ΠΑΡΟΙΜΙΑΙ - Proverbi - Proverbs 24

¹ υιε μη ζηλωσης κακους ανδρας μηδε επιθυμησης ειναι μετ' αυτων

² ψευδη γαρ μελετα η καρδια αυτων και πονους τα χειλη αυτων λαλει

³ μετα σοφιας οικοδομειται οικος και μετα συνεσεως ανορθουται

⁴ μετα αισθησεως εμπιμπλαται ταμιεια εκ παντος πλουτου τιμιου και καλου

⁵ κρεισσων σοφος ισχυρου και ανηρ φρονησιν εχων γεωργιου μεγαλου

⁶ μετα κυβερνησεως γινεται πολεμος βοηθεια δε μετα καρδιας βουλευτικης

⁷ σοφια και εννοια αγαθη εν πυλαις σοφων σοφοι ουκ εκκλινουσιν εκ στοματος κυριου

⁸ αλλα λογιζονται εν συνεδριοις απαιδευτοις συναντα θανατος

⁹ αποθνησκει δε αφρων εν αμαρτιαις ακαθαρσια δε ανδρι λοιμω εμμολυνθησεται

¹⁰ εν ημερα κακη και εν ημερα θλιψεως εως αν εκλιπη

¹¹ ρυσαι αγομενους εις θανατον και εκπριου κτεινομενους μη φειση

¹² εαν δε ειπης ουκ οιδα τουτον γινωσκε οτι κυριος καρδιας παντων γινωσκει και ο πλασας πνοην πασιν αυτος οιδεν παντα ος αποδιδωσιν εκαστω κατα τα εργα αυτου

¹³ φαγε μελι υιε αγαθον γαρ κηριον ινα γλυκανθη σου ο φαρυγξ

¹⁴ ουτως αισθηση σοφιαν τη ση ψυχη εαν γαρ ευρης εσται καλη η τελευτη σου και ελπις σε ουκ εγκαταλειψει

¹⁵ μη προσαγαγης ασεβη νομη δικαιων μηδε απατηθης χορτασια κοιλιας

¹⁶ επτακι γαρ πεσειται ο δικαιος και αναστησεται οι δε ασεβεις ασθενησουσιν εν κακοις

¹⁷ εαν πεση ο εχθρος σου μη επιχαρης αυτω εν δε τω υποσκελισματι αυτου μη επαιρου

¹⁸ οτι οψεται κυριος και ουκ αρεσει αυτω και αποστρεψει τον θυμον αυτου απ' αυτου

¹⁹ μη χαιρε επι κακοποιοις μηδε ζηλου αμαρτωλους

²⁰ ου γαρ μη γενηται εκγονα πονηρων λαμπτηρ δε ασεβων σβεσθησεται

²¹ φοβου τον θεον υιε και βασιλεα και μηθετερω αυτων απειθησης

²² εξαιφνης γαρ τεισονται τους ασεβεις τας δε τιμωριας αμφοτερων τις γνωσεται [22α] λογον φυλασσομενος υιος απωλειας εκτος εσται δεχομενος δε εδεξατο αυτον [22β] μηδεν ψευδος απο γλωσσης βασιλει λεγεσθω και ουδεν ψευδος απο γλωσσης αυτου ου μη εξελθη [22χ] μαχαιρα γλωσσα βασιλεως και ου σαρκινη ος δ' αν παραδοθη συντριβησεται [22δ] εαν γαρ οξυνθη ο θυμος αυτου συν νευροις ανθρωπους αναλισκει [22ε] και οστα ανθρωπων κατατρωγει και συγκαιει ωσπερ φλοξ ωστε αβρωτα ειναι νεοσσοις αετων

²³ ταυτα δε λεγω υμιν τοις σοφοις επιγινωσκειν αιδεισθαι προσωπον εν κρισει ου καλον

²⁴ ο ειπων τον ασεβη δικαιος εστιν επικαταρατος λαοις εσται και μισητος εις εθνη

²⁵ οι δε ελεγχοντες βελτιους φανουνται επ' αυτους δε ηξει ευλογια αγαθη

²⁶ χειλη δε φιλησουσιν αποκρινομενα λογους αγαθους

²⁷ ετοιμαζε εις την εξοδον τα εργα σου και παρασκευαζου εις τον αγρον και πορευου κατοπισθεν μου και ανοικοδομησεις τον οικον σου

²⁸ μη ισθι ψευδης μαρτυς επι σον πολιτην μηδε πλατυνου σοις χειλεσιν

²⁹ μη ειπης ον τροπον εχρησατο μοι χρησομαι αυτω τεισομαι δε αυτον α με ηδικησεν

³⁰ ωσπερ γεωργιον ανηρ αφρων και ωσπερ αμπελων ανθρωπος ενδεης φρενων

³¹ εαν αφης αυτον χερσωθησεται και χορτομανησει ολος και γινεται εκλελειμμενος οι δε φραγμοι των λιθων αυτου κατασκαπτονται

³² υστερον εγω μετενοησα επεβλεψα του εκλεξασθαι παιδειαν

³³ ολιγον νυσταζω ολιγον δε καθυπνω ολιγον δε εναγκαλιζομαι χερσιν στηθη

³⁴ εαν δε τουτο ποιης ηξει προπορευομενη η πενια σου και η ενδεια σου ωσπερ αγαθος δρομευς