Isaiah (ישעיה) - Isaia 128

STUTTGARTENSIA-DELITZSCH	MODERN HEBREW BIBLE
1 שִׁיר הַמַּעֲלֹות אַשְׁרֵי כָּל־יְרֵא יְהוָה הַהֹלֵךְ בִּדְרָכָיו	1 שיר המעלות אשרי כל ירא יהוה ההלך בדרכיו
2 יְגִיעַ כַּפֶּיךָ כִּי תֹאכֵל אַשְׁרֶיךָ וְטֹוב לָךְ	2 יגיע כפיך כי תאכל אשריך וטוב לך
3 אֶשְׁתְּךָ ׀ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶךָ	3 אשתך כגפן פריה בירכתי ביתך בניך כשתלי זיתים סביב לשלחנך
4 הִנֵּה כִי־כֵן יְבֹרַךְ גָּבֶר יְרֵא יְהוָה	4 הנה כי כן יברך גבר ירא יהוה
5 יְבָרֶכְךָ יְהוָה מִצִּיֹּון וּרְאֵה בְּטוּב יְרוּשָׁלִָם כֹּל יְמֵי חַיֶּיךָ	5 יברכך יהוה מציון וראה בטוב ירושלם כל ימי חייך
6 וּרְאֵה־בָנִים לְבָנֶיךָ לֹום עַל־יִשְׂרָאֵל	6 וראה בנים לבניך שלום על ישראל