ΨΑΛΜΟΙ - Salmi - Psalms 109

LXX	MODERN HEBREW BIBLE
1 τω δαυιδ ψαλμος ειπεν ο κυριος τω κυριω μου καθου εκ δεξιων μου εως αν θω τους εχθρους σου υποποδιον των ποδων σου	1 למנצח לדוד מזמור אלהי תהלתי אל תחרש
2 ραβδον δυναμεως σου εξαποστελει κυριος εκ σιων και κατακυριευε εν μεσω των εχθρων σου	2 כי פי רשע ופי מרמה עלי פתחו דברו אתי לשון שקר
3 μετα σου η αρχη εν ημερα της δυναμεως σου εν ταις λαμπροτησιν των αγιων εκ γαστρος προ εωσφορου εξεγεννησα σε	3 ודברי שנאה סבבוני וילחמוני חנם
4 ωμοσεν κυριος και ου μεταμεληθησεται συ ει ιερευς εις τον αιωνα κατα την ταξιν μελχισεδεκ	4 תחת אהבתי ישטנוני ואני תפלה
5 κυριος εκ δεξιων σου συνεθλασεν εν ημερα οργης αυτου βασιλεις	5 וישימו עלי רעה תחת טובה ושנאה תחת אהבתי
6 κρινει εν τοις εθνεσιν πληρωσει πτωματα συνθλασει κεφαλας επι γης πολλων	6 הפקד עליו רשע ושטן יעמד על ימינו
7 εκ χειμαρρου εν οδω πιεται δια τουτο υψωσει κεφαλην	7 בהשפטו יצא רשע ותפלתו תהיה לחטאה
	8 יהיו ימיו מעטים פקדתו יקח אחר
	9 יהיו בניו יתומים ואשתו אלמנה
	10 ונוע ינועו בניו ושאלו ודרשו מחרבותיהם
	11 ינקש נושה לכל אשר לו ויבזו זרים יגיעו
	12 אל יהי לו משך חסד ואל יהי חונן ליתומיו
	13 יהי אחריתו להכרית בדור אחר ימח שמם
	14 יזכר עון אבתיו אל יהוה וחטאת אמו אל תמח
	15 יהיו נגד יהוה תמיד ויכרת מארץ זכרם
	16 יען אשר לא זכר עשות חסד וירדף איש עני ואביון ונכאה לבב למותת
	17 ויאהב קללה ותבואהו ולא חפץ בברכה ותרחק ממנו
	18 וילבש קללה כמדו ותבא כמים בקרבו וכשמן בעצמותיו
	19 תהי לו כבגד יעטה ולמזח תמיד יחגרה
	20 זאת פעלת שטני מאת יהוה והדברים רע על נפשי
	21 ואתה יהוה אדני עשה אתי למען שמך כי טוב חסדך הצילני
	22 כי עני ואביון אנכי ולבי חלל בקרבי
	23 כצל כנטותו נהלכתי ננערתי כארבה
	24 ברכי כשלו מצום ובשרי כחש משמן
	25 ואני הייתי חרפה להם יראוני יניעון ראשם
	26 עזרני יהוה אלהי הושיעני כחסדך
	27 וידעו כי ידך זאת אתה יהוה עשיתה
	28 יקללו המה ואתה תברך קמו ויבשו ועבדך ישמח
	29 ילבשו שוטני כלמה ויעטו כמעיל בשתם
	30 אודה יהוה מאד בפי ובתוך רבים אהללנו
	31 כי יעמד לימין אביון להושיע משפטי נפשו