ΨΑΛΜΟΙ - Salmi - Psalms 35

¹ εις το τελος τω δουλω κυριου τω δαυιδ

² φησιν ο παρανομος του αμαρτανειν εν εαυτω ουκ εστιν φοβος θεου απεναντι των οφθαλμων αυτου

³ οτι εδολωσεν ενωπιον αυτου του ευρειν την ανομιαν αυτου και μισησαι

⁴ τα ρηματα του στοματος αυτου ανομια και δολος ουκ εβουληθη συνιεναι του αγαθυναι

⁵ ανομιαν διελογισατο επι της κοιτης αυτου παρεστη παση οδω ουκ αγαθη τη δε κακια ου προσωχθισεν

⁶ κυριε εν τω ουρανω το ελεος σου και η αληθεια σου εως των νεφελων

⁷ η δικαιοσυνη σου ωσει ορη θεου τα κριματα σου αβυσσος πολλη ανθρωπους και κτηνη σωσεις κυριε

⁸ ως επληθυνας το ελεος σου ο θεος οι δε υιοι των ανθρωπων εν σκεπη των πτερυγων σου ελπιουσιν

⁹ μεθυσθησονται απο πιοτητος του οικου σου και τον χειμαρρουν της τρυφης σου ποτιεις αυτους

¹⁰ οτι παρα σοι πηγη ζωης εν τω φωτι σου οψομεθα φως

¹¹ παρατεινον το ελεος σου τοις γινωσκουσιν σε και την δικαιοσυνην σου τοις ευθεσι τη καρδια

¹² μη ελθετω μοι πους υπερηφανιας και χειρ αμαρτωλων μη σαλευσαι με

¹³ εκει επεσον οι εργαζομενοι την ανομιαν εξωσθησαν και ου μη δυνωνται στηναι