ΙΩΒ - Giobbe - Job 41

¹ ουχ εορακας αυτον ουδε επι τοις λεγομενοις τεθαυμακας

² ου δεδοικας οτι ητοιμασται μοι τις γαρ εστιν ο εμοι αντιστας

³ η τις αντιστησεται μοι και υπομενει ει πασα η υπ' ουρανον εμη εστιν

⁴ ου σιωπησομαι δι' αυτον και λογον δυναμεως ελεησει τον ισον αυτου

⁵ τις αποκαλυψει προσωπον ενδυσεως αυτου εις δε πτυξιν θωρακος αυτου τις αν εισελθοι

⁶ πυλας προσωπου αυτου τις ανοιξει κυκλω οδοντων αυτου φοβος

⁷ τα εγκατα αυτου ασπιδες χαλκειαι συνδεσμος δε αυτου ωσπερ σμιριτης λιθος

⁸ εις του ενος κολλωνται πνευμα δε ου μη διελθη αυτον

⁹ ανηρ τω αδελφω αυτου προσκολληθησεται συνεχονται και ου μη αποσπασθωσιν

¹⁰ εν πταρμω αυτου επιφαυσκεται φεγγος οι δε οφθαλμοι αυτου ειδος εωσφορου

¹¹ εκ στοματος αυτου εκπορευονται λαμπαδες καιομεναι και διαρριπτουνται εσχαραι πυρος

¹² εκ μυκτηρων αυτου εκπορευεται καπνος καμινου καιομενης πυρι ανθρακων

¹³ η ψυχη αυτου ανθρακες φλοξ δε εκ στοματος αυτου εκπορευεται

¹⁴ εν δε τραχηλω αυτου αυλιζεται δυναμις εμπροσθεν αυτου τρεχει απωλεια

¹⁵ σαρκες δε σωματος αυτου κεκολληνται καταχεει επ' αυτον ου σαλευθησεται

¹⁶ η καρδια αυτου πεπηγεν ως λιθος εστηκεν δε ωσπερ ακμων ανηλατος

¹⁷ στραφεντος δε αυτου φοβος θηριοις τετραποσιν επι γης αλλομενοις

¹⁸ εαν συναντησωσιν αυτω λογχαι ουδεν μη ποιησωσιν δορυ επηρμενον και θωρακα

¹⁹ ηγηται μεν γαρ σιδηρον αχυρα χαλκον δε ωσπερ ξυλον σαθρον

²⁰ ου μη τρωση αυτον τοξον χαλκειον ηγηται μεν πετροβολον χορτον

²¹ ως καλαμη ελογισθησαν σφυραι καταγελα δε σεισμου πυρφορου

²² η στρωμνη αυτου οβελισκοι οξεις πας δε χρυσος θαλασσης υπ' αυτον ωσπερ πηλος αμυθητος

²³ αναζει την αβυσσον ωσπερ χαλκειον ηγηται δε την θαλασσαν ωσπερ εξαλειπτρον

²⁴ τον δε ταρταρον της αβυσσου ωσπερ αιχμαλωτον ελογισατο αβυσσον εις περιπατον

²⁵ ουκ εστιν ουδεν επι της γης ομοιον αυτω πεποιημενον εγκαταπαιζεσθαι υπο των αγγελων μου

²⁶ παν υψηλον ορα αυτος δε βασιλευς παντων των εν τοις υδασιν