ΨΑΛΜΟΙ - Salmi - Psalms 54

¹ εις το τελος εν υμνοις συνεσεως τω δαυιδ

² ενωτισαι ο θεος την προσευχην μου και μη υπεριδης την δεησιν μου

³ προσχες μοι και εισακουσον μου ελυπηθην εν τη αδολεσχια μου και εταραχθην

⁴ απο φωνης εχθρου και απο θλιψεως αμαρτωλου οτι εξεκλιναν επ' εμε ανομιαν και εν οργη ενεκοτουν μοι

⁵ η καρδια μου εταραχθη εν εμοι και δειλια θανατου επεπεσεν επ' εμε

⁶ φοβος και τρομος ηλθεν επ' εμε και εκαλυψεν με σκοτος

⁷ και ειπα τις δωσει μοι πτερυγας ωσει περιστερας και πετασθησομαι και καταπαυσω

⁸ ιδου εμακρυνα φυγαδευων και ηυλισθην εν τη ερημω διαψαλμα

⁹ προσεδεχομην τον σωζοντα με απο ολιγοψυχιας και καταιγιδος

¹⁰ καταποντισον κυριε και καταδιελε τας γλωσσας αυτων οτι ειδον ανομιαν και αντιλογιαν εν τη πολει

¹¹ ημερας και νυκτος κυκλωσει αυτην επι τα τειχη αυτης ανομια και κοπος εν μεσω αυτης και αδικια

¹² και ουκ εξελιπεν εκ των πλατειων αυτης τοκος και δολος

¹³ οτι ει εχθρος ωνειδισεν με υπηνεγκα αν και ει ο μισων με επ' εμε εμεγαλορρημονησεν εκρυβην αν απ' αυτου

¹⁴ συ δε ανθρωπε ισοψυχε ηγεμων μου και γνωστε μου

¹⁵ ος επι το αυτο μοι εγλυκανας εδεσματα εν τω οικω του θεου επορευθημεν εν ομονοια

¹⁶ ελθετω θανατος επ' αυτους και καταβητωσαν εις αδου ζωντες οτι πονηριαι εν ταις παροικιαις αυτων εν μεσω αυτων

¹⁷ εγω δε προς τον θεον εκεκραξα και ο κυριος εισηκουσεν μου

¹⁸ εσπερας και πρωι και μεσημβριας διηγησομαι απαγγελω και εισακουσεται της φωνης μου

¹⁹ λυτρωσεται εν ειρηνη την ψυχην μου απο των εγγιζοντων μοι οτι εν πολλοις ησαν συν εμοι

²⁰ εισακουσεται ο θεος και ταπεινωσει αυτους ο υπαρχων προ των αιωνων διαψαλμα ου γαρ εστιν αυτοις ανταλλαγμα και ουκ εφοβηθησαν τον θεον

²¹ εξετεινεν την χειρα αυτου εν τω αποδιδοναι εβεβηλωσαν την διαθηκην αυτου

²² διεμερισθησαν απο οργης του προσωπου αυτου και ηγγισεν η καρδια αυτου ηπαλυνθησαν οι λογοι αυτου υπερ ελαιον και αυτοι εισιν βολιδες

²³ επιρριψον επι κυριον την μεριμναν σου και αυτος σε διαθρεψει ου δωσει εις τον αιωνα σαλον τω δικαιω

²⁴ συ δε ο θεος καταξεις αυτους εις φρεαρ διαφθορας ανδρες αιματων και δολιοτητος ου μη ημισευσωσιν τας ημερας αυτων εγω δε ελπιω επι σε κυριε