M'lakhim (מלכים) - 1 Re 4

MODERN HEBREW BIBLE	NOVA VULGATA
1 ויהי המלך שלמה מלך על כל ישראל	1 Erat autem rex Salomon regnans super omnem Israel.
2 ואלה השרים אשר לו עזריהו בן צדוק הכהן	2 Et hi principes quos habebat: Azarias filius Sadoc sacerdos;
3 אליחרף ואחיה בני שישא ספרים יהושפט בן אחילוד המזכיר	3 Elihoreph et Ahia filii Sisa scribae; Iosaphat filius Ahilud cancellarius;
4 ובניהו בן יהוידע על הצבא וצדוק ואביתר כהנים	4 Banaias filius Ioiadae super exercitum; Sadoc autem et Abiathar sacerdotes;
5 ועזריהו בן נתן על הנצבים וזבוד בן נתן כהן רעה המלך	5 Azarias filius Nathan super praefectos; Zabud filius Nathan sacerdos amicus regis;
6 ואחישר על הבית ואדנירם בן עבדא על המס	6 et Ahisar praepositus domus et Adoniram filius Abda super tributa.
7 ולשלמה שנים עשר נצבים על כל ישראל וכלכלו את המלך ואת ביתו חדש בשנה יהיה על אחד לכלכל	7 Habebat autem Salomon duodecim praefectos super omnem Israel, qui praebebant annonam regi et domui eius; per singulos enim menses in anno singuli necessaria ministrabant.
8 ואלה שמותם בן חור בהר אפרים	8 Et haec nomina eorum: Benhur in monte Ephraim;
9 בן דקר במקץ ובשעלבים ובית שמש ואילון בית חנן	9 Bendecar in Maces et in Salebim et in Bethsames et in Elon et in Bethanan;
10 בן חסד בארבות לו שכה וכל ארץ חפר	10 Benhesed in Aruboth, ipsius erat Socho et omnis terra Epher;
11 בן אבינדב כל נפת דאר טפת בת שלמה היתה לו לאשה	11 Benabinadab, cuius omnis regio Dor, Tapheth filiam Salomonis habebat uxorem;
12 בענא בן אחילוד תענך ומגדו וכל בית שאן אשר אצל צרתנה מתחת ליזרעאל מבית שאן עד אבל מחולה עד מעבר ליקמעם	12 Baana filius Ahilud regebat Thanach et Mageddo et universam Bethsan, quae est iuxta Sarthan subter Iezrahel, a Bethsan usque Abelmehula et usque ultra Iecmaam;
13 בן גבר ברמת גלעד לו חות יאיר בן מנשה אשר בגלעד לו חבל ארגב אשר בבשן ששים ערים גדלות חומה ובריח נחשת	13 Bengaber in Ramoth Galaad habebat villas Iair filii Manasse in Galaad: ipse praeerat in omni regione Argob, quae est in Basan, sexaginta civitatibus magnis atque muratis, quae habebant seras aereas;
14 אחינדב בן עדא מחנימה	14 Ahinadab filius Addo praeerat in Mahanaim;
15 אחימעץ בנפתלי גם הוא לקח את בשמת בת שלמה לאשה	15 Achimaas in Nephthali, sed et ipse habebat Basemath filiam Salomonis in coniugio;
16 בענא בן חושי באשר ובעלות	16 Baana filius Chusai in Aser et in Baloth;
17 יהושפט בן פרוח ביששכר	17 Iosaphat filius Pharue in Issachar;
18 שמעי בן אלא בבנימן	18 Semei filius Ela in Beniamin;
19 גבר בן ארי בארץ גלעד ארץ סיחון מלך האמרי ועג מלך הבשן ונציב אחד אשר בארץ	19 Gaber filius Uri in terra Galaad, in terra Sehon regis Amorraei et Og regis Basan, ut praefectus unus, qui erat in terra.
20 יהודה וישראל רבים כחול אשר על הים לרב אכלים ושתים ושמחים	20 Iuda et Israel innumerabiles, sicut arena maris in multitudine, comedentes et bibentes atque laetantes.
21 ושלמה היה מושל בכל הממלכות מן הנהר ארץ פלשתים ועד גבול מצרים מגשים מנחה ועבדים את שלמה כל ימי חייו
22 ויהי לחם שלמה ליום אחד שלשים כר סלת וששים כר קמח
23 עשרה בקר בראים ועשרים בקר רעי ומאה צאן לבד מאיל וצבי ויחמור וברברים אבוסים
24 כי הוא רדה בכל עבר הנהר מתפסח ועד עזה בכל מלכי עבר הנהר ושלום היה לו מכל עבריו מסביב
25 וישב יהודה וישראל לבטח איש תחת גפנו ותחת תאנתו מדן ועד באר שבע כל ימי שלמה
26 ויהי לשלמה ארבעים אלף ארות סוסים למרכבו ושנים עשר אלף פרשים
27 וכלכלו הנצבים האלה את המלך שלמה ואת כל הקרב אל שלחן המלך שלמה איש חדשו לא יעדרו דבר
28 והשערים והתבן לסוסים ולרכש יבאו אל המקום אשר יהיה שם איש כמשפטו
29 ויתן אלהים חכמה לשלמה ותבונה הרבה מאד ורחב לב כחול אשר על שפת הים
30 ותרב חכמת שלמה מחכמת כל בני קדם ומכל חכמת מצרים
31 ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב
32 וידבר שלשת אלפים משל ויהי שירו חמשה ואלף
33 וידבר על העצים מן הארז אשר בלבנון ועד האזוב אשר יצא בקיר וידבר על הבהמה ועל העוף ועל הרמש ועל הדגים
34 ויבאו מכל העמים לשמע את חכמת שלמה מאת כל מלכי הארץ אשר שמעו את חכמתו