ΠΑΡΟΙΜΙΑΙ - Proverbi - Proverbs 12

¹ ο αγαπων παιδειαν αγαπα αισθησιν ο δε μισων ελεγχους αφρων

² κρεισσων ο ευρων χαριν παρα κυριω ανηρ δε παρανομος παρασιωπηθησεται

³ ου κατορθωσει ανθρωπος εξ ανομου αι δε ριζαι των δικαιων ουκ εξαρθησονται

⁴ γυνη ανδρεια στεφανος τω ανδρι αυτης ωσπερ δε εν ξυλω σκωληξ ουτως ανδρα απολλυσιν γυνη κακοποιος

⁵ λογισμοι δικαιων κριματα κυβερνωσιν δε ασεβεις δολους

⁶ λογοι ασεβων δολιοι στομα δε ορθων ρυσεται αυτους

⁷ ου εαν στραφη ασεβης αφανιζεται οικοι δε δικαιων παραμενουσιν

⁸ στομα συνετου εγκωμιαζεται υπο ανδρος νωθροκαρδιος δε μυκτηριζεται

⁹ κρεισσων ανηρ εν ατιμια δουλευων εαυτω η τιμην εαυτω περιτιθεις και προσδεομενος αρτου

¹⁰ δικαιος οικτιρει ψυχας κτηνων αυτου τα δε σπλαγχνα των ασεβων ανελεημονα

¹¹ ο εργαζομενος την εαυτου γην εμπλησθησεται αρτων οι δε διωκοντες ματαια ενδεεις φρενων [11α] ος εστιν ηδυς εν οινων διατριβαις εν τοις εαυτου οχυρωμασιν καταλειψει ατιμιαν

¹² επιθυμιαι ασεβων κακαι αι δε ριζαι των ευσεβων εν οχυρωμασιν

¹³ δι' αμαρτιαν χειλεων εμπιπτει εις παγιδας αμαρτωλος εκφευγει δε εξ αυτων δικαιος [13α] ο βλεπων λεια ελεηθησεται ο δε συναντων εν πυλαις εκθλιψει ψυχας

¹⁴ απο καρπων στοματος ψυχη ανδρος πλησθησεται αγαθων ανταποδομα δε χειλεων αυτου δοθησεται αυτω

¹⁵ οδοι αφρονων ορθαι ενωπιον αυτων εισακουει δε συμβουλιας σοφος

¹⁶ αφρων αυθημερον εξαγγελλει οργην αυτου κρυπτει δε την εαυτου ατιμιαν πανουργος

¹⁷ επιδεικνυμενην πιστιν απαγγελλει δικαιος ο δε μαρτυς των αδικων δολιος

¹⁸ εισιν οι λεγοντες τιτρωσκουσιν μαχαιρα γλωσσαι δε σοφων ιωνται

¹⁹ χειλη αληθινα κατορθοι μαρτυριαν μαρτυς δε ταχυς γλωσσαν εχει αδικον

²⁰ δολος εν καρδια τεκταινομενου κακα οι δε βουλομενοι ειρηνην ευφρανθησονται

²¹ ουκ αρεσει τω δικαιω ουδεν αδικον οι δε ασεβεις πλησθησονται κακων

²² βδελυγμα κυριω χειλη ψευδη ο δε ποιων πιστεις δεκτος παρ' αυτω

²³ ανηρ συνετος θρονος αισθησεως καρδια δε αφρονων συναντησεται αραις

²⁴ χειρ εκλεκτων κρατησει ευχερως δολιοι δε εσονται εις προνομην

²⁵ φοβερος λογος καρδιαν ταρασσει ανδρος δικαιου αγγελια δε αγαθη ευφραινει αυτον

²⁶ επιγνωμων δικαιος εαυτου φιλος εσται αι δε γνωμαι των ασεβων ανεπιεικεις αμαρτανοντας καταδιωξεται κακα η δε οδος των ασεβων πλανησει αυτους

²⁷ ουκ επιτευξεται δολιος θηρας κτημα δε τιμιον ανηρ καθαρος

²⁸ εν οδοις δικαιοσυνης ζωη οδοι δε μνησικακων εις θανατον