ΣΟΦΙΑ ΣΕΙΡΑΧ - Siracide - Sirach 11

¹ σοφια ταπεινου ανυψωσει κεφαλην αυτου και εν μεσω μεγιστανων καθισει αυτον

² μη αινεσης ανδρα εν καλλει αυτου και μη βδελυξη ανθρωπον εν ορασει αυτου

³ μικρα εν πετεινοις μελισσα και αρχη γλυκασματων ο καρπος αυτης

⁴ εν περιβολη ιματιων μη καυχηση και εν ημερα δοξης μη επαιρου οτι θαυμαστα τα εργα κυριου και κρυπτα τα εργα αυτου ανθρωποις

⁵ πολλοι τυραννοι εκαθισαν επι εδαφους ο δε ανυπονοητος εφορεσεν διαδημα

⁶ πολλοι δυνασται ητιμασθησαν σφοδρα και ενδοξοι παρεδοθησαν εις χειρας ετερων

⁷ πριν εξετασης μη μεμψη νοησον πρωτον και τοτε επιτιμα

⁸ πριν η ακουσαι μη αποκρινου και εν μεσω λογων μη παρεμβαλλου

⁹ περι πραγματος ου ουκ εστιν σοι χρεια μη εριζε και εν κρισει αμαρτωλων μη συνεδρευε

¹⁰ τεκνον μη περι πολλα εστωσαν αι πραξεις σου εαν πληθυνης ουκ αθωωθηση και εαν διωκης ου μη καταλαβης και ου μη εκφυγης διαδρας

¹¹ εστιν κοπιων και πονων και σπευδων και τοσω μαλλον υστερειται

¹² εστιν νωθρος προσδεομενος αντιλημψεως υστερων ισχυι και πτωχεια περισσευει και οι οφθαλμοι κυριου επεβλεψαν αυτω εις αγαθα και ανωρθωσεν αυτον εκ ταπεινωσεως αυτου

¹³ και ανυψωσεν κεφαλην αυτου και απεθαυμασαν επ' αυτω πολλοι

¹⁴ αγαθα και κακα ζωη και θανατος πτωχεια και πλουτος παρα κυριου εστιν

¹⁵ -

¹⁶ -

¹⁷ δοσις κυριου παραμενει ευσεβεσιν και η ευδοκια αυτου εις τον αιωνα ευοδωθησεται

¹⁸ εστιν πλουτων απο προσοχης και σφιγγιας αυτου και αυτη η μερις του μισθου αυτου

¹⁹ εν τω ειπειν αυτον ευρον αναπαυσιν και νυν φαγομαι εκ των αγαθων μου και ουκ οιδεν τις καιρος παρελευσεται και καταλειψει αυτα ετεροις και αποθανειται

²⁰ στηθι εν διαθηκη σου και ομιλει εν αυτη και εν τω εργω σου παλαιωθητι

²¹ μη θαυμαζε εν εργοις αμαρτωλου πιστευε δε κυριω και εμμενε τω πονω σου οτι κουφον εν οφθαλμοις κυριου δια ταχους εξαπινα πλουτισαι πενητα

²² ευλογια κυριου εν μισθω ευσεβους και εν ωρα ταχινη αναθαλλει ευλογιαν αυτου

²³ μη ειπης τις εστιν μου χρεια και τινα απο του νυν εσται μου τα αγαθα

²⁴ μη ειπης αυταρκη μοι εστιν και τι απο του νυν κακωθησομαι

²⁵ εν ημερα αγαθων αμνησια κακων και εν ημερα κακων ου μνησθησεται αγαθων

²⁶ οτι κουφον εναντι κυριου εν ημερα τελευτης αποδουναι ανθρωπω κατα τας οδους αυτου

²⁷ κακωσις ωρας επιλησμονην ποιει τρυφης και εν συντελεια ανθρωπου αποκαλυψις εργων αυτου

²⁸ προ τελευτης μη μακαριζε μηδενα και εν τεκνοις αυτου γνωσθησεται ανηρ

²⁹ μη παντα ανθρωπον εισαγε εις τον οικον σου πολλα γαρ τα ενεδρα του δολιου

³⁰ περδιξ θηρευτης εν καρταλλω ουτως καρδια υπερηφανου και ως ο κατασκοπος επιβλεπει πτωσιν

³¹ τα γαρ αγαθα εις κακα μεταστρεφων ενεδρευει και εν τοις αιρετοις επιθησει μωμον

³² απο σπινθηρος πυρος πληθυνεται ανθρακια και ανθρωπος αμαρτωλος εις αιμα ενεδρευει

³³ προσεχε απο κακουργου πονηρα γαρ τεκταινει μηποτε μωμον εις τον αιωνα δω σοι

³⁴ ενοικισον αλλοτριον και διαστρεψει σε εν ταραχαις και απαλλοτριωσει σε των ιδιων σου