ΨΑΛΜΟΙ - Salmi - Psalms 59

¹ εις το τελος τοις αλλοιωθησομενοις ετι εις στηλογραφιαν τω δαυιδ εις διδαχην

² οποτε ενεπυρισεν την μεσοποταμιαν συριας και την συριαν σωβα και επεστρεψεν ιωαβ και επαταξεν την φαραγγα των αλων δωδεκα χιλιαδας

³ ο θεος απωσω ημας και καθειλες ημας ωργισθης και οικτιρησας ημας

⁴ συνεσεισας την γην και συνεταραξας αυτην ιασαι τα συντριμματα αυτης οτι εσαλευθη

⁵ εδειξας τω λαω σου σκληρα εποτισας ημας οινον κατανυξεως

⁶ εδωκας τοις φοβουμενοις σε σημειωσιν του φυγειν απο προσωπου τοξου διαψαλμα

⁷ οπως αν ρυσθωσιν οι αγαπητοι σου σωσον τη δεξια σου και επακουσον μου

⁸ ο θεος ελαλησεν εν τω αγιω αυτου αγαλλιασομαι και διαμεριω σικιμα και την κοιλαδα των σκηνων διαμετρησω

⁹ εμος εστιν γαλααδ και εμος εστιν μανασση και εφραιμ κραταιωσις της κεφαλης μου ιουδας βασιλευς μου

¹⁰ μωαβ λεβης της ελπιδος μου επι την ιδουμαιαν εκτενω το υποδημα μου εμοι αλλοφυλοι υπεταγησαν

¹¹ τις απαξει με εις πολιν περιοχης τις οδηγησει με εως της ιδουμαιας

¹² ουχι συ ο θεος ο απωσαμενος ημας και ουκ εξελευση ο θεος εν ταις δυναμεσιν ημων

¹³ δος ημιν βοηθειαν εκ θλιψεως και ματαια σωτηρια ανθρωπου

¹⁴ εν δε τω θεω ποιησομεν δυναμιν και αυτος εξουδενωσει τους θλιβοντας ημας