Lamentationes 3

NOVA VULGATA	VULGATA
1 ALEPH. Ego vir videns paupertatem meam in virga indignationis eius.	1 (Aleph)Ego vir videns paupertatem meam in virga indignationis ejus.
2 ALEPH. Me minavit et adduxit in tenebras et non in lucem.	2 (Aleph)Me minavit, et adduxit in tenebras, et non in lucem.
3 ALEPH. Tantum in me vertit et convertit manum suam tota die.	3 (Aleph)Tantum in me vertit et convertit manum suam tota die.
4 BETH. Consumpsit pellem meam et carnem meam, contrivit ossa mea.	4 (Beth)Vetustam fecit pellem meam et carnem meam ; contrivit ossa mea.
5 BETH. Aedificavit in gyro meo et circumdedit me felle et labore.	5 (Beth)Ædificavit in gyro meo, et circumdedit me felle et labore.
6 BETH. In tenebrosis collocavit me quasi mortuos sempiternos.	6 (Beth)In tenebrosis collocavit me, quasi mortuos sempiternos.
7 GHIMEL. Circumaedificavit adversum me, ut non egrediar, aggravavit compedem meum.	7 (Ghimel)Circumædificavit adversum me, ut non egrediar ; aggravavit compedem meum.
8 GHIMEL. Sed et cum clamavero et rogavero, exclusit orationem meam.	8 (Ghimel)Sed et cum clamavero, et rogavero, exclusit orationem meam.
9 GHIMEL. Conclusit vias meas lapidibus quadris, semitas meas subvertit.	9 (Ghimel)Conclusit vias meas lapidibus quadris ; semitas meas subvertit.
10 DALETH. Ursus insidians factus est mihi, leo in absconditis.	10 (Daleth)Ursus insidians factus est mihi, leo in absconditis.
11 DALETH. Semitas meas subvertit et confregit me, posuit me desolatam.	11 (Daleth)Semitas meas subvertit, et confregit me ; posuit me desolatam.
12 DALETH. Tetendit arcum suum et posuit me quasi signum ad sagittam.	12 (Daleth)Tetendit arcum suum, et posuit me quasi signum ad sagittam.
13 HE. Misit in renibus meis filias pharetrae suae.	13 (He)Misit in renibus meis filias pharetræ suæ.
14 HE. Factus sum in derisum omni populo meo, canticum eorum tota die.	14 (He)Factus sum in derisum omni populo meo, canticum eorum tota die.
15 HE. Replevit me amaritudinibus, inebriavit me absinthio.	15 (He)Replevit me amaritudinibus ; inebriavit me absinthio.
16 VAU. Et fregit in glarea dentes meos, depressit me cinere.	16 (Vau)Et fregit ad numerum dentes meos ; cibavit me cinere.
17 VAU. Et repulsa est a pace anima mea, oblitus sum bonorum.	17 (Vau)Et repulsa est a pace anima mea ; oblitus sum bonorum.
18 VAU. Et dixi: “ Periit splendor meus et spes mea a Domino ”.	18 (Vau)Et dixi : Periit finis meus, et spes mea a Domino.
19 ZAIN. Recordare paupertatis et peregrinationis meae, absinthii et fellis.	19 (Zain)Recordare paupertatis, et transgressionis meæ, absinthii et fellis.
20 ZAIN. Memoria memor est et tabescit in me anima mea.	20 (Zain)Memoria memor ero, et tabescet in me anima mea.
21 ZAIN. Haec recolam in corde meo, ideo sperabo.	21 (Zain)Hæc recolens in corde meo, ideo sperabo.
22 HETH. Misericordiae Domini, quia non sumus consumpti, quia non defecerunt miserationes eius.	22 (Heth)Misericordiæ Domini, quia non sumus consumpti ; quia non defecerunt miserationes ejus.
23 HETH. Novae sunt omni mane, magna est fides tua.	23 (Heth)Novi diluculo, multa est fides tua.
24 HETH. “ Pars mea Dominus, dixit anima mea; propterea exspectabo eum ”.	24 (Heth)Pars mea Dominus, dixit anima mea ; propterea exspectabo eum.
25 TETH. Bonus est Dominus sperantibus in eum, animae quaerenti illum.	25 (Teth)Bonus est Dominus sperantibus in eum, animæ quærenti illum.
26 TETH. Bonum est praestolari cum silentio salutare Domini.	26 (Teth)Bonum est præstolari cum silentio salutare Dei.
27 TETH. Bonum est viro, cum portaverit iugum ab adulescentia sua.	27 (Teth)Bonum est viro cum portaverit jugum ab adolescentia sua.
28 IOD. Sedebit solitarius et tacebit, cum istud imponitur ei.	28 (Jod)Sedebit solitarius, et tacebit, quia levavit super se.
29 IOD. Ponet in pulvere os suum, si forte sit spes.	29 (Jod)Ponet in pulvere os suum, si forte sit spes.
30 IOD. Dabit percutienti se maxillam, saturabitur opprobriis.	30 (Jod)Dabit percutienti se maxillam : saturabitur opprobriis.
31 CAPH. Quia non repellet in sempiternum Dominus.	31 (Caph)Quia non repellet in sempiternum Dominus.
32 CAPH. Quia si afflixit, et miserebitur secundum multitudinem misericordiarum suarum.	32 (Caph)Quia si abjecit, et miserebitur, secundum multitudinem misericordiarum suarum.
33 CAPH. Non enim humiliat ex corde suo et affligit filios hominum.	33 (Caph)Non enim humiliavit ex corde suo et abjecit filios hominum.
34 LAMED. Conterere sub pedibus suis omnes vinctos terrae.	34 (Lamed)Ut conteret sub pedibus suis omnes vinctos terræ.
35 LAMED. Declinare iudicium viri in conspectu vultus Altissimi.	35 (Lamed)Ut declinaret judicium viri in conspectu vultus Altissimi.
36 LAMED. Pervertere hominem in iudicio suo, num Dominus haec ignorat?	36 (Lamed)Ut perverteret hominem in judicio suo ; Dominus ignoravit.
37 MEM. Quis est iste, qui dixit, et factum est? Dominus non iussit?	37 (Mem)Quis est iste qui dixit ut fieret, Domino non jubente ?
38 MEM. Ex ore Altissimi nonne egrediuntur et mala et bona?	38 (Mem)Ex ore Altissimi non egredientur nec mala nec bona ?
39 MEM. Quid murmurabit homo vivens, vir pro peccatis suis?	39 (Mem)Quid murmuravit homo vivens, vir pro peccatis suis ?
40 NUN. “ Scrutemur vias nostras et quaeramus et revertamur ad Dominum.	40 (Nun)Scrutemur vias nostras, et quæramus, et revertamur ad Dominum.
41 NUN. Levemus corda nostra cum manibus ad Dominum in caelos.	41 (Nun)Levemus corda nostra cum manibus ad Dominum in cælos.
42 NUN. Nos inique egimus et rebelles fuimus; idcirco tu inexorabilis fuisti.	42 (Nun)Nos inique egimus, et ad iracundiam provocavimus ; idcirco tu inexorabilis es.
43 SAMECH. Operuisti in furore et percussisti nos; occidisti nec pepercisti.	43 (Samech)Operuisti in furore, et percussisti nos ; occidisti, nec pepercisti.
44 SAMECH. Opposuisti nubem tibi, ne transeat oratio.	44 (Samech)Opposuisti nubem tibi, ne transeat oratio.
45 SAMECH. In eradicationem et abiectionem posuisti nos in medio populorum.	45 (Samech)Eradicationem et abjectionem posuisti me in medio populorum.
46 PHE. Aperuerunt super nos os suum omnes inimici nostri.	46 (Phe)Aperuerunt super nos os suum omnes inimici.
47 PHE. Formido et fovea facta est nobis, vastatio et contritio ”.	47 (Phe)Formido et laqueus facta est nobis vaticinatio, et contritio.
48 PHE. Rivos aquarum deducit oculus meus in contritione filiae populi mei.	48 (Phe)Divisiones aquarum deduxit oculus meus, in contritione filiæ populi mei.
49 AIN. Oculus meus lacrimas effundit nec tacet, eo quod non sit requies.	49 (Ain)Oculus meus afflictus est, nec tacuit, eo quod non esset requies.
50 AIN. Donec respiciat et videat Dominus de caelis.	50 (Ain)Donec respiceret et videret Dominus de cælis.
51 AIN. Oculus meus affligit animam meam prae cunctis filiabus urbis meae.	51 (Ain)Oculus meus deprædatus est animam meam in cunctis filiabus urbis meæ.
52 SADE. Venatione venati sunt me quasi avem inimici mei gratis.	52 (Sade)Venatione ceperunt me quasi avem inimici mei gratis.
53 SADE. Perdiderunt in lacu vitam meam et iecerunt lapides super me.	53 (Sade)Lapsa est in lacum vita mea, et posuerunt lapidem super me.
54 SADE. Inundaverunt aquae super caput meum, dixi: “ Perii ”.	54 (Sade)Inundaverunt aquæ super caput meum ; dixi : Perii.
55 COPH. Invocavi nomen tuum, Domine, de profunditate lacus.	55 (Coph)Invocavi nomen tuum, Domine, de lacu novissimo.
56 COPH. Vocem meam audisti: “ Ne avertas aurem tuam a singultu meo et clamoribus ”.	56 (Coph)Vocem meam audisti ; ne avertas aurem tuam a singultu meo et clamoribus.
57 COPH. Appropinquasti in die, quando invocavi te, dixisti: “ Ne timeas ”.	57 (Coph)Appropinquasti in die quando invocavi te ; dixisti : Ne timeas.
58 RES. Iudicasti, Domine, causam animae meae, redemisti vitam meam.	58 (Res)Judicasti, Domine, causam animæ meæ, redemptor vitæ meæ.
59 RES. Vidisti, Domine, afflictionem meam; iudica iudicium meum.	59 (Res)Vidisti, Domine, iniquitatem illorum adversum me : judica judicium meum.
60 RES. Vidisti omnem furorem eorum, universas cogitationes eorum adversum me.	60 (Res)Vidisti omnem furorem, universas cogitationes eorum adversum me.
61 SIN. Audisti opprobrium eorum, Domine, omnes cogitationes eorum adversum me.	61 (Sin)Audisti opprobrium eorum, Domine, omnes cogitationes eorum adversum me.
62 SIN. Labia insurgentium mihi et meditationes eorum adversum me tota die.	62 (Sin)Labia insurgentium mihi, et meditationes eorum adversum me tota die.
63 SIN. Sessionem eorum et resurrectionem eorum vide; ego sum psalmus eorum.	63 (Sin)Sessionem eorum et resurrectionem eorum vide ; ego sum psalmus eorum.
64 THAU. Reddes eis vicem, Domine, iuxta opera manuum suarum.	64 (Thau)Redes eis vicem, Domine, juxta opera manuum suarum.
65 THAU. Dabis eis duritiam cordis, exsecrationem tuam.	65 (Thau)Dabis eis scutum cordis, laborem tuum.
66 THAU. Persequeris in furore et conteres eos sub caelis tuis, Domine.	66 (Thau)Persequeris in furore, et conteres eos sub cælis, Domine.