Psalmi 34

NOVA VULGATA	VULGATA
1 David, quando se mente alienatum simulavit coram Abimelech et, ab illo dimissus, abiit.	1 Ipsi David. Judica, Domine, nocentes me ; expugna impugnantes me.
2 ALEPH. Benedicam Dominum in omni tempore, semper laus eius in ore meo.	2 Apprehende arma et scutum, et exsurge in adjutorium mihi.
3 BETH. In Domino gloriabitur anima mea, audiant mansueti et laetentur.	3 Effunde frameam, et conclude adversus eos qui persequuntur me ; dic animæ meæ : Salus tua ego sum.
4 GHIMEL. Magnificate Dominum mecum, et exaltemus nomen eius in idipsum.	4 Confundantur et revereantur quærentes animam meam ; avertantur retrorsum et confundantur cogitantes mihi mala.
5 DALETH. Exquisivi Dominum, et exaudivit me et ex omnibus terroribus meis eripuit me.	5 Fiant tamquam pulvis ante faciem venti, et angelus Domini coarctans eos.
6 HE. Respicite ad eum, et illuminamini, et facies vestrae non confundentur.	6 Fiat via illorum tenebræ et lubricum, et angelus Domini persequens eos.
7 ZAIN. Iste pauper clamavit, et Dominus exaudivit eum et de omnibus tribulationibus eius salvavit eum.	7 Quoniam gratis absconderunt mihi interitum laquei sui ; supervacue exprobraverunt animam meam.
8 HETH. Vallabit angelus Domini in circuitu timentes eum et eripiet eos.	8 Veniat illi laqueus quem ignorat, et captio quam abscondit apprehendat eum, et in laqueum cadat in ipsum.
9 TETH. Gustate et videte quoniam suavis est Dominus; beatus vir, qui sperat in eo.	9 Anima autem mea exsultabit in Domino, et delectabitur super salutari suo.
10 IOD. Timete Dominum, sancti eius, quoniam non est inopia timentibus eum.	10 Omnia ossa mea dicent : Domine, quis similis tibi ? eripiens inopem de manu fortiorum ejus ; egenum et pauperem a diripientibus eum.
11 CAPH. Divites eguerunt et esurierunt, inquirentes autem Dominum non deficient omni bono.	11 Surgentes testes iniqui, quæ ignorabam interrogabant me.
12 LAMED. Venite, filii, audite me: timorem Domini docebo vos.	12 Retribuebant mihi mala pro bonis, sterilitatem animæ meæ.
13 MEM. Quis est homo, qui vult vitam, diligit dies, ut videat bonum? -	13 Ego autem, cum mihi molesti essent, induebar cilicio ; humiliabam in jejunio animam meam, et oratio mea in sinu meo convertetur.
14 NUN. Prohibe linguam tuam a malo, et labia tua, ne loquantur dolum.	14 Quasi proximum et quasi fratrem nostrum sic complacebam ; quasi lugens et contristatus sic humiliabar.
15 SAMECH. Diverte a malo et fac bonum, inquire pacem et persequere eam.	15 Et adversum me lætati sunt, et convenerunt ; congregata sunt super me flagella, et ignoravi.
16 AIN. Oculi Domini super iustos, et aures eius in clamorem eorum.	16 Dissipati sunt, nec compuncti ; tentaverunt me, subsannaverunt me subsannatione ; frenduerunt super me dentibus suis.
17 PHE. Vultus autem Domini super facientes mala, ut perdat de terra memoriam eorum.	17 Domine, quando respicies ? Restitue animam meam a malignitate eorum ; a leonibus unicam meam.
18 SADE. Clamaverunt, et Dominus exaudivit et ex omnibus tribulationibus eorum liberavit eos.	18 Confitebor tibi in ecclesia magna ; in populo gravi laudabo te.
19 COPH. Iuxta est Dominus iis, qui contrito sunt corde, et confractos spiritu salvabit.	19 Non supergaudeant mihi qui adversantur mihi inique, qui oderunt me gratis, et annuunt oculis.
20 RES. Multae tribulationes iustorum, et de omnibus his liberabit eos Dominus.	20 Quoniam mihi quidem pacifice loquebantur ; et in iracundia terræ loquentes, dolos cogitabant.
21 SIN. Custodit omnia ossa eorum, unum ex his non conteretur.	21 Et dilataverunt super me os suum ; dixerunt : Euge, euge ! viderunt oculi nostri.
22 TAU. Interficiet peccatorem malitia; et, qui oderunt iustum, punientur.	22 Vidisti, Domine : ne sileas ; Domine, ne discedas a me.
23 PHE. Redimet Dominus animas servorum suorum; et non punientur omnes, qui sperant in eo.	23 Exsurge et intende judicio meo, Deus meus ; et Dominus meus, in causam meam.
	24 Judica me secundum justitiam tuam, Domine Deus meus, et non supergaudeant mihi.
	25 Non dicant in cordibus suis : Euge, euge, animæ nostræ ; nec dicant : Devoravimus eum.
	26 Erubescant et revereantur simul qui gratulantur malis meis ; induantur confusione et reverentia qui magna loquuntur super me.
	27 Exsultent et lætentur qui volunt justitiam meam ; et dicant semper : Magnificetur Dominus, qui volunt pacem servi ejus.
	28 Et lingua mea meditabitur justitiam tuam ; tota die laudem tuam.