ΣΟΦΙΑ ΣΕΙΡΑΧ - Siracide - Sirach 48

¹ και ανεστη ηλιας προφητης ως πυρ και ο λογος αυτου ως λαμπας εκαιετο

² ος επηγαγεν επ' αυτους λιμον και τω ζηλω αυτου ωλιγοποιησεν αυτους

³ εν λογω κυριου ανεσχεν ουρανον κατηγαγεν ουτως τρις πυρ

⁴ ως εδοξασθης ηλια εν θαυμασιοις σου και τις ομοιος σοι καυχασθαι

⁵ ο εγειρας νεκρον εκ θανατου και εξ αδου εν λογω υψιστου

⁶ ο καταγαγων βασιλεις εις απωλειαν και δεδοξασμενους απο κλινης αυτων

⁷ ακουων εν σινα ελεγμον και εν χωρηβ κριματα εκδικησεως

⁸ ο χριων βασιλεις εις ανταποδομα και προφητας διαδοχους μετ' αυτον

⁹ ο αναλημφθεις εν λαιλαπι πυρος εν αρματι ιππων πυρινων

¹⁰ ο καταγραφεις εν ελεγμοις εις καιρους κοπασαι οργην προ θυμου επιστρεψαι καρδιαν πατρος προς υιον και καταστησαι φυλας ιακωβ

¹¹ μακαριοι οι ιδοντες σε και οι εν αγαπησει κεκοιμημενοι και γαρ ημεις ζωη ζησομεθα

¹² ηλιας ος εν λαιλαπι εσκεπασθη και ελισαιε ενεπλησθη πνευματος αυτου και εν ημεραις αυτου ουκ εσαλευθη υπο αρχοντος και ου κατεδυναστευσεν αυτον ουδεις

¹³ πας λογος ουχ υπερηρεν αυτον και εν κοιμησει επροφητευσεν το σωμα αυτου

¹⁴ και εν ζωη αυτου εποιησεν τερατα και εν τελευτη θαυμασια τα εργα αυτου

¹⁵ εν πασιν τουτοις ου μετενοησεν ο λαος και ουκ απεστησαν απο των αμαρτιων αυτων εως επρονομευθησαν απο γης αυτων και διεσκορπισθησαν εν παση τη γη

¹⁶ και κατελειφθη ο λαος ολιγοστος και αρχων εν τω οικω δαυιδ τινες μεν αυτων εποιησαν το αρεστον τινες δε επληθυναν αμαρτιας

¹⁷ εζεκιας ωχυρωσεν την πολιν αυτου και εισηγαγεν εις μεσον αυτης υδωρ ωρυξεν σιδηρω ακροτομον και ωκοδομησεν κρηνας εις υδατα

¹⁸ εν ημεραις αυτου ανεβη σενναχηριμ και απεστειλεν ραψακην και απηρεν και επηρεν χειρα αυτου επι σιων και εμεγαλαυχησεν εν υπερηφανια αυτου

¹⁹ τοτε εσαλευθησαν καρδιαι και χειρες αυτων και ωδινησαν ως αι τικτουσαι

²⁰ και επεκαλεσαντο τον κυριον τον ελεημονα εκπετασαντες τας χειρας αυτων προς αυτον και ο αγιος εξ ουρανου ταχυ επηκουσεν αυτων και ελυτρωσατο αυτους εν χειρι ησαιου

²¹ επαταξεν την παρεμβολην των ασσυριων και εξετριψεν αυτους ο αγγελος αυτου

²² εποιησεν γαρ εζεκιας το αρεστον κυριω και ενισχυσεν εν οδοις δαυιδ του πατρος αυτου ας ενετειλατο ησαιας ο προφητης ο μεγας και πιστος εν ορασει αυτου

²³ εν ταις ημεραις αυτου ανεποδισεν ο ηλιος και προσεθηκεν ζωην βασιλει

²⁴ πνευματι μεγαλω ειδεν τα εσχατα και παρεκαλεσεν τους πενθουντας εν σιων

²⁵ εως του αιωνος υπεδειξεν τα εσομενα και τα αποκρυφα πριν η παραγενεσθαι αυτα