Salmi תהילים (Tehillim) 137

MODERN HEBREW BIBLE	Miqra 'al pi ha-Mesorah
1 על נהרות בבל שם ישבנו גם בכינו בזכרנו את ציון	1 עַל נַהֲרוֹת ׀ בָּבֶלשָׁם יָשַׁבְנוּ גַּם־בָּכִינוּבְּזׇכְרֵנוּ אֶת־צִיּֽוֹן׃
2 על ערבים בתוכה תלינו כנרותינו	2 עַֽל־עֲרָבִים בְּתוֹכָהּתָּלִינוּ כִּנֹּרוֹתֵֽינוּ׃
3 כי שם שאלונו שובינו דברי שיר ותוללינו שמחה שירו לנו משיר ציון	3 כִּי שָׁם שְֽׁאֵלוּנוּ שׁוֹבֵינוּ דִּבְרֵי־שִׁירוְתוֹלָלֵינוּ שִׂמְחָהשִׁירוּ לָנוּ מִשִּׁיר צִיּֽוֹן׃
4 איך נשיר את שיר יהוה על אדמת נכר	4 אֵיךְ נָשִׁיר אֶת־שִׁיר־יְהֹוָהעַל אַדְמַת נֵכָֽר׃
5 אם אשכחך ירושלם תשכח ימיני	5 אִֽם־אֶשְׁכָּחֵךְ יְֽרוּשָׁלָ‍ִםתִּשְׁכַּח יְמִינִֽי׃
6 תדבק לשוני לחכי אם לא אזכרכי אם לא אעלה את ירושלם על ראש שמחתי	6 תִּדְבַּֽק־לְשׁוֹנִי ׀ לְחִכִּיאִם־לֹא אֶזְכְּרֵכִיאִם־לֹא אַעֲלֶה אֶת־יְרוּשָׁלַ‍ִםעַל רֹאשׁ שִׂמְחָתִֽי׃
7 זכר יהוה לבני אדום את יום ירושלם האמרים ערו ערו עד היסוד בה	7 זְכֹר יְהֹוָה ׀ לִבְנֵי אֱדוֹםאֵת יוֹם יְֽרוּשָׁלָ‍ִםהָאֹמְרִים עָרוּ ׀ עָרוּעַד הַיְסוֹד בָּֽהּ׃
8 בת בבל השדודה אשרי שישלם לך את גמולך שגמלת לנו	8 בַּת־בָּבֶל הַשְּׁדוּדָהאַשְׁרֵי שֶׁיְשַׁלֶּם־לָךְאֶת־גְּמוּלֵךְ שֶׁגָּמַלְתְּ לָֽנוּ׃
9 אשרי שיאחז ונפץ את עלליך אל הסלע	9 אַשְׁרֵי ׀ שֶׁיֹּאחֵז וְנִפֵּץ אֶֽת־עֹלָלַיִךְאֶל־הַסָּֽלַע׃