ΠΑΡΟΙΜΙΑΙ - Proverbi - Proverbs 4

¹ ακουσατε παιδες παιδειαν πατρος και προσεχετε γνωναι εννοιαν

² δωρον γαρ αγαθον δωρουμαι υμιν τον εμον νομον μη εγκαταλιπητε

³ υιος γαρ εγενομην καγω πατρι υπηκοος και αγαπωμενος εν προσωπω μητρος

⁴ οι ελεγον και εδιδασκον με ερειδετω ο ημετερος λογος εις σην καρδιαν

⁵ φυλασσε εντολας μη επιλαθη μηδε παριδης ρησιν εμου στοματος

⁶ μηδε εγκαταλιπης αυτην και ανθεξεται σου ερασθητι αυτης και τηρησει σε

⁷ -

⁸ περιχαρακωσον αυτην και υψωσει σε τιμησον αυτην ινα σε περιλαβη

⁹ ινα δω τη ση κεφαλη στεφανον χαριτων στεφανω δε τρυφης υπερασπιση σου

¹⁰ ακουε υιε και δεξαι εμους λογους και πληθυνθησεται ετη ζωης σου ινα σοι γενωνται πολλαι οδοι βιου

¹¹ οδους γαρ σοφιας διδασκω σε εμβιβαζω δε σε τροχιαις ορθαις

¹² εαν γαρ πορευη ου συγκλεισθησεται σου τα διαβηματα εαν δε τρεχης ου κοπιασεις

¹³ επιλαβου εμης παιδειας μη αφης αλλα φυλαξον αυτην σεαυτω εις ζωην σου

¹⁴ οδους ασεβων μη επελθης μηδε ζηλωσης οδους παρανομων

¹⁵ εν ω αν τοπω στρατοπεδευσωσιν μη επελθης εκει εκκλινον δε απ' αυτων και παραλλαξον

¹⁶ ου γαρ μη υπνωσωσιν εαν μη κακοποιησωσιν αφηρηται ο υπνος αυτων και ου κοιμωνται

¹⁷ οιδε γαρ σιτουνται σιτα ασεβειας οινω δε παρανομω μεθυσκονται

¹⁸ αι δε οδοι των δικαιων ομοιως φωτι λαμπουσιν προπορευονται και φωτιζουσιν εως κατορθωση η ημερα

¹⁹ αι δε οδοι των ασεβων σκοτειναι ουκ οιδασιν πως προσκοπτουσιν

²⁰ υιε εμη ρησει προσεχε τοις δε εμοις λογοις παραβαλε σον ους

²¹ οπως μη εκλιπωσιν σε αι πηγαι σου φυλασσε αυτας εν ση καρδια

²² ζωη γαρ εστιν τοις ευρισκουσιν αυτας και παση σαρκι ιασις

²³ παση φυλακη τηρει σην καρδιαν εκ γαρ τουτων εξοδοι ζωης

²⁴ περιελε σεαυτου σκολιον στομα και αδικα χειλη μακραν απο σου απωσαι

²⁵ οι οφθαλμοι σου ορθα βλεπετωσαν τα δε βλεφαρα σου νευετω δικαια

²⁶ ορθας τροχιας ποιει σοις ποσιν και τας οδους σου κατευθυνε

²⁷ μη εκκλινης εις τα δεξια μηδε εις τα αριστερα αποστρεψον δε σον ποδα απο οδου κακης [27α] οδους γαρ τας εκ δεξιων οιδεν ο θεος διεστραμμεναι δε εισιν αι εξ αριστερων [27β] αυτος δε ορθας ποιησει τας τροχιας σου τας δε πορειας σου εν ειρηνη προαξει