Proverbi 20

NOVA VULGATA	NOVA VULGATA
1 Luxuriosa res vinum, et tumultuosa sicera; quicumque his delectatur, non erit sapiens.	1 Luxuriosa res vinum, et tumultuosa sicera; quicumque his delectatur, non erit sapiens.
2 Sicut rugitus leonis ita et terror regis: qui provocat eum, peccat in animam suam.	2 Sicut rugitus leonis ita et terror regis: qui provocat eum, peccat in animam suam.
3 Honor est homini separari a contentionibus; omnes autem stulti miscentur contumeliis.	3 Honor est homini separari a contentionibus; omnes autem stulti miscentur contumeliis.
4 Propter frigus piger arare noluit; mendicabit ergo aestate, et non dabitur illi.	4 Propter frigus piger arare noluit; mendicabit ergo aestate, et non dabitur illi.
5 Sicut aqua profunda consilium in corde viri, sed homo sapiens exhauriet illud.	5 Sicut aqua profunda consilium in corde viri, sed homo sapiens exhauriet illud.
6 Multi homines misericordes vocantur; virum autem fidelem quis inveniet?	6 Multi homines misericordes vocantur; virum autem fidelem quis inveniet?
7 Iustus, qui ambulat in simplicitate sua, beatos post se filios derelinquet.	7 Iustus, qui ambulat in simplicitate sua, beatos post se filios derelinquet.
8 Rex, qui sedet in solio iudicii, dissipat omne malum intuitu suo.	8 Rex, qui sedet in solio iudicii, dissipat omne malum intuitu suo.
9 Quis potest dicere: “ Mundavi cor meum, purus sum a peccato ”?	9 Quis potest dicere: “ Mundavi cor meum, purus sum a peccato ”?
10 Pondus et pondus, mensura et mensura, utrumque abominabile est apud Dominum.	10 Pondus et pondus, mensura et mensura, utrumque abominabile est apud Dominum.
11 Ex studiis suis intellegitur puer, si munda et recta sint opera eius.	11 Ex studiis suis intellegitur puer, si munda et recta sint opera eius.
12 Aurem audientem et oculum videntem, Dominus fecit utrumque.	12 Aurem audientem et oculum videntem, Dominus fecit utrumque.
13 Noli diligere somnum, ne te egestas opprimat; aperi oculos tuos et saturare panibus.	13 Noli diligere somnum, ne te egestas opprimat; aperi oculos tuos et saturare panibus.
14 “ Malum est, malum est! ” dicit omnis emptor et, cum recesserit, tunc gloriabitur.	14 “ Malum est, malum est! ” dicit omnis emptor et, cum recesserit, tunc gloriabitur.
15 Est aurum et multitudo gemmarum et vas pretiosum labia scientiae.	15 Est aurum et multitudo gemmarum et vas pretiosum labia scientiae.
16 Tolle vestimentum eius, quia fideiussor exstitit alieni, et pro extraneis aufer pignus ab eo.	16 Tolle vestimentum eius, quia fideiussor exstitit alieni, et pro extraneis aufer pignus ab eo.
17 Suavis est homini panis mendacii, et postea implebitur os eius calculo.	17 Suavis est homini panis mendacii, et postea implebitur os eius calculo.
18 Cogitationes consiliis firmantur, et dispensationibus tractanda sunt bella.	18 Cogitationes consiliis firmantur, et dispensationibus tractanda sunt bella.
19 Ei, qui revelat mysteria et calumniatur et dilatat labia sua, ne commiscearis.	19 Ei, qui revelat mysteria et calumniatur et dilatat labia sua, ne commiscearis.
20 Qui maledicit patri suo et matri, exstinguetur lucerna eius in mediis tenebris.	20 Qui maledicit patri suo et matri, exstinguetur lucerna eius in mediis tenebris.
21 Hereditas, ad quam festinatur in principio, in novissimo benedictione carebit.	21 Hereditas, ad quam festinatur in principio, in novissimo benedictione carebit.
22 Ne dicas: “ Reddam malum ”; exspecta Dominum, et liberabit te.	22 Ne dicas: “ Reddam malum ”; exspecta Dominum, et liberabit te.
23 Abominatio est apud Dominum pondus etpondus; statera dolosa non est bona in oculis eius.	23 Abominatio est apud Dominum pondus etpondus; statera dolosa non est bona in oculis eius.
24 A Domino diriguntur gressus viri; quis autem hominum intellegere potest viam suam?	24 A Domino diriguntur gressus viri; quis autem hominum intellegere potest viam suam?
25 Laqueus est homini inconsulte dicere: “ Sanctum! ” et post vota retractare.	25 Laqueus est homini inconsulte dicere: “ Sanctum! ” et post vota retractare.
26 Ventilat impios rex sapiens et incurvat super eos rotam.	26 Ventilat impios rex sapiens et incurvat super eos rotam.
27 Lucerna Domini spiraculum hominis, quae investigat omnia secreta ventris.	27 Lucerna Domini spiraculum hominis, quae investigat omnia secreta ventris.
28 Misericordia et veritas custodiunt regem, et roboratur clementia thronus eius.	28 Misericordia et veritas custodiunt regem, et roboratur clementia thronus eius.
29 Ornamentum iuvenum fortitudo eorum, et honor senum canities.	29 Ornamentum iuvenum fortitudo eorum, et honor senum canities.
30 Livor vulneris absterget mala, et plagae in secretioribus ventris.	30 Livor vulneris absterget mala, et plagae in secretioribus ventris.