Ecclesiasticus 35
123456789101112131415161718192021222324252627282930313233343536373839404142434445464748495051
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Qui conservat legem multiplicat oblationem. | 1 Qui conservat legem, multiplicat oblationes: |
2 Sacrificium salutare est attendere mandatis, et discedere ab omni iniquitate. | 2 sacrificium salutare est attendere mandatis. |
3 Et propitiationem litare sacrificii super injustitias : et deprecatio pro peccatis, recedere ab injustitia. | 3 |
4 Retribuet gratiam qui offert similaginem : et qui facit misericordiam offert sacrificium. | 4 Qui retribuit gratiam, offert similaginem, et, qui facit eleemosynam, offert sacrificium laudis. |
5 Beneplacitum est Domino recedere ab iniquitate : et deprecatio pro peccatis recedere ab injustitia. | 5 Beneplacitum est Domino recedere ab iniquitate, et deprecatio pro peccatis recedere ab iniustitia. |
6 Non apparebis ante conspectum Domini vacuus : | 6 Non apparebis ante conspectum Domini vacuus: |
7 hæc enim omnia propter mandatum Dei fiunt. | 7 haec enim omnia propter mandatum Dei fiunt. |
8 Oblatio justi impinguat altare, et odor suavitatis est in conspectu Altissimi. | 8 Oblatio iusti impinguat altare, et odor suavitatis illius est in conspectu Altissimi; |
9 Sacrificium justi acceptum est, et memoriam ejus non obliviscetur Dominus. | 9 sacrificium iusti acceptum est, et memoriam eius non obliviscetur Dominus. |
10 Bono animo gloriam redde Deo, et non minuas primitias manuum tuarum. | 10 Bono oculo gloriam redde Deo et non minuas primitias manuum tuarum; |
11 In omni dato hilarem fac vultum tuum, et in exsultatione sanctifica decimas tuas. | 11 in omni dato hilarem fac vultum tuum et in exsultatione sanctifica decimas tuas; |
12 Da Altissimo secundum datum ejus, et in bono oculo adinventionem facito manuum tuarum, | 12 da Altissimo secundum datum eius et in bono oculo ad inventionem facito manuum tuarum, |
13 quoniam Dominus retribuens est, et septies tantum reddet tibi. | 13 quoniam Dominus retribuens est et septies tantum reddet tibi. |
14 Noli offerre munera prava, non enim suscipiet illa. | 14 Noli offerre munera prava, non enim suscipiet illa; |
15 Et noli inspicere sacrificum injustum, quoniam Dominus judex est, et non est apud illum gloria personæ. | 15 et noli confidere in sacrificio iniusto, quoniam Dominus iudex est, et non est apud illum gloria personae. |
16 Non accipiet Dominus personam in pauperem, et deprecationem læsi exaudiet. | 16 Non accipiet personam in pauperem et deprecationem laesi exaudiet. |
17 Non despiciet preces pupilli, nec viduam, si effundat loquelam gemitus. | 17 Non despiciet preces pupilli nec viduam, si effundat loquelam gemitus. |
18 Nonne lacrimæ viduæ ad maxillam descendunt, et exclamatio ejus super deducentem eas ? | 18 Nonne lacrimae viduae ad maxillam descendunt, et exclamatio eius super deducentem eas? |
19 A maxilla enim ascendunt usque ad cælum, et Dominus exauditor non delectabitur in illis. | 19 A maxilla enim ascendunt usque ad caelum, et Dominus exauditor non delectabitur in illis. |
20 Qui adorat Deum in oblectatione suscipietur, et deprecatio illius usque ad nubes propinquabit. | 20 Qui adorat Deum, in beneplacito suscipietur, et deprecatio illius usque ad nubes propinquabit. |
21 Oratio humiliantis se nubes penetrabit, et donec propinquet non consolabitur, et non discedet donec Altissimus aspiciat. | 21 Oratio humilis nubes penetrabit et, donec propinquet, non consolabitur; et non discedet, donec Altissimus aspiciat, et iudex iustus faciat iudicium. |
22 Et Dominus non elongabit : et judicabit justos, et faciet judicium : et Fortissimus non habebit in illis patientiam, ut contribulet dorsum ipsorum : | 22 Et Dominus non tardabit, et Fortissimus non habebit in illis patientiam, donec contribulet dorsum crudelium |
23 et gentibus reddet vindictam, donec tollat plenitudinem superborum, et sceptra iniquorum contribulet : | 23 et gentibus reddet vindictam, donec tollat multitudinem superborum et sceptra iniquorum contribulet, |
24 donec reddat hominibus secundum actus suos, et secundum opera Adæ, et secundum præsumptionem illius : | 24 donec reddat hominibus secundum actus suos et opera Adae secundum praesumptionem illius, |
25 donec judicet judicium plebis suæ, et oblectabit justos misericordia sua. | 25 donec iudicet iudicium plebis suae et oblectabit istos misericordia sua. |
26 Speciosa misericordia Dei in tempore tribulationis, quasi nubes pluviæ in tempore siccitatis. | 26 Speciosa misericordia in tempore tribulationis, quasi nubes pluviae in tempore siccitatis. |