Canticle of Canticles 5

NEW AMERICAN BIBLE	NOVA VULGATA
1 I have come to my garden, my sister, my bride;	1 Veniat dilectus meus in hortum suum et comedat fructus eius optimos. Veni in hortum meum, soror mea, sponsa; messui myrrham meam cum aromatibus meis, comedi favum cum melle, bibi vinum cum lacte meo. Comedite, amici, et bibite et inebriamini, carissimi.
2 I was sleeping, but my heart kept vigil;	2 Ego dormio, et cor meum vigilat. Vox dilecti mei pulsantis: “ Aperi mihi, soror mea, amica mea, columba mea, immaculata mea, quia caput meum plenum est rore, et cincinni mei guttis noctium ”.
3 I have taken off my robe,	3 “Exspoliavi me tunica mea, quomodo induar illa? Lavi pedes meos, quomodo inquinabo illos?”.
4 My lover put his hand through the opening;	4 Dilectus meus misit manum suam per foramen, et venter meus ilico intremuit.
5 I rose to open to my lover,	5 Surrexi, ut aperirem dilecto meo; manus meae stillaverunt myrrham, et digiti mei pleni myrrha probatissima super ansam pessuli.
6 I opened to my lover-	6 Aperui dilecto meo; at ille declinaverat atque transierat. Anima mea liquefacta est, quia discesserat. Quaesivi et non inveni illum; vocavi, et non respondit mihi.
7 The watchmen came upon me	7 Invenerunt me custodes, qui circumeunt civitatem; percusserunt me et vulneraverunt me, tulerunt pallium meum mihi custodes murorum.
8 I adjure you, daughters of Jerusalem,	8 Adiuro vos, filiae Ierusalem: si inveneritis dilectum meum, quid nuntietis ei? “ Quia amore langueo ”.
9 How does your lover differ from any other,	9 Quid est dilecto tuo prae ceteris, o pulcherrima mulierum? Quid est dilecto tuo prae ceteris, quia sic adiurasti nos?
10 My lover is radiant and ruddy;	10 Dilectus meus candidus et rubicundus dignoscitur ex milibus.
11 His head is pure gold;	11 Caput eius aurum optimum, cincinni eius sicut racemi palmarum, nigri quasi corvus.
12 His eyes are like doves	12 Oculi eius sicut columbae super rivulos aquarum, quae lacte sunt lotae et resident iuxta fluenta plenissima.
13 His cheeks are like beds of spice	13 Genae illius sicut areolae aromatum, turriculae unguentorum; labia eius lilia distillantia myrrham primam.
14 His arms are rods of gold	14 Manus illius tornatiles aureae, plenae hyacinthis; venter eius opus eburneum distinctum sapphiris.
15 His legs are columns of marble	15 Crura illius columnae marmoreae, quae fundatae sunt super bases aureas; species eius ut Libani, electus ut cedri.
16 His mouth is sweetness itself;	16 Guttur illius suavissimum, et totus desiderabilis. Talis est dilectus meus, et ipse est amicus meus, filiae Ierusalem.