ΨΑΛΜΟΙ - Salmi - Psalms 107

¹ ωδη ψαλμου τω δαυιδ

² ετοιμη η καρδια μου ο θεος ετοιμη η καρδια μου ασομαι και ψαλω εν τη δοξη μου

³ εξεγερθητι ψαλτηριον και κιθαρα εξεγερθησομαι ορθρου

⁴ εξομολογησομαι σοι εν λαοις κυριε και ψαλω σοι εν εθνεσιν

⁵ οτι μεγα επανω των ουρανων το ελεος σου και εως των νεφελων η αληθεια σου

⁶ υψωθητι επι τους ουρανους ο θεος και επι πασαν την γην η δοξα σου

⁷ οπως αν ρυσθωσιν οι αγαπητοι σου σωσον τη δεξια σου και επακουσον μου

⁸ ο θεος ελαλησεν εν τω αγιω αυτου υψωθησομαι και διαμεριω σικιμα και την κοιλαδα των σκηνων διαμετρησω

⁹ εμος εστιν γαλααδ και εμος εστιν μανασση και εφραιμ αντιλημψις της κεφαλης μου ιουδας βασιλευς μου

¹⁰ μωαβ λεβης της ελπιδος μου επι την ιδουμαιαν εκτενω το υποδημα μου εμοι αλλοφυλοι υπεταγησαν

¹¹ τις απαξει με εις πολιν περιοχης τις οδηγησει με εως της ιδουμαιας

¹² ουχι συ ο θεος ο απωσαμενος ημας και ουκ εξελευση ο θεος εν ταις δυναμεσιν ημων

¹³ δος ημιν βοηθειαν εκ θλιψεως και ματαια σωτηρια ανθρωπου

¹⁴ εν τω θεω ποιησομεν δυναμιν και αυτος εξουδενωσει τους εχθρους ημων