ΨΑΛΜΟΙ - Salmi - Psalms 71

¹ εις σαλωμων ο θεος το κριμα σου τω βασιλει δος και την δικαιοσυνην σου τω υιω του βασιλεως

² κρινειν τον λαον σου εν δικαιοσυνη και τους πτωχους σου εν κρισει

³ αναλαβετω τα ορη ειρηνην τω λαω σου και οι βουνοι εν δικαιοσυνη

⁴ κρινει τους πτωχους του λαου και σωσει τους υιους των πενητων και ταπεινωσει συκοφαντην

⁵ και συμπαραμενει τω ηλιω και προ της σεληνης γενεας γενεων

⁶ και καταβησεται ως υετος επι ποκον και ωσει σταγονες σταζουσαι επι την γην

⁷ ανατελει εν ταις ημεραις αυτου δικαιοσυνη και πληθος ειρηνης εως ου ανταναιρεθη η σεληνη

⁸ και κατακυριευσει απο θαλασσης εως θαλασσης και απο ποταμου εως περατων της οικουμενης

⁹ ενωπιον αυτου προπεσουνται αιθιοπες και οι εχθροι αυτου χουν λειξουσιν

¹⁰ βασιλεις θαρσις και αι νησοι δωρα προσοισουσιν βασιλεις αραβων και σαβα δωρα προσαξουσιν

¹¹ και προσκυνησουσιν αυτω παντες οι βασιλεις παντα τα εθνη δουλευσουσιν αυτω

¹² οτι ερρυσατο πτωχον εκ χειρος δυναστου και πενητα ω ουχ υπηρχεν βοηθος

¹³ φεισεται πτωχου και πενητος και ψυχας πενητων σωσει

¹⁴ εκ τοκου και εξ αδικιας λυτρωσεται τας ψυχας αυτων και εντιμον το ονομα αυτων ενωπιον αυτου

¹⁵ και ζησεται και δοθησεται αυτω εκ του χρυσιου της αραβιας και προσευξονται περι αυτου δια παντος ολην την ημεραν ευλογησουσιν αυτον

¹⁶ εσται στηριγμα εν τη γη επ' ακρων των ορεων υπεραρθησεται υπερ τον λιβανον ο καρπος αυτου και εξανθησουσιν εκ πολεως ωσει χορτος της γης

¹⁷ εστω το ονομα αυτου ευλογημενον εις τους αιωνας προ του ηλιου διαμενει το ονομα αυτου και ευλογηθησονται εν αυτω πασαι αι φυλαι της γης παντα τα εθνη μακαριουσιν αυτον

¹⁸ ευλογητος κυριος ο θεος ο θεος ισραηλ ο ποιων θαυμασια μονος

¹⁹ και ευλογητον το ονομα της δοξης αυτου εις τον αιωνα και εις τον αιωνα του αιωνος και πληρωθησεται της δοξης αυτου πασα η γη γενοιτο γενοιτο

²⁰ εξελιπον οι υμνοι δαυιδ του υιου ιεσσαι