ΣΟΦΙΑ ΣΕΙΡΑΧ - Siracide - Sirach 8

¹ μη διαμαχου μετα ανθρωπου δυναστου μηποτε εμπεσης εις τας χειρας αυτου

² μη εριζε μετα ανθρωπου πλουσιου μηποτε αντιστηση σου την ολκην πολλους γαρ απωλεσεν το χρυσιον και καρδιας βασιλεων εξεκλινεν

³ μη διαμαχου μετα ανθρωπου γλωσσωδους και μη επιστοιβασης επι το πυρ αυτου ξυλα

⁴ μη προσπαιζε απαιδευτω ινα μη ατιμαζωνται οι προγονοι σου

⁵ μη ονειδιζε ανθρωπον αποστρεφοντα απο αμαρτιας μνησθητι οτι παντες εσμεν εν επιτιμοις

⁶ μη ατιμασης ανθρωπον εν γηρα αυτου και γαρ εξ ημων γηρασκουσιν

⁷ μη επιχαιρε επι νεκρω μνησθητι οτι παντες τελευτωμεν

⁸ μη παριδης διηγημα σοφων και εν ταις παροιμιαις αυτων αναστρεφου οτι παρ' αυτων μαθηση παιδειαν και λειτουργησαι μεγιστασιν

⁹ μη αστοχει διηγηματος γεροντων και γαρ αυτοι εμαθον παρα των πατερων αυτων οτι παρ' αυτων μαθηση συνεσιν και εν καιρω χρειας δουναι αποκρισιν

¹⁰ μη εκκαιε ανθρακας αμαρτωλου μη εμπυρισθης εν πυρι φλογος αυτου

¹¹ μη εξαναστης απο προσωπου υβριστου ινα μη εγκαθιση ως ενεδρον τω στοματι σου

¹² μη δανεισης ανθρωπω ισχυροτερω σου και εαν δανεισης ως απολωλεκως γινου

¹³ μη εγγυηση υπερ δυναμιν σου και εαν εγγυηση ως αποτεισων φροντιζε

¹⁴ μη δικαζου μετα κριτου κατα γαρ την δοξαν αυτου κρινουσιν αυτω

¹⁵ μετα τολμηρου μη πορευου εν οδω ινα μη βαρυνηται κατα σου αυτος γαρ κατα το θελημα αυτου ποιησει και τη αφροσυνη αυτου συναπολη

¹⁶ μετα θυμωδους μη ποιησης μαχην και μη διαπορευου μετ' αυτου την ερημον οτι ως ουδεν εν οφθαλμοις αυτου αιμα και οπου ουκ εστιν βοηθεια καταβαλει σε

¹⁷ μετα μωρου μη συμβουλευου ου γαρ δυνησεται λογον στεξαι

¹⁸ ενωπιον αλλοτριου μη ποιησης κρυπτον ου γαρ γινωσκεις τι τεξεται

¹⁹ παντι ανθρωπω μη εκφαινε σην καρδιαν και μη αναφερετω σοι χαριν