ΠΑΡΟΙΜΙΑΙ - Proverbi - Proverbs 16

¹ -

² παντα τα εργα του ταπεινου φανερα παρα τω θεω οι δε ασεβεις εν ημερα κακη ολουνται

³ -

⁴ -

⁵ ακαθαρτος παρα θεω πας υψηλοκαρδιος χειρι δε χειρας εμβαλων αδικως ουκ αθωωθησεται

⁶ -

⁷ αρχη οδου αγαθης το ποιειν τα δικαια δεκτα δε παρα θεω μαλλον η θυειν θυσιας

⁸ ο ζητων τον κυριον ευρησει γνωσιν μετα δικαιοσυνης οι δε ορθως ζητουντες αυτον ευρησουσιν ειρηνην

⁹ παντα τα εργα του κυριου μετα δικαιοσυνης φυλασσεται δε ο ασεβης εις ημεραν κακην

¹⁰ μαντειον επι χειλεσιν βασιλεως εν δε κρισει ου μη πλανηθη το στομα αυτου

¹¹ ροπη ζυγου δικαιοσυνη παρα κυριω τα δε εργα αυτου σταθμια δικαια

¹² βδελυγμα βασιλει ο ποιων κακα μετα γαρ δικαιοσυνης ετοιμαζεται θρονος αρχης

¹³ δεκτα βασιλει χειλη δικαια λογους δε ορθους αγαπα

¹⁴ θυμος βασιλεως αγγελος θανατου ανηρ δε σοφος εξιλασεται αυτον

¹⁵ εν φωτι ζωης υιος βασιλεως οι δε προσδεκτοι αυτω ωσπερ νεφος οψιμον

¹⁶ νοσσιαι σοφιας αιρετωτεραι χρυσιου νοσσιαι δε φρονησεως αιρετωτεραι υπερ αργυριον

¹⁷ τριβοι ζωης εκκλινουσιν απο κακων μηκος δε βιου οδοι δικαιοσυνης ο δεχομενος παιδειαν εν αγαθοις εσται ο δε φυλασσων ελεγχους σοφισθησεται ος φυλασσει τας εαυτου οδους τηρει την εαυτου ψυχην αγαπων δε ζωην αυτου φεισεται στοματος αυτου

¹⁸ προ συντριβης ηγειται υβρις προ δε πτωματος κακοφροσυνη

¹⁹ κρεισσων πραυθυμος μετα ταπεινωσεως η ος διαιρειται σκυλα μετα υβριστων

²⁰ συνετος εν πραγμασιν ευρετης αγαθων πεποιθως δε επι θεω μακαριστος

²¹ τους σοφους και συνετους φαυλους καλουσιν οι δε γλυκεις εν λογω πλειονα ακουσονται

²² πηγη ζωης εννοια τοις κεκτημενοις παιδεια δε αφρονων κακη

²³ καρδια σοφου νοησει τα απο του ιδιου στοματος επι δε χειλεσιν φορεσει επιγνωμοσυνην

²⁴ κηρια μελιτος λογοι καλοι γλυκασμα δε αυτων ιασις ψυχης

²⁵ εισιν οδοι δοκουσαι ειναι ορθαι ανδρι τα μεντοι τελευταια αυτων βλεπει εις πυθμενα αδου

²⁶ ανηρ εν πονοις πονει εαυτω και εκβιαζεται εαυτου την απωλειαν ο μεντοι σκολιος επι τω εαυτου στοματι φορει την απωλειαν

²⁷ ανηρ αφρων ορυσσει εαυτω κακα επι δε των εαυτου χειλεων θησαυριζει πυρ

²⁸ ανηρ σκολιος διαπεμπεται κακα και λαμπτηρα δολου πυρσευει κακοις και διαχωριζει φιλους

²⁹ ανηρ παρανομος αποπειραται φιλων και απαγει αυτους οδους ουκ αγαθας

³⁰ στηριζων οφθαλμους αυτου λογιζεται διεστραμμενα οριζει δε τοις χειλεσιν αυτου παντα τα κακα ουτος καμινος εστιν κακιας

³¹ στεφανος καυχησεως γηρας εν δε οδοις δικαιοσυνης ευρισκεται

³² κρεισσων ανηρ μακροθυμος ισχυρου ο δε κρατων οργης κρεισσων καταλαμβανομενου πολιν

³³ εις κολπους επερχεται παντα τοις αδικοις παρα δε κυριου παντα τα δικαια