| 1 וַיְהִי דְבַר־יְהֹוָה אֵלַי לֵאמֹֽר׃ | 1 ܘܗܘܐ ܥܠܝ ܦܬܓܡܗ ܕܡܪܝܐ ܠܡܐܡܪ |
| 2 בֶּן־אָדָם הִנָּבֵא אֶל־נְבִיאֵי יִשְׂרָאֵל הַנִּבָּאִים וְאָֽמַרְתָּ לִנְבִיאֵי מִלִּבָּם שִׁמְעוּ דְּבַר־יְהֹוָֽה׃ | 2 ܒܪܢܫܐ ܐܬܢܒܐ ܥܠ ܢܒ̈ܝܐ ܕܐܝܣܪܝܠ ܕܡܬܢܒܝܢ ܠܗܘܢ ܘܐܡܪ ܠܐܝܠܝܢ ܕܡܬܢܒܝܢ ܡܢ ܠܒܗܘܢ ܫܡܥܘ ܦܬܓܡܗ ܕܡܪܐ ܡܪ̈ܘܬܐ |
| 3 כֹּה אָמַר אֲדֹנָי יֱהֹוִה הוֹי עַל־הַנְּבִיאִים הַנְּבָלִים אֲשֶׁר הֹלְכִים אַחַר רוּחָם וּלְבִלְתִּי רָאֽוּ׃ | 3 ܗܟܢܐ ܐܡ̇ܪ ܡܪܐ ܡܪ̈ܘܬܐ ܘܝ ܠܢܒ̈ܝܐ ܫ̈ܛܝܐ ܕܐܙ̇ܠܝܢ ܒܬܪ ܪܘܚܗܘܢ ܕܠܐ ܚܙܘ ܚܙܘܐ |
| 4 כְּשֻׁעָלִים בׇּחֳרָבוֹת נְבִיאֶיךָ יִשְׂרָאֵל הָיֽוּ׃ | 4 ܐܝܟ ܬ̈ܥܠܐ ܒܚܪ̈ܒܬܐ ܗܘܘ ܢܒܝܝ̈ܟ ܐܝܣܪܝܠ |
| 5 לֹא עֲלִיתֶם בַּפְּרָצוֹת וַתִּגְדְּרוּ גָדֵר עַל־בֵּית יִשְׂרָאֵל לַעֲמֹד בַּמִּלְחָמָה בְּיוֹם יְהֹוָֽה׃ | 5 ܠܐ ܣܠܩܬܘܢ ܒܬܘܪܥܬܐ ܐܦ ܠܐ ܣܓܬܘܢ ܣܝܓܐ ܥܠ ܕܒܝܬ ܐܝܣܪܝܠ ܠܡܩܡ ܒܩܪܒܐ ܒܝܘܡܗ ܕܡܪܝܐ |
| 6 חָזוּ שָׁוְא וְקֶסֶם כָּזָב הָאֹֽמְרִים נְאֻם־יְהֹוָה וַיהֹוָה לֹא שְׁלָחָם וְיִחֲלוּ לְקַיֵּם דָּבָֽר׃ | 6 ܕܐܡ̇ܪܝܢ ܗܟܢܐ ܐܡ̇ܪ ܡܪܝܐ ܘܡܪܝܐ ܠܐ ܫܕܪ ܐܢܘܢ ܘܫܪܝܘ ܠܡܩܡܘ ܡܠܬܐ ܕܓܠܬܐ |
| 7 הֲלוֹא מַֽחֲזֵה־שָׁוְא חֲזִיתֶם וּמִקְסַם כָּזָב אֲמַרְתֶּם וְאֹֽמְרִים נְאֻם־יְהֹוָה וַאֲנִי לֹא דִבַּֽרְתִּי׃ | 7 ܚܙܘܐ ܣܪܝܩܐ ܚܙܝܬܘܢ ܘܩܨܡܐ ܕܓܠܐ ܐܡܪܬܘܢ ܘܐܡܪܝܢ ܐܢܬܘܢ ܐܡܪ ܡܪܝܐ ܘܐܢܐ ܠܐ ܐܡ̇ܪܬ |
| 8 לָכֵן כֹּה אָמַר אֲדֹנָי יֱהֹוִה יַעַן דַּבֶּרְכֶם שָׁוְא וַחֲזִיתֶם כָּזָב לָכֵן הִנְנִי אֲלֵיכֶם נְאֻם אֲדֹנָי יֱהֹוִֽה׃ | 8 ܡܛܠ ܗܢܐ ܗܟܢܐ ܐܡ̇ܪ ܡܪܐ ܡܪ̈ܘܬܐ ܥܠ ܕܚܙܝܬܘܢ ܣܪܝܩܘܬܐ ܘܡܠܠܬܘܢ ܕܓܠܘܬܐ ܗܐ ܐܢܐ ܥܠܝܟܘܢ ܐܡ̇ܪ ܡܪܐ ܡܪ̈ܘܬܐ |
| 9 וְהָיְתָה יָדִי אֶֽל־הַנְּבִיאִים הַחֹזִים שָׁוְא וְהַקֹּסְמִים כָּזָב בְּסוֹד עַמִּי לֹֽא־יִֽהְיוּ וּבִכְתָב בֵּֽית־יִשְׂרָאֵל לֹא יִכָּתֵבוּ וְאֶל־אַדְמַת יִשְׂרָאֵל לֹא יָבֹאוּ וִידַעְתֶּם כִּי אֲנִי אֲדֹנָי יֱהֹוִֽה׃ | 9 ܘܬܗܘܐ ܐܝܕܝ ܥܠ ܢܒܝ̈ܐ ܕܚܙ̇ܝܢ ܣܪܝܩܘܬܐ ܘܩܨܡܝܢ ܕܓܠܘܬܐ ܒܓܘ ܥܡܝ ܠܐ ܢܗܘܘܢ ܘܒܟܬܒܐ ܕܒܝܬ ܐܝܣܪܝܠ ܠܐ ܢܬܟܬܒܘܢ ܘܠܐܪܥܐ ܕܐܝܣܪܝܠ ܠܐ ܢܥܠܘܢ ܘܬܕܥܘܢ ܕܐܢܐ ܐܢܐ ܡܪܐ ܡܪ̈ܘܬܐ |
| 10 יַעַן וּבְיַעַן הִטְעוּ אֶת־עַמִּי לֵאמֹר שָׁלוֹם וְאֵין שָׁלוֹם וְהוּא בֹּנֶה חַיִץ וְהִנָּם טָחִים אֹתוֹ תָּפֵֽל׃ | 10 ܥܠ ܕܐܛܥܝܘ ܠܥܡܝ ܘܐܡܪܘ ܫܠܡܐ ܘܠܝܬ ܫܠܡܐ ܘܗܘ ܒܢ̇ܐ ܗܘܐ ܐܣܬܐ ܘܗܢܘܢ ܛܪܝܢ ܠܗ̇ ܕܬܦܠ |
| 11 אֱמֹר אֶל־טָחֵי תָפֵל וְיִפֹּל הָיָה ׀ גֶּשֶׁם שׁוֹטֵף וְאַתֵּנָה אַבְנֵי אֶלְגָּבִישׁ תִּפֹּלְנָה וְרוּחַ סְעָרוֹת תְּבַקֵּֽעַ׃ | 11 ܐܡܪ ܠܗ̇ܢܘܢ ܕܛܪܝܢ ܠܗ̇ ܕܬܦܠ ܗܐ ܝܗ̇ܒ ܐܢܐ ܡܛܪܐ ܕܓܪܦ ܘܟܐ̈ܦܐ ܕܕܚܪܐ ܢ̈ܦܠܢ ܘܪܘܚܐ ܕܥܠܥܠܐ |
| 12 וְהִנֵּה נָפַל הַקִּיר הֲלוֹא יֵאָמֵר אֲלֵיכֶם אַיֵּה הַטִּיחַ אֲשֶׁר טַחְתֶּֽם׃ | 12 ܘܬܬܪܥ ܘܬܦܠ ܐܣܬܐ ܘܢܬܐܡܪ ܠܟܘܢ ܐܝܟܐ ܗܘ ܛܪܝܐ ܕܛܪܝܬܘܢ |
| 13 לָכֵן כֹּה אָמַר אֲדֹנָי יֱהֹוִה וּבִקַּעְתִּי רוּחַ־סְעָרוֹת בַּחֲמָתִי וְגֶשֶׁם שֹׁטֵף בְּאַפִּי יִֽהְיֶה וְאַבְנֵי אֶלְגָּבִישׁ בְּחֵמָה לְכָלָֽה׃ | 13 ܡܛܠ ܗܢܐ ܗܟܢܐ ܐܡ̇ܪ ܡܪܐ ܡܪ̈ܘܬܐ ܐܫܒ ܪܘܚܐ ܕܥܠܥܠܐ ܒܚܡܬܝ ܘܡܛܪܐ ܕܓܪܦ ܢܗܘܐ ܒܪܘܓܙܝ ܘܟܐ̈ܦܐ ܕܕܚܪܐ ܒܚܡܬܝ ܢܘܒ̈ܕܢ |
| 14 וְהָרַסְתִּי אֶת־הַקִּיר אֲשֶׁר־טַחְתֶּם תָּפֵל וְהִגַּעְתִּיהוּ אֶל־הָאָרֶץ וְנִגְלָה יְסֹדוֹ וְנָֽפְלָה וּכְלִיתֶם בְּתוֹכָהּ וִידַעְתֶּם כִּֽי־אֲנִי יְהֹוָֽה׃ | 14 ܘܐܣܚܦܝܗ̇ ܠܐܣܬܐ ܕܛܪܝܬܘܢ ܘܬܦܠ ܘܐܪܡܝܗ̇ ܒܐܪܥܐ ܘܢܬ̈ܓܠܝܢ ܫܬ̈ܐܣܝܗ̇ ܘܬܦܠܘܢ ܘܬܣܘܦܘܢ ܒܓܘܗ̇ ܘܬܕܥܘܢ ܕܐܢܐ ܐܢܐ ܡܪܝܐ |
| 15 וְכִלֵּיתִי אֶת־חֲמָתִי בַּקִּיר וּבַטָּחִים אֹתוֹ תָּפֵל וְאֹמַר לָכֶם אֵין הַקִּיר וְאֵין הַטָּחִים אֹתֽוֹ׃ | 15 ܘܐܫܡܠܐ ܪܘܓܙܝ ܒܐܣܬܐ ܘܒܐܝܠܝܢ ܕܛܪܝܢ ܗܘܘ ܠܗ̇ ܟܕ ܬܦܠ ܘܢܬܐܡܪ ܠܟܘܢ ܐܝܟܐ ܗܝ ܐܣܬܐ ܘܐܝܟܐ ܐܢܘܢ ܗ̇ܢܘܢ ܕܛܪܝܢ ܗܘܘ ܠܗ̇ |
| 16 נְבִיאֵי יִשְׂרָאֵל הַֽנִּבְּאִים אֶל־יְרוּשָׁלִַם וְהַֽחֹזִים לָהּ חֲזוֹן שָׁלֹם וְאֵין שָׁלֹם נְאֻם אֲדֹנָי יֱהֹוִֽה׃ | 16 ܗܠܝܢ ܐܢܘܢ ܢܒ̈ܝܐ ܕܐܝܣܪܝܠ ܕܡܬܢܒܝܢ ܥܠ ܐܘܪܫܠܡ ܘܚܙ̇ܝܢ ܠܗ̇ ܚ̈ܙܘܐ ܕܫܠܡܐ ܘܠܝܬ ܫܠܡܐ ܐܡ̇ܪ ܡܪܐ ܡܪ̈ܘܬܐ |
| 17 וְאַתָּה בֶן־אָדָם שִׂים פָּנֶיךָ אֶל־בְּנוֹת עַמְּךָ הַמִּֽתְנַבְּאוֹת מִֽלִּבְּהֶן וְהִנָּבֵא עֲלֵיהֶֽן׃ | 17 ܘܐܢܬ ܒܪܢܫܐ ܣܝܡ ܐ̈ܦܝܟ ܥܠ ܒܢ̈ܬ ܥܡܟ ܕܡܬܢܒ̈ܝܢ ܡܢ ܠܒܗܝܢ ܘܐܬܢܒܐ ܥܠܝܗܝܢ ܘܐܡܪ ܠܗܝܢ |
| 18 וְאָמַרְתָּ כֹּה־אָמַר ׀ אֲדֹנָי יֱהֹוִה הוֹי לִֽמְתַפְּרוֹת כְּסָתוֹת עַל ׀ כׇּל־אַצִּילֵי יָדַי וְעֹשׂוֹת הַמִּסְפָּחוֹת עַל־רֹאשׁ כׇּל־קוֹמָה לְצוֹדֵד נְפָשׁוֹת הַנְּפָשׁוֹת תְּצוֹדֵדְנָה לְעַמִּי וּנְפָשׁוֹת לָכֶנָה תְחַיֶּֽינָה׃ | 18 ܗܟܢܐ ܐܡ̇ܪ ܡܪܐ ܡܪ̈ܘܬܐ ܘܝ ܠܕܚ̈ܝܛܢ ܒܣ̈ܕܘܬܐ ܠܝܨ̈ܝܠܐ ܕܐ̈ܝܕܝܐ ܘܥܒ̈ܕܢ ܬܟܣ̈ܝܬܐ ܠܟܠ ܪܝܫ ܘܠܟܠ ܩܘܡܐ ܠܡܨܕ ܢܦܫ̈ܬܐ ܢܦܫ̈ܬܗ ܕܥܡܝ ܨܝ̈ܕܢ ܐܢܬܝܢ ܘܢܦܫ̈ܬܟܝܢ ܕܝܠܟܝܢ ܡܚ̈ܝܢ ܐܢܬܝܢ |
| 19 וַתְּחַלֶּלְנָה אֹתִי אֶל־עַמִּי בְּשַׁעֲלֵי שְׂעֹרִים וּבִפְתוֹתֵי לֶחֶם לְהָמִית נְפָשׁוֹת אֲשֶׁר לֹֽא־תְמוּתֶנָה וּלְחַיּוֹת נְפָשׁוֹת אֲשֶׁר לֹא־תִֽחְיֶינָה בְּכַזֶּבְכֶם לְעַמִּי שֹׁמְעֵי כָזָֽב׃ | 19 ܘܛܘܫܬܢܝܗܝ ܠܥܡܝ ܒܚ̈ܘܦܢܐ ܕܣܥܪ̈ܐ ܘܒܩܨ̈ܝܐ ܕܠܚܡܐ ܠܡܩܛܠ ܢܦܫܬ̈ܐ ܐܝܠܝܢ ܕܠܐ ܚܝ̈ܒܢ ܗ̈ܘܝ ܠܡܡܬ ܘܠܡܚܝܘ ܢܦܫ̈ܬܐ ܐܝܠܝܢ ܕܠܐ ܚܝ̈ܒܢ ܗ̈ܘܝ ܠܡܚܐ ܘܟܕܒܬܝܢ ܠܥܡܐ ܕܫܡ̇ܥ ܟܕܒܘܬܐ |
| 20 לָכֵן כֹּה־אָמַר ׀ אֲדֹנָי יֱהֹוִה הִנְנִי אֶל־כִּסְּתוֹתֵיכֶנָה אֲשֶׁר אַתֵּנָה מְצֹדְדוֹת שָׁם אֶת־הַנְּפָשׁוֹת לְפֹרְחוֹת וְקָרַעְתִּי אֹתָם מֵעַל זְרוֹעֹֽתֵיכֶם וְשִׁלַּחְתִּי אֶת־הַנְּפָשׁוֹת אֲשֶׁר אַתֶּם מְצֹדְדוֹת אֶת־נְפָשִׁים לְפֹרְחֹֽת׃ | 20 ܡܛܠ ܗܢܐ ܗܟܢܐ ܐܡ̇ܪ ܡܪܐ ܡܪ̈ܘܬܐ ܗܐ ܐܢܐ ܥܠ ܒܣ̈ܕܘܬܟܝܢ ܕܨܝ̈ܕܢ ܐܢܬܝܢ ܒܗܘܢ ܢܦܫ̈ܬܐ ܘܐܨܪܐ ܐܢܘܢ ܡܢ ܕܪ̈ܥܝܟܝܢ ܘܐܫܪܐ ܢܦܫ̈ܬܐ ܐܝܠܝܢ ܕܨܝ̈ܕܢ ܐܢܬܝܢ ܘܐܦܪܚ ܐ̈ܢܝܢ |
| 21 וְקָרַעְתִּי אֶת־מִסְפְּחֹֽתֵיכֶם וְהִצַּלְתִּי אֶת־עַמִּי מִיֶּדְכֶן וְלֹא־יִהְיוּ עוֹד בְּיֶדְכֶן לִמְצוּדָה וִידַעְתֶּן כִּֽי־אֲנִי יְהֹוָֽה׃ | 21 ܘܐܨܪܐ ܡܐܢܝ̈ܟܝܢ ܘܐܦܨܐ ܠܥܡܝ ܡܢ ܐ̈ܝܕܝܟܝܢ ܘܬܘܒ ܠܐ ܢܫܬܠܡܘܢ ܒܡܨܝܕܬܐ ܒܐ̈ܝܕܝܟܝܢ ܘܬܕܥ̈ܢ ܕܐܢܐ ܐܢܐ ܡܪܝܐ |
| 22 יַעַן הַכְאוֹת לֵב־צַדִּיק שֶׁקֶר וַאֲנִי לֹא הִכְאַבְתִּיו וּלְחַזֵּק יְדֵי רָשָׁע לְבִלְתִּי־שׁוּב מִדַּרְכּוֹ הָרָע לְהַחֲיֹתֽוֹ׃ | 22 ܥܠ ܕܡܚܝ̈ܬܝܢ ܠܒܗ ܕܙܕܝܩܐ ܒܕܓܠܘܬܐ ܘܐܢܐ ܠܐ ܐܟܐܒܬܗ ܘܚܡܣܢܬܝܢ ܐ̈ܝܕܝܐ ܕܥ̇ܘ̈ܠܐ ܕܠܐ ܢܗܦܟܘܢ ܡܢ ܐܘܪ̈ܚܬܗܘܢ ܒܝܫܬ̈ܐ ܘܢܚܘܢ |
| 23 לָכֵן שָׁוְא לֹא תֶחֱזֶינָה וְקֶסֶם לֹא־תִקְסַמְנָה עוֹד וְהִצַּלְתִּי אֶת־עַמִּי מִיֶּדְכֶן וִידַעְתֶּן כִּֽי־אֲנִי יְהֹוָֽה׃ | 23 ܡܟܝܠ ܣܪܝܩܘܬܐ ܠܐ ܬܚ̈ܙܝܢ ܘܬܘܒ ܩܨܡܐ ܠܐ ܬܩܨ̈ܡܢ ܘܐܦܨܐ ܠܥܡܝ ܡܢ ܐ̈ܝܕܝܟܝܢ ܘܬ̈ܕܥܢ ܕܐܢܐ ܐܢܐ ܡܪܝܐ |
