ΨΑΛΜΟΙ - Salmi - Psalms 91

¹ ψαλμος ωδης εις την ημεραν του σαββατου

² αγαθον το εξομολογεισθαι τω κυριω και ψαλλειν τω ονοματι σου υψιστε

³ του αναγγελλειν το πρωι το ελεος σου και την αληθειαν σου κατα νυκτα

⁴ εν δεκαχορδω ψαλτηριω μετ' ωδης εν κιθαρα

⁵ οτι ευφρανας με κυριε εν τω ποιηματι σου και εν τοις εργοις των χειρων σου αγαλλιασομαι

⁶ ως εμεγαλυνθη τα εργα σου κυριε σφοδρα εβαθυνθησαν οι διαλογισμοι σου

⁷ ανηρ αφρων ου γνωσεται και ασυνετος ου συνησει ταυτα

⁸ εν τω ανατειλαι τους αμαρτωλους ως χορτον και διεκυψαν παντες οι εργαζομενοι την ανομιαν οπως αν εξολεθρευθωσιν εις τον αιωνα του αιωνος

⁹ συ δε υψιστος εις τον αιωνα κυριε

¹⁰ οτι ιδου οι εχθροι σου απολουνται και διασκορπισθησονται παντες οι εργαζομενοι την ανομιαν

¹¹ και υψωθησεται ως μονοκερωτος το κερας μου και το γηρας μου εν ελαιω πιονι

¹² και επειδεν ο οφθαλμος μου εν τοις εχθροις μου και εν τοις επανιστανομενοις επ' εμε πονηρευομενοις ακουσεται το ους μου

¹³ δικαιος ως φοινιξ ανθησει ωσει κεδρος η εν τω λιβανω πληθυνθησεται

¹⁴ πεφυτευμενοι εν τω οικω κυριου εν ταις αυλαις του θεου ημων εξανθησουσιν

¹⁵ ετι πληθυνθησονται εν γηρει πιονι και ευπαθουντες εσονται

¹⁶ του αναγγειλαι οτι ευθης κυριος ο θεος μου και ουκ εστιν αδικια εν αυτω