ΨΑΛΜΟΙ - Salmi - Psalms 131

¹ ωδη των αναβαθμων μνησθητι κυριε του δαυιδ και πασης της πραυτητος αυτου

² ως ωμοσεν τω κυριω ηυξατο τω θεω ιακωβ

³ ει εισελευσομαι εις σκηνωμα οικου μου ει αναβησομαι επι κλινης στρωμνης μου

⁴ ει δωσω υπνον τοις οφθαλμοις μου και τοις βλεφαροις μου νυσταγμον και αναπαυσιν τοις κροταφοις μου

⁵ εως ου ευρω τοπον τω κυριω σκηνωμα τω θεω ιακωβ

⁶ ιδου ηκουσαμεν αυτην εν εφραθα ευρομεν αυτην εν τοις πεδιοις του δρυμου

⁷ εισελευσομεθα εις τα σκηνωματα αυτου προσκυνησομεν εις τον τοπον ου εστησαν οι ποδες αυτου

⁸ αναστηθι κυριε εις την αναπαυσιν σου συ και η κιβωτος του αγιασματος σου

⁹ οι ιερεις σου ενδυσονται δικαιοσυνην και οι οσιοι σου αγαλλιασονται

¹⁰ ενεκεν δαυιδ του δουλου σου μη αποστρεψης το προσωπον του χριστου σου

¹¹ ωμοσεν κυριος τω δαυιδ αληθειαν και ου μη αθετησει αυτην εκ καρπου της κοιλιας σου θησομαι επι τον θρονον σου

¹² εαν φυλαξωνται οι υιοι σου την διαθηκην μου και τα μαρτυρια μου ταυτα α διδαξω αυτους και οι υιοι αυτων εως του αιωνος καθιουνται επι του θρονου σου

¹³ οτι εξελεξατο κυριος την σιων ηρετισατο αυτην εις κατοικιαν εαυτω

¹⁴ αυτη η καταπαυσις μου εις αιωνα αιωνος ωδε κατοικησω οτι ηρετισαμην αυτην

¹⁵ την θηραν αυτης ευλογων ευλογησω τους πτωχους αυτης χορτασω αρτων

¹⁶ τους ιερεις αυτης ενδυσω σωτηριαν και οι οσιοι αυτης αγαλλιασει αγαλλιασονται

¹⁷ εκει εξανατελω κερας τω δαυιδ ητοιμασα λυχνον τω χριστω μου

¹⁸ τους εχθρους αυτου ενδυσω αισχυνην επι δε αυτον εξανθησει το αγιασμα μου