ΣΟΦΙΑ ΣΑΛΩΜΩΝ - Sapienza - Wisdom 41

Torna indietro

Modern Greek Bible	Káldi-Neovulgáta
¹ ω θανατε ως πικρον σου το μνημοσυνον εστιν ανθρωπω ειρηνευοντι εν τοις υπαρχουσιν αυτου ανδρι απερισπαστω και ευοδουμενω εν πασιν και ετι ισχυοντι επιδεξασθαι τροφην
² ω θανατε καλον σου το κριμα εστιν ανθρωπω επιδεομενω και ελασσουμενω ισχυι εσχατογηρω και περισπωμενω περι παντων και απειθουντι και απολωλεκοτι υπομονην
³ μη ευλαβου κριμα θανατου μνησθητι προτερων σου και εσχατων
⁴ τουτο το κριμα παρα κυριου παση σαρκι και τι απαναινη εν ευδοκια υψιστου ειτε δεκα ειτε εκατον ειτε χιλια ετη ουκ εστιν εν αδου ελεγμος ζωης
⁵ τεκνα βδελυρα γινεται τεκνα αμαρτωλων και συναναστρεφομενα παροικιαις ασεβων
⁶ τεκνων αμαρτωλων απολειται κληρονομια και μετα του σπερματος αυτων ενδελεχιει ονειδος
⁷ πατρι ασεβει μεμψεται τεκνα οτι δι' αυτον ονειδισθησονται
⁸ ουαι υμιν ανδρες ασεβεις οιτινες εγκατελιπετε νομον θεου υψιστου
⁹ και εαν γεννηθητε εις καταραν γεννηθησεσθε και εαν αποθανητε εις καταραν μερισθησεσθε
¹⁰ παντα οσα εκ γης εις γην απελευσεται ουτως ασεβεις απο καταρας εις απωλειαν
¹¹ πενθος ανθρωπων εν σωμασιν αυτων ονομα δε αμαρτωλων ουκ αγαθον εξαλειφθησεται
¹² φροντισον περι ονοματος αυτο γαρ σοι διαμενει η χιλιοι μεγαλοι θησαυροι χρυσιου
¹³ αγαθης ζωης αριθμος ημερων και αγαθον ονομα εις αιωνα διαμενει
¹⁴ παιδειαν εν ειρηνη συντηρησατε τεκνα σοφια δε κεκρυμμενη και θησαυρος αφανης τις ωφελεια εν αμφοτεροις
¹⁵ κρεισσων ανθρωπος αποκρυπτων την μωριαν αυτου η ανθρωπος αποκρυπτων την σοφιαν αυτου
¹⁶ τοιγαρουν εντραπητε επι τω ρηματι μου ου γαρ εστιν πασαν αισχυνην διαφυλαξαι καλον και ου παντα πασιν εν πιστει ευδοκιμειται
¹⁷ αισχυνεσθε απο πατρος και μητρος περι πορνειας και απο ηγουμενου και δυναστου περι ψευδους
¹⁸ απο κριτου και αρχοντος περι πλημμελειας και απο συναγωγης και λαου περι ανομιας
¹⁹ απο κοινωνου και φιλου περι αδικιας και απο τοπου ου παροικεις περι κλοπης
²⁰ απο αληθειας θεου και διαθηκης και απο πηξεως αγκωνος επ' αρτοις
²¹ απο σκορακισμου λημψεως και δοσεως και απο ασπαζομενων περι σιωπης
²² απο ορασεως γυναικος εταιρας και απο αποστροφης προσωπου συγγενους
²³ απο αφαιρεσεως μεριδος και δοσεως και απο κατανοησεως γυναικος υπανδρου
²⁴ απο περιεργιας παιδισκης αυτου και μη επιστης επι την κοιτην αυτης
²⁵ απο φιλων περι λογων ονειδισμου και μετα το δουναι μη ονειδιζε
²⁶ απο δευτερωσεως και λογου ακοης και απο καλυψεως λογων κρυφιων
²⁷ και εση αισχυντηρος αληθινως και ευρισκων χαριν εναντι παντος ανθρωπου

Cambia Bibbia

Confronta con un'altra Bibbia

Versetti esaminati