeveniet te. | 24 et est qui se nimium submittit a multa humilitate : et est qui inclinat faciem suam, et fingit se non videre quod ignoratum est : |
25 Et, si ab imbecillitate virium vetetur peccare, si invenerit tempus malefaciendi, malefaciet. | 25 et si ab imbecillitate virium vetetur peccare, si invenerit tempus malefaciendi, malefaciet. |
26 Ex visu cognoscitur vir, et ab occursu faciei cognoscitur sensatus: | 26 Ex visu cognoscitur vir, et ab occursu faciei cognoscitur sensatus. |
27 amictus corporis et risus dentium et gressus hominis enuntiant de illo. | 27 Amictus corporis, et risus dentium, et ingressus hominis, enuntiant de illo. |
28 Est correptio inopportuna, et est indicium, quod non probatur esse bonum; et est tacens, et ipse est prudens. | 28 Est correptio mendax in ira contumeliosi, et est judicium quod non probatur esse bonum : et est tacens, et ipse est prudens. |