ΙΩΒ - Giobbe - Job 20

¹ υπολαβων δε σωφαρ ο μιναιος λεγει

² ουχ ουτως υπελαμβανον αντερειν σε ταυτα και ουχι συνιετε μαλλον η και εγω

³ παιδειαν εντροπης μου ακουσομαι και πνευμα εκ της συνεσεως αποκρινεται μοι

⁴ μη ταυτα εγνως απο του ετι αφ' ου ετεθη ανθρωπος επι της γης

⁵ ευφροσυνη γαρ ασεβων πτωμα εξαισιον χαρμονη δε παρανομων απωλεια

⁶ εαν αναβη εις ουρανον αυτου τα δωρα η δε θυσια αυτου νεφων αψηται

⁷ οταν γαρ δοκη ηδη κατεστηριχθαι τοτε εις τελος απολειται οι δε ιδοντες αυτον ερουσιν που εστιν

⁸ ωσπερ ενυπνιον εκπετασθεν ου μη ευρεθη επτη δε ωσπερ φασμα νυκτερινον

⁹ οφθαλμος παρεβλεψεν και ου προσθησει και ουκετι προσνοησει αυτον ο τοπος αυτου

¹⁰ τους υιους αυτου ολεσαισαν ηττονες αι δε χειρες αυτου πυρσευσαισαν οδυνας

¹¹ οστα αυτου ενεπλησθησαν νεοτητος αυτου και μετ' αυτου επι χωματος κοιμηθησεται

¹² εαν γλυκανθη εν στοματι αυτου κακια κρυψει αυτην υπο την γλωσσαν αυτου

¹³ ου φεισεται αυτης και ουκ εγκαταλειψει αυτην και συνεξει αυτην εν μεσω του λαρυγγος αυτου

¹⁴ και ου μη δυνηθη βοηθησαι εαυτω χολη ασπιδος εν γαστρι αυτου

¹⁵ πλουτος αδικως συναγομενος εξεμεσθησεται εξ οικιας αυτου εξελκυσει αυτον αγγελος

¹⁶ θυμον δε δρακοντων θηλασειεν ανελοι δε αυτον γλωσσα οφεως

¹⁷ μη ιδοι αμελξιν νομαδων μηδε νομας μελιτος και βουτυρου

¹⁸ εις κενα και ματαια εκοπιασεν πλουτον εξ ου ου γευσεται ωσπερ στριφνος αμασητος ακαταποτος

¹⁹ πολλων γαρ αδυνατων οικους εθλασεν διαιταν δε ηρπασεν και ουκ εστησεν

²⁰ ουκ εστιν αυτου σωτηρια τοις υπαρχουσιν εν επιθυμια αυτου ου σωθησεται

²¹ ουκ εστιν υπολειμμα τοις βρωμασιν αυτου δια τουτο ουκ ανθησει αυτου τα αγαθα

²² οταν δε δοκη ηδη πεπληρωσθαι θλιβησεται πασα δε αναγκη επ' αυτον επελευσεται

²³ ει πως πληρωσαι γαστερα αυτου επαποστειλαι επ' αυτον θυμον οργης νιψαι επ' αυτον οδυνας

²⁴ και ου μη σωθη εκ χειρος σιδηρου τρωσαι αυτον τοξον χαλκειον

²⁵ διεξελθοι δε δια σωματος αυτου βελος αστραπαι δε εν διαιταις αυτου περιπατησαισαν επ' αυτω φοβοι

²⁶ παν δε σκοτος αυτω υπομειναι κατεδεται αυτον πυρ ακαυστον κακωσαι δε αυτου επηλυτος τον οικον

²⁷ ανακαλυψαι δε αυτου ο ουρανος τας ανομιας γη δε επανασταιη αυτω

²⁸ ελκυσαι τον οικον αυτου απωλεια εις τελος ημερα οργης επελθοι αυτω

²⁹ αυτη η μερις ανθρωπου ασεβους παρα κυριου και κτημα υπαρχοντων αυτω παρα του επισκοπου