Psalms 69

CATHOLIC PUBLIC DOMAIN	MODERN HEBREW BIBLE
1 Unto the end. A Psalm of David, in remembrance that the Lord had saved him.	1 למנצח על שושנים לדוד הושיעני אלהים כי באו מים עד נפש
2 O God, reach out to help me. O Lord, hasten to assist me.	2 טבעתי ביון מצולה ואין מעמד באתי במעמקי מים ושבלת שטפתני
3 May those who seek my soul be confounded and awed.	3 יגעתי בקראי נחר גרוני כלו עיני מיחל לאלהי
4 May those who wish evils upon me be turned back and blush with shame. May they be turned away immediately, blushing with shame, who say to me: “Well, well.”	4 רבו משערות ראשי שנאי חנם עצמו מצמיתי איבי שקר אשר לא גזלתי אז אשיב
5 Let all who seek you exult and rejoice in you, and let those who love your salvation forever say: “The Lord be magnified.”	5 אלהים אתה ידעת לאולתי ואשמותי ממך לא נכחדו
6 I am truly destitute and poor. O God, assist me. You are my helper and my deliverer. O Lord, do not delay.	6 אל יבשו בי קויך אדני יהוה צבאות אל יכלמו בי מבקשיך אלהי ישראל
	7 כי עליך נשאתי חרפה כסתה כלמה פני
	8 מוזר הייתי לאחי ונכרי לבני אמי
	9 כי קנאת ביתך אכלתני וחרפות חורפיך נפלו עלי
	10 ואבכה בצום נפשי ותהי לחרפות לי
	11 ואתנה לבושי שק ואהי להם למשל
	12 ישיחו בי ישבי שער ונגינות שותי שכר
	13 ואני תפלתי לך יהוה עת רצון אלהים ברב חסדך ענני באמת ישעך
	14 הצילני מטיט ואל אטבעה אנצלה משנאי וממעמקי מים
	15 אל תשטפני שבלת מים ואל תבלעני מצולה ואל תאטר עלי באר פיה
	16 ענני יהוה כי טוב חסדך כרב רחמיך פנה אלי
	17 ואל תסתר פניך מעבדך כי צר לי מהר ענני
	18 קרבה אל נפשי גאלה למען איבי פדני
	19 אתה ידעת חרפתי ובשתי וכלמתי נגדך כל צוררי
	20 חרפה שברה לבי ואנושה ואקוה לנוד ואין ולמנחמים ולא מצאתי
	21 ויתנו בברותי ראש ולצמאי ישקוני חמץ
	22 יהי שלחנם לפניהם לפח ולשלומים למוקש
	23 תחשכנה עיניהם מראות ומתניהם תמיד המעד
	24 שפך עליהם זעמך וחרון אפך ישיגם
	25 תהי טירתם נשמה באהליהם אל יהי ישב
	26 כי אתה אשר הכית רדפו ואל מכאוב חלליך יספרו
	27 תנה עון על עונם ואל יבאו בצדקתך
	28 ימחו מספר חיים ועם צדיקים אל יכתבו
	29 ואני עני וכואב ישועתך אלהים תשגבני
	30 אהללה שם אלהים בשיר ואגדלנו בתודה
	31 ותיטב ליהוה משור פר מקרן מפריס
	32 ראו ענוים ישמחו דרשי אלהים ויחי לבבכם
	33 כי שמע אל אביונים יהוה ואת אסיריו לא בזה
	34 יהללוהו שמים וארץ ימים וכל רמש בם
	35 כי אלהים יושיע ציון ויבנה ערי יהודה וישבו שם וירשוה
	36 וזרע עבדיו ינחלוה ואהבי שמו ישכנו בה