ΙΩΒ - Giobbe - Job 40

¹ και απεκριθη κυριος ο θεος τω ιωβ και ειπεν

² μη κρισιν μετα ικανου εκκλινει ελεγχων θεον αποκριθησεται αυτην

³ υπολαβων δε ιωβ λεγει τω κυριω

⁴ τι ετι εγω κρινομαι νουθετουμενος και ελεγχων κυριον ακουων τοιαυτα ουθεν ων εγω δε τινα αποκρισιν δω προς ταυτα χειρα θησω επι στοματι μου

⁵ απαξ λελαληκα επι δε τω δευτερω ου προσθησω

⁶ ετι δε υπολαβων ο κυριος ειπεν τω ιωβ εκ του νεφους

⁷ μη αλλα ζωσαι ωσπερ ανηρ την οσφυν σου ερωτησω δε σε συ δε μοι αποκριθητι

⁸ μη αποποιου μου το κριμα οιει δε με αλλως σοι κεχρηματικεναι η ινα αναφανης δικαιος

⁹ η βραχιων σοι εστιν κατα του κυριου η φωνη κατ' αυτον βροντας

¹⁰ αναλαβε δη υψος και δυναμιν δοξαν δε και τιμην αμφιεσαι

¹¹ αποστειλον δε αγγελους οργη παν δε υβριστην ταπεινωσον

¹² υπερηφανον δε σβεσον σηψον δε ασεβεις παραχρημα

¹³ κρυψον δε εις γην εξω ομοθυμαδον τα δε προσωπα αυτων ατιμιας εμπλησον

¹⁴ ομολογησω αρα οτι δυναται η δεξια σου σωσαι

¹⁵ αλλα δη ιδου θηρια παρα σοι χορτον ισα βουσιν εσθιει

¹⁶ ιδου δη ισχυς αυτου επ' οσφυι η δε δυναμις επ' ομφαλου γαστρος

¹⁷ εστησεν ουραν ως κυπαρισσον τα δε νευρα αυτου συμπεπλεκται

¹⁸ αι πλευραι αυτου πλευραι χαλκειαι η δε ραχις αυτου σιδηρος χυτος

¹⁹ τουτ' εστιν αρχη πλασματος κυριου πεποιημενον εγκαταπαιζεσθαι υπο των αγγελων αυτου

²⁰ επελθων δε επ' ορος ακροτομον εποιησεν χαρμονην τετραποσιν εν τω ταρταρω

²¹ υπο παντοδαπα δενδρα κοιμαται παρα παπυρον και καλαμον και βουτομον

²² σκιαζονται δε εν αυτω δενδρα μεγαλα συν ραδαμνοις και κλωνες αγνου

²³ εαν γενηται πλημμυρα ου μη αισθηθη πεποιθεν οτι προσκρουσει ο ιορδανης εις το στομα αυτου

²⁴ εν τω οφθαλμω αυτου δεξεται αυτον ενσκολιευομενος τρησει ρινα

²⁵ αξεις δε δρακοντα εν αγκιστρω περιθησεις δε φορβεαν περι ρινα αυτου

²⁶ ει δησεις κρικον εν τω μυκτηρι αυτου ψελιω δε τρυπησεις το χειλος αυτου

²⁷ λαλησει δε σοι δεησει ικετηρια μαλακως

²⁸ θησεται δε διαθηκην μετα σου λημψη δε αυτον δουλον αιωνιον

²⁹ παιξη δε εν αυτω ωσπερ ορνεω η δησεις αυτον ωσπερ στρουθιον παιδιω

³⁰ ενσιτουνται δε εν αυτω εθνη μεριτευονται δε αυτον φοινικων γενη

³¹ παν δε πλωτον συνελθον ου μη ενεγκωσιν βυρσαν μιαν ουρας αυτου και εν πλοιοις αλιεων κεφαλην αυτου

³² επιθησεις δε αυτω χειρα μνησθεις πολεμον τον γινομενον εν σωματι αυτου και μηκετι γινεσθω