Yermĭyahu ( ירמיהו) - Geremia 20

MODERN HEBREW BIBLE	STUTTGARTENSIA-DELITZSCH
1 לץ היין המה שכר וכל שגה בו לא יחכם	1 לֵץ הַיַּין הֹמֶה שֵׁכָר וְכָל־שֹׁגֶה בֹּו לֹא יֶחְכָּם
2 נהם ככפיר אימת מלך מתעברו חוטא נפשו	2 נַהַם כַּכְּפִיר אֵימַת מֶלֶךְ מִתְעַבְּרֹו חֹוטֵא נַפְשֹׁו
3 כבוד לאיש שבת מריב וכל אויל יתגלע	3 כָּבֹוד לָאִישׁ שֶׁבֶת מֵרִיב וְכָל־אֱוִיל יִתְגַּלָּע
4 מחרף עצל לא יחרש ישאל בקציר ואין	4 מֵחֹרֶף עָצֵל לֹא־יַחֲרֹשׁ [יִשְׁאַל כ] (וְשָׁאַל ק) בַּקָּצִיר וָאָיִן
5 מים עמקים עצה בלב איש ואיש תבונה ידלנה	5 מַיִם עֲמֻקִּים עֵצָה בְלֶב־אִישׁ וְאִישׁ תְּבוּנָה יִדְלֶנָּה
6 רב אדם יקרא איש חסדו ואיש אמונים מי ימצא	6 רָב־אָדָם יִקְרָא אִישׁ חַסְדֹּו וְאִישׁ אֱמוּנִים מִי יִמְצָא
7 מתהלך בתמו צדיק אשרי בניו אחריו	7 מִתְהַלֵּךְ בְּתֻמֹּו צַדִּיק אַשְׁרֵי בָנָיו אַחֲרָיו
8 מלך יושב על כסא דין מזרה בעיניו כל רע	8 מֶלֶךְ יֹושֵׁב עַל־כִּסֵּא־דִין מְזָרֶה בְעֵינָיו כָּל־רָע
9 מי יאמר זכיתי לבי טהרתי מחטאתי	9 מִי־יֹאמַר זִכִּיתִי לִבִּי טָהַרְתִּי מֵחַטָּאתִי
10 אבן ואבן איפה ואיפה תועבת יהוה גם שניהם	10 אֶבֶן וָאֶבֶן אֵיפָה וְאֵיפָה תֹּועֲבַת יְהוָה גַּם־שְׁנֵיהֶם
11 גם במעלליו יתנכר נער אם זך ואם ישר פעלו	11 גַּם בְּמַעֲלָלָיו יִתְנַכֶּר־נָעַר אִם־זַךְ וְאִם־יָשָׁר פָּעֳלֹו
12 אזן שמעת ועין ראה יהוה עשה גם שניהם	12 אֹזֶן מַעַת וְעַיִן רֹאָה יְהוָה עָשָׂה גַם־שְׁנֵיהֶם
13 אל תאהב שנה פן תורש פקח עיניך שבע לחם	13 אַל־תֶּאֱהַב נָה פֶּן־תִּוָּרֵשׁ פְּקַח עֵינֶיךָ שְׂבַע־לָחֶם
14 רע רע יאמר הקונה ואזל לו אז יתהלל	14 רַע רַע יֹאמַר הַקֹּונֶה וְאֹזֵל לֹו אָז יִתְהַלָּל
15 יש זהב ורב פנינים וכלי יקר שפתי דעת	15 יֵשׁ זָהָב וְרָב־פְּנִינִים וּכְלִי יְקָר שִׂפְתֵי־דָעַת
16 לקח בגדו כי ערב זר ובעד נכרים חבלהו	16 לְקַח־בִּגְדֹו כִּי־עָרַב זָר וּבְעַד [נָכְרִים כ] (נָכְרִיָּה ק) חַבְלֵהוּ
17 ערב לאיש לחם שקר ואחר ימלא פיהו חצץ	17 עָרֵב לָאִישׁ לֶחֶם שָׁקֶר וְאַחַר יִמָּלֵא־פִיהוּ חָצָץ
18 מחשבות בעצה תכון ובתחבלות עשה מלחמה	18 מַחֲשָׁבֹות בְּעֵצָה תִכֹּון וּבְתַחְבֻּלֹות עֲשֵׂה מִלְחָמָה
19 גולה סוד הולך רכיל ולפתה שפתיו לא תתערב	19 גֹּולֶה־סֹּוד הֹולֵךְ רָכִיל וּלְפֹתֶה פָתָיו לֹא תִתְעָרָב
20 מקלל אביו ואמו ידעך נרו באישון חשך	20 מְקַלֵּל אָבִיו וְאִמֹּו יִדְעַךְ נֵרֹו [בְּאִישֹׁון כ] (בֶּאֱשׁוּן ק) חֹשֶׁךְ
21 נחלה מבחלת בראשנה ואחריתה לא תברך	21 נַחֲלָה [מְבֻחֶלֶת כ] (מְבֹהֶלֶת ק) בָּרִאשֹׁנָה וְאַחֲרִיתָהּ לֹא תְבֹרָךְ
22 אל תאמר אשלמה רע קוה ליהוה וישע לך	22 אַל־תֹּאמַר אֲשַׁלְּמָה־רָע קַוֵּה לַיהוָה וְיֹשַׁע לָךְ
23 תועבת יהוה אבן ואבן ומאזני מרמה לא טוב	23 תֹּועֲבַת יְהוָה אֶבֶן וָאָבֶן וּמֹאזְנֵי מִרְמָה לֹא־טֹוב
24 מיהוה מצעדי גבר ואדם מה יבין דרכו	24 מֵיְהוָה מִצְעֲדֵי־גָבֶר וְאָדָם מַה־יָּבִין דַּרְכֹּו
25 מוקש אדם ילע קדש ואחר נדרים לבקר	25 מֹוקֵשׁ אָדָם יָלַע קֹדֶשׁ וְאַחַר נְדָרִים לְבַקֵּר
26 מזרה רשעים מלך חכם וישב עליהם אופן	26 מְזָרֶה רְשָׁעִים מֶלֶךְ חָכָם וַיָּשֶׁב עֲלֵיהֶם אֹופָן
27 נר יהוה נשמת אדם חפש כל חדרי בטן	27 נֵר יְהוָה נִשְׁמַת אָדָם חֹפֵשׂ כָּל־חַדְרֵי־בָטֶן
28 חסד ואמת יצרו מלך וסעד בחסד כסאו	28 חֶסֶד וֶאֱמֶת יִצְּרוּ־מֶלֶךְ וְסָעַד בַּחֶסֶד כִּסְאֹו
29 תפארת בחורים כחם והדר זקנים שיבה	29 תִּפְאֶרֶת בַּחוּרִים כֹּחָם וַהֲדַר זְקֵנִים שֵׂיבָה
30 חברות פצע תמריק ברע ומכות חדרי בטן	30 חַבֻּרֹות פֶּצַע [תַּמְרִיק כ] (תַּמְרוּק ק) בְּרָע וּמַכֹּות חַדְרֵי־בָטֶן