Ezechiele יחזקאל (Yechezkel) 15

Miqra 'al pi ha-Mesorah	Peshitta
1 וַיְהִי דְבַר־יְהֹוָה אֵלַי לֵאמֹֽר׃	1 ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ
2 בֶּן־אָדָם מַה־יִּהְיֶה עֵץ־הַגֶּפֶן מִכׇּל־עֵץ הַזְּמוֹרָה אֲשֶׁר הָיָה בַּעֲצֵי הַיָּֽעַר׃	2 ܒܪܢܫܐ ܡܢܐ ܢܗܘܐ ܠܩܝܣܐ ܕܓܦܬܐ ܡܢ ܟܠ ܩܝܣ ܫܒܫܬܐ ܕܗܘܬ ܒܩ̈ܝܣܐ ܕܥܒܐ
3 הֲיֻקַּח מִמֶּנּוּ עֵץ לַעֲשׂוֹת לִמְלָאכָה אִם־יִקְחוּ מִמֶּנּוּ יָתֵד לִתְלוֹת עָלָיו כׇּל־כֶּֽלִי׃	3 ܕܠܡܐ ܡܬܢܣܒ ܡܢܗ̇ ܩܝܣܐ ܠܡܥܒܕ ܡܢܗ̇ ܥܒ̇ܕܐ ܐܘ ܢܣ̇ܒܝܢ ܡܢܗ̇ ܣܟܬܐ ܠܡܬܠܐ ܒܗ̇ ܡܐ̈ܢܐ
4 הִנֵּה לָאֵשׁ נִתַּן לְאָכְלָה אֵת שְׁנֵי קְצוֹתָיו אָכְלָה הָאֵשׁ וְתוֹכוֹ נָחָר הֲיִצְלַח לִמְלָאכָֽה׃	4 ܐܠܐ ܐܬܝܗܒܬ ܡܐܟܘܠܬܐ ܠܢܘܪܐ ܘܬܪ̈ܬܝܢ ܣܘ̈ܟܝܗ̇ ܐܟܠܬ ܢܘܪܐ ܘܓܘܗ̇ ܚܪܒ ܕܠܡܐ ܐܙܠܐ ܠܥܒ̇ܕܐ
5 הִנֵּה בִּֽהְיוֹתוֹ תָמִים לֹא יֵעָשֶׂה לִמְלָאכָה אַף כִּי־אֵשׁ אֲכָלַתְהוּ וַיֵּחָר וְנַעֲשָׂה עוֹד לִמְלָאכָֽה׃	5 ܘܟܕ ܕܕܠܐ ܡܘܡ ܗܘܬ ܠܐ ܐܙܠܐ ܗܘܬ ܠܥܒ̇ܕܐ ܗܫܐ ܕܐܟܠܬܗ̇ ܢܘܪܐ ܘܚܪܒܬ ܐܝܟܢܐ ܐܙܠܐ ܠܥܒ̇ܕܐ
6 לָכֵן כֹּה אָמַר אֲדֹנָי יֱהֹוִה כַּאֲשֶׁר עֵץ־הַגֶּפֶן בְּעֵץ הַיַּעַר אֲשֶׁר־נְתַתִּיו לָאֵשׁ לְאׇכְלָה כֵּן נָתַתִּי אֶת־יֹשְׁבֵי יְרוּשָׁלָֽ‍ִם׃	6 ܡܛܠ ܗܢܐ ܗܟܢܐ ܐܡ̇ܪ ܡܪܐ ܡܪ̈ܘܬܐ ܐܝܟ ܕܝܗ̇ܒܬ ܩܝܣܐ ܕܓܦܬܐ ܡܢ ܟܠܗܘܢ ܩܝ̈ܣܐ ܕܥܒܐ ܡܐܟܘܠܬܐ ܠܢܘܪܐ ܗܟܢܐ ܝܗ̇ܒܬ ܠܥܡܘܪ̈ܝܗ̇ ܕܐܘܪܫܠܡ
7 וְנָתַתִּי אֶת־פָּנַי בָּהֶם מֵהָאֵשׁ יָצָאוּ וְהָאֵשׁ תֹּאכְלֵם וִֽידַעְתֶּם כִּֽי־אֲנִי יְהֹוָה בְּשׂוּמִי אֶת־פָּנַי בָּהֶֽם׃	7 ܘܐܬܠ ܪܘܓܙܝ ܒܗܘܢ ܡܢ ܢܘܪܐ ܢܦܩܘ ܘܢܘܪܐ ܬܐܟܘܠ ܐܢܘܢ ܘܬܕܥܘܢ ܕܐܢܐ ܐܢܐ ܡܪܝܐ ܡܐ ܕܣܡ̇ܬ ܪܘܓܙܝ ܥܠܝܗܘܢ
8 וְנָתַתִּי אֶת־הָאָרֶץ שְׁמָמָה יַעַן מָעֲלוּ מַעַל נְאֻם אֲדֹנָי יֱהֹוִֽה׃	8 ܘܐܬܠܝܗ̇ ܠܐܪܥܐ ܠܚܒܠܐ ܘܠܬܡܗܐ ܥܠ ܕܥܒܕܘ ܥܘ̣ܠܐ ܐܡ̇ܪ ܡܪܐ ܡܪ̈ܘܬܐ