| 1 וישמע את דברי בני לבן לאמר לקח יעקב את כל אשר לאבינו ומאשר לאבינו עשה את כל הכבד הזה | 1 ܘܰܫܡܰܥ ܝܰܥܩܽܘܒ ܡܶܠܰܝ̈ܗܽܘܢ ܕܰܒܢܰܝ̈ ܠܳܒܳܢ ܕܳܐܡܪܺܝܢ: ܢܣܰܒ ܝܰܥܩܽܘܒ ܟܽܠ ܕܺܐܝܬ ܗܘܳܐ ܠܰܐܒܽܘܢ: ܘܡܶܢ ܕܰܐܒܽܘܢ ܩ̣ܢܳܐ ܗܳܢܳܐ ܩܶܢܝܳܢܳܐ ܟܽܠܶܗ. |
| 2 וירא יעקב את פני לבן והנה איננו עמו כתמול שלשום | 2 ܘܰܚܙܳܐ ܝܰܥܩܽܘܒ ܐܰܦܰܘ̈ܗܝ ܕܠܳܒܳܢ: ܕܠܳܐ ܗܘܰܝ̈ ܥܰܡܶܗ ܐܰܝܟ ܕܶܐܬܡܳܠܝ ܘܰܐܝܟ ܕܰܡܢܳܬܡܳܠܝ. |
| 3 ויאמר יהוה אל יעקב שוב אל ארץ אבותיך ולמולדתך ואהיה עמך | 3 ܘܶܐܡܰܪ ܡܳܪܝܳܐ ܠܝܰܥܩܽܘܒ: ܗܦܽܘܟ ܠܰܐܪܥܳܐ ܕܰܐܒܗܰܝ̈ܟ ܘܰܠܬܰܘܠܕ̈ܳܬܳܟ: ܘܶܐܗܘܶܐ ܥܰܡܳܟ. |
| 4 וישלח יעקב ויקרא לרחל וללאה השדה אל צאנו | 4 ܘܫܰܕܰܪ ܝܰܥܩܽܘܒ ܩܪܳܐ ܠܪܳܚܶܝܠ ܘܰܠܠܶܝܰܐ ܠܚܰܩܠܳܐ: ܠܘܳܬ ܥܳܢ̈ܶܗ. |
| 5 ויאמר להן ראה אנכי את פני אביכן כי איננו אלי כתמל שלשם ואלהי אבי היה עמדי | 5 ܘܶܐܡܰܪ ܠܗܶܝܢ: ܚܳܙܶܐ ܐ̱ܢܳܐ ܐܰܦܰܘ̈ܗܝ ܕܰܐܒܽܘܟܶܝܢ: ܕܠܳܐ ܗܘܰܝ̈ ܠܘܳܬܝ ܐܰܝܟ ܕܶܐܬܡܳܠܝ ܘܰܐܝܟ ܕܰܡܢܳܬܡܳܠܝ: ܘܰܐܠܳܗܶܗ ܕܳܐܒܝ ܗܘܳܐ ܥܰܡܝ. |
| 6 ואתנה ידעתן כי בכל כחי עבדתי את אביכן | 6 ܘܰܐܢ̱ܬܶܝܢ ܝܳܕ̈ܥܳܢ ܐܢ̱ܬܶܝܢ: ܕܰܒܟܽܠܶܗ ܚܰܝܠܝ ܦܶܠܚܶܬ ܠܰܐܒܽܘܟܶܝܢ. |
| 7 ואביכן התל בי והחלף את משכרתי עשרת מנים ולא נתנו אלהים להרע עמדי | 7 ܘܰܐܒܽܘܟܶܝܢ ܕܰܓܶܠ ܒܺܝ: ܘܚܰܠܶܦ ܐܰܓܪܝ ܥܣܰܪ ܙܰܒܢܺܝ̈ܢ: ܘܠܳܐ ܫܰܒܩܶܗ ܐܰܠܳܗܳܐ ܕܢܰܒܐܶܫ ܠܺܝ. |
| 8 אם כה יאמר נקדים יהיה שכרך וילדו כל הצאן נקדים ואם כה יאמר עקדים יהיה שכרך וילדו כל הצאן עקדים | 8 ܐܶܢ ܗܳܟܰܢܳܐ ܢܺܐܡܰܪ ܕܰܩܖ̈ܳܚܶܐ ܢܶܗܘܶܐ ܐܰܓܪܳܟ: ܝܳܠ̈ܕܳܢ ܟܽܠܗܶܝܢ ܥܳܢ̈ܳܐ ܩܰܖ̈ܚܶܐ: ܘܶܐܢ ܢܺܐܡܰܪ ܕܦܰܝܣܟܳܝ̈ܶܐ ܢܶܗܘܶܐ ܐܰܓܪܳܟ: ܝܳܠ̈ܕܳܢ ܟܽܠܗܶܝܢ ܥܳܢ̈ܳܐ ܦܰܝܣܟܳܝ̈ܶܐ. |
| 9 ויצל אלהים את מקנה אביכם ויתן לי | 9 ܘܰܦܪܰܫ ܐܰܠܳܗܳܐ ܡܶܢ ܩܶܢܝܳܢܳܐ ܕܰܐܒܽܘܟܶܝܢ: ܘܝܰܗܒ ܠܺܝ. |
| 10 ויהי בעת יחם הצאן ואשא עיני וארא בחלום והנה העתדים העלים על הצאן עקדים נקדים וברדים | 10 ܘܰܒܙܰܒܢܳܐ ܕܚܳܡܳܐ ܥܳܢ̈ܳܐ: ܐܰܪܺܝܡܶܬ ܥܰܝ̈ܢܰܝ ܘܰܚܙܺܝ݀ܬ ܒܚܶܠܡܳܐ: ܘܗܳܐ ܬܰܝܫ̈ܶܐ ܣܳܠܩܺܝܢ ܥܰܠ ܥܳܢ̈ܳܐ: ܩܰܖ̈ܚܶܐ: ܘܦܰܝܣܟܳܝ̈ܶܐ: ܘܒܳܖ̈ܕܶܐ. |
| 11 ויאמר אלי מלאך האלהים בחלום יעקב ואמר הנני | 11 ܘܶܐܡܰܪ ܠܺܝ ܡܰܠܰܐܟܶܗ ܕܰܐܠܳܗܳܐ ܒܚܶܠܡܳܐ: ܝܰܥܩܽܘܒ: ܘܶܐܡܪܶܬ ܗܳܐ ܐܶܢܳܐ. |
| 12 ויאמר שא נא עיניך וראה כל העתדים העלים על הצאן עקדים נקדים וברדים כי ראיתי את כל אשר לבן עשה לך | 12 ܘܶܐܡܰܪ ܠܺܝ: ܐܰܪܺܝܡ ܥܰܝ̈ܢܰܝܟ ܘܰܚܙܺܝ ܟܽܠ ܬܰܝܫ̈ܶܐ ܕܣܳܠܩܺܝܢ ܥܰܠ ܥܳܢ̈ܳܐ: ܩܰܖ̈ܚܶܐ: ܘܦܰܝܣܟܳܝ̈ܶܐ: ܘܒܳܖ̈ܕܶܐ: ܡܶܛܽܠ ܕܰܚܙܺܝ݀ܬ ܟܽܠ ܕܰܥ̣ܒܰܕ ܠܳܟ ܠܳܒܳܢ. |
| 13 אנכי האל בית אל אשר משחת שם מצבה אשר נדרת לי שם נדר עתה קום צא מן הארץ הזאת ושוב אל ארץ מולדתך | 13 ܐܶܢܳܐ ܐ̱ܢܳܐ ܐܰܠܳܗܳܐ ܕܒܶܝܬ ܐܺܝܠ: ܕܰܡܫܰܚܬ ܠܺܝ ܬܰܡܳܢ ܩܳܝܶܡܬܳܐ: ܘܰܢܕܰܪܬ ܠܺܝ ܬܰܡܳܢ ܢܶܕܪܳܐ: ܗܳܫܳܐ ܩܽܘܡ ܦܽܘܩ ܡܶܢ ܐܰܪܥܳܐ ܗܳܕܶܐ: ܘܰܗܦܽܘܟ ܠܰܐܪܥܳܐ ܕܬܰܘܠܕ̈ܳܬܳܟ. |
| 14 ותען רחל ולאה ותאמרנה לו העוד לנו חלק ונחלה בבית אבינו | 14 ܘܰܥܢܰܝ̈ ܪܳܚܶܝܠ ܘܠܶܝܰܐ ܘܳܐܡܖ̈ܳܢ ܠܶܗ: ܬܽܘܒ ܠܰܝܬܠܰܢ ܡܢܳܬܳܐ ܘܝܳܪܬܽܘܬܳܐ ܒܶܝܬ ܐܰܒܽܘܢ. |
| 15 הלוא נכריות נחשבנו לו כי מכרנו ויאכל גם אכול את כספנו | 15 ܗܳܐ ܐܰܝܟ ܢܽܘܟܖ̈ܳܝܳܬܳܐ ܚܫܺܝ̈ܒܳܢ ܚܢܰܢ ܠܶܗ: ܡܶܛܽܠ ܕܙܰܒܢܰܢ ܘܳܐܦ ܐܶܟܰܠ ܟܶܣܦܰܢ. |
| 16 כי כל העשר אשר הציל אלהים מאבינו לנו הוא ולבנינו ועתה כל אשר אמר אלהים אליך עשה | 16 ܡܶܛܽܠ ܕܟܽܠܶܗ ܥܽܘܬܪܳܐ ܕܰܦܪܰܫ ܐܰܠܳܗܳܐ ܡܶܢ ܕܰܐܒܽܘܢ: ܕܺܝܠܰܢ ܗܽܘ ܘܕܰܒܢܰܝ̈ܢ: ܘܗܳܫܳܐ ܟܽܠ ܕܳܐܡܰܪ ܠܳܟ ܡܳܪܝܳܐ ܥܒܶܕ. |
| 17 ויקם יעקב וישא את בניו ואת נשיו על הגמלים | 17 ܘܩܳܡ ܝܰܥܩܽܘܒ ܘܰܫܩܰܠ ܠܰܒܢܰܘ̈ܗܝ: ܘܰܠܢܶܫܰܘ̈ܗܝ ܥܰܠ ܓܰܡ̈ܠܶܐ. |
| 18 וינהג את כל מקנהו ואת כל רכשו אשר רכש מקנה קנינו אשר רכש בפדן ארם לבוא אל יצחק אביו ארצה כנען | 18 ܘܰܕܒܰܪ ܟܽܠܶܗ ܒܥܺܝܪܶܗ ܘܟܽܠܶܗ ܩܶܢܝܳܢܶܗ ܕܰܩܢܳܐ ܒܦܳܕܳܢ ܕܳܐܪܳܡ: ܠܡܶܐܬܳܐ ܠܘܳܬ ܐܺܝܣܚܳܩ ܐܰܒܽܘܗܝ: ܠܰܐܪܥܳܐ ܕܰܟܢܰܥܢ. |
| 19 ולבן הלך לגזז את צאנו ותגנב רחל את התרפים אשר לאביה | 19 ܘܠܳܒܳܢ ܐܶܙܰܠ ܠܡܶܓܰܙ ܥܳܢ̈ܶܗ: ܘܓܶܢܒܰܬ ܪܳܚܶܝܠ ܨܰܠ̈ܡܶܐ ܕܰܐܒܽܘܗ̇. |
| 20 ויגנב יעקב את לב לבן הארמי על בלי הגיד לו כי ברח הוא | 20 ܘܰܓܢܰܒ ܝܰܥܩܽܘܒ ܠܶܒܶܗ ܕܠܳܒܳܢ ܐܳܪܳܡܳܝܳܐ: ܡܶܛܽܠ ܕܠܳܐ ܚܰܘܝܶܗ ܕܳܐܙܶܠ. |
| 21 ויברח הוא וכל אשר לו ויקם ויעבר את הנהר וישם את פניו הר הגלעד | 21 ܘܰܥܪܰܩ ܗܽܘ ܘܟܽܠ ܕܺܐܝܬ ܠܶܗ: ܘܩܳܡ ܘܰܥܒܰܪ ܢܰܗܪܳܐ: ܘܣܳܡ ܐܰܦܰܘ̈ܗܝ ܠܛܽܘܪ ܓܶܠܥܳܕ. |
| 22 ויגד ללבן ביום השלישי כי ברח יעקב | 22 ܘܶܐܬܶܐܡܰܪ ܠܠܳܒܳܢ ܒܝܰܘܡܳܐ ܕܰܬܠܳܬܳܐ: ܕܰܥܪܰܩ ܠܶܗ ܝܰܥܩܽܘܒ. |
| 23 ויקח את אחיו עמו וירדף אחריו דרך שבעת ימים וידבק אתו בהר הגלעד | 23 ܘܰܕܒܰܪ ܠܰܐܚܰܘ̈ܗܝ ܥܰܡܶܗ: ܘܰܪܕܰܦ ܒܳܬܪܶܗ ܡܰܪܕܶܐ ܫܰܒܥܳܐ ܝܰܘܡܺܝ̈ܢ: ܘܰܐܕܪܟܶܗ ܒܛܽܘܪܳܐ ܕܓܶܠܥܳܕ. |
| 24 ויבא אלהים אל לבן הארמי בחלם הלילה ויאמר לו השמר לך פן תדבר עם יעקב מטוב עד רע | 24 ܘܶܐܬܳܐ ܐܰܠܳܗܳܐ ܥܰܠ ܠܳܒܳܢ ܐܳܪܳܡܳܝܳܐ ܒܚܶܠܡܳܐ ܕܠܺܠܝܳܐ: ܘܶܐܡܰܪ ܠܶܗ: ܐܶܙܕܰܗܰܪ ܠܳܟ ܕܰܠܡܳܐ ܬܡܰܠܶܠ ܥܰܡ ܝܰܥܩܽܘܒ ܡܶܢ ܛܳܒܬܳܐ ܘܰܥܕܰܡܳܐ ܠܒܺܝܫܬܳܐ. |
| 25 וישג לבן את יעקב ויעקב תקע את אהלו בהר ולבן תקע את אחיו בהר הגלעד | 25 ܘܰܐܕܪܶܟ ܠܳܒܳܢ ܠܝܰܥܩܽܘܒ: ܘܝܰܥܩܽܘܒ ܢܩܰܫ ܡܰܫܟܢܶܗ ܒܛܽܘܪܳܐ: ܘܠܳܒܳܢ ܐܰܫܪܺܝ ܐܰܚܰܘ̈ܗܝ ܒܛܽܘܪܳܐ ܕܓܶܠܥܳܕ. |
| 26 ויאמר לבן ליעקב מה עשית ותגנב את לבבי ותנהג את בנתי כשביות חרב | 26 ܘܶܐܡܰܪ ܠܳܒܳܢ ܠܝܰܥܩܽܘܒ: ܡܳܢܳܐ ܥܶܒܕܶܬ ܠܳܟ ܕܰܓܢܰܒܬ ܠܰܒܢܰܝ̈: ܘܰܕܒܰܪܬ ܠܰܒ̈ܢܳܬܝ ܐܰܝܟ ܫܒܺܝܬܳܐ ܕܚܰܪܒܳܐ. |
| 27 למה נחבאת לברח ותגנב אתי ולא הגדת לי ואשלחך בשמחה ובשרים בתף ובכנור | 27 ܠܡܳܢܳܐ ܐܶܬܛܰܫܺܝܬ ܠܡܶܥܪܰܩ: ܘܶܐܬܓܢܶܒܬ ܡܶܢܝ ܘܠܳܐ ܚܰܘܺܝܬܳܢܝ: ܫܰܕܰܪܬܳܟ ܕܶܝܢ ܒܚܰܕܽܘܬܳܐ: ܘܒܰܙܡܳܪܳܐ: ܘܰܒܟܶܢܳܖ̈ܶܐ: ܘܒܰܦܠܰܓ̈ܶܐ. |
| 28 ולא נטשתני לנשק לבני ולבנתי עתה הסכלת עשו | 28 ܘܠܳܐ ܫܒܰܩܬܳܢܝ ܠܰܡܢܰܫܳܩܽܘ ܠܰܒܢܰܝ̈ ܘܠܰܒ̈ܢܳܬܝ: ܗܳܫܳܐ ܐܰܣܟܶܠܬ ܒܡܶܕܶܡ ܕܰܥܒܰܕܬ. |
| 29 יש לאל ידי לעשות עמכם רע ואלהי אביכם אמש אמר אלי לאמר השמר לך מדבר עם יעקב מטוב עד רע | 29 ܡܳܛܶܐ ܗܘܳܐ ܒܺܐܝ̈ܕܰܝ ܕܶܐܥܒܶܕ ܠܟܽܘܢ ܒܺܝܫܬܳܐ: ܘܰܐܠܳܗܳܐ ܕܰܐܒܽܘܟܽܘܢ ܒܪܰܡܫܳܐ ܐܶܡܰܪ ܠܺܝ: ܐܶܙܕܰܗܪ ܠܳܟ ܕܰܠܡܳܐ ܬܡܰܠܶܠ ܥܰܡ ܝܰܥܩܽܘܒ ܡܶܢ ܛܳܒܬܳܐ ܘܰܥܕܰܡܳܐ ܠܒܺܝܫܬܳܐ. |
| 30 ועתה הלך הלכת כי נכסף נכספתה לבית אביך למה גנבת את אלהי | 30 ܘܗܳܫܳܐ ܡܺܐܙܰܠ ܐܳܙܶܠ ܐܰܢ̱ܬ: ܡܶܛܽܠ ܕܡܶܬܪܰܓܪܳܓܽܘ ܐܶܬܪܰܓܪܰܓܬ ܠܒܶܝܬ ܐܰܒܽܘܟ: ܠܡܳܢܳܐ ܓܢܰܒܬ ܐܰܠܳܗܰܝ̈. |
| 31 ויען יעקב ויאמר ללבן כי יראתי כי אמרתי פן תגזל את בנותיך מעמי | 31 ܘܰܥܢܳܐ ܝܰܥܩܽܘܒ ܘܶܐܡܰܪ ܠܠܳܒܳܢ: ܡܶܛܽܠ ܕܕܶܚܠܶܬ ܘܶܐܡܪܶܬ ܕܕܰܠܡܳܐ ܬܶܕܒܰܪ ܒܢ̈ܳܬܳܟ ܡܶܢܝ. |
| 32 עם אשר תמצא את אלהיך לא יחיה נגד אחינו הכר לך מה עמדי וקח לך ולא ידע יעקב כי רחל גנבתם | 32 ܠܘܳܬ ܡܰܢ ܕܢܶܫܬܰܟܚܽܘܢ ܐܰܠܳܗܰܝ̈ܟ ܠܳܐ ܢܺܚܶܐ: ܩܕܳܡ ܐܰܚܰܝ̈ܢ ܐܶܫܬܰܘܕܰܥ ܕܺܝܠܳܟ: ܡܳܢܳܐ ܐܺܝܬ ܠܘܳܬܝ ܘܣܰܒ ܠܳܟ: ܘܠܳܐ ܝܺܕܰܥ ܝܰܥܩܽܘܒ ܕܪܳܚܶܝܠ ܓܶܢܒܰܬ ܐܶܢܶܝܢ. |
| 33 ויבא לבן באהל יעקב ובאהל לאה ובאהל שתי האמהת ולא מצא ויצא מאהל לאה ויבא באהל רחל | 33 ܘܥܰܠ ܠܳܒܳܢ ܠܡܰܫܟܢܳܐ ܕܝܰܥܩܽܘܒ ܘܰܠܡܰܫܟܢܳܐ ܕܠܶܝܰܐ ܘܰܠܡܰܫܟܢܳܐ ܕܬܰܪܬܶܝܢ ܐܰܡܗ̈ܳܬܳܐ: ܘܠܳܐ ܐܶܫܟܰܚ: ܘܰܢܦܰܩ ܡܶܢ ܡܰܫܟܢܳܐ ܕܠܶܝܰܐ ܘܥܰܠ ܠܡܰܫܟܢܳܐ ܕܪܳܚܶܝܠ. |
| 34 ורחל לקחה את התרפים ותשמם בכר הגמל ותשב עליהם וימשש לבן את כל האהל ולא מצא | 34 ܘܪܳܚܶܝܠ ܢܶܣܒܰܬ ܨܰܠ̈ܡܶܐ: ܘܣܳܡܰܬ ܐܶܢܽܘܢ ܒܰܥܒܺܝܛܳܐ ܕܓܰܡܠܳܐ: ܘܝܶܬܒܰܬ ܥܠܰܝܗܽܘܢ: ܘܡܳܫ ܠܳܒܳܢ ܟܽܠܶܗ ܡܰܫܟܢܳܐ ܘܠܳܐ ܐܶܫܟܰܚ. |
| 35 ותאמר אל אביה אל יחר בעיני אדני כי לוא אוכל לקום מפניך כי דרך נשים לי ויחפש ולא מצא את התרפים | 35 ܘܶܐܡܪܰܬ ܪܳܚܶܝܠ ܠܰܐܒܽܘܗ̇: ܠܳܐ ܢܶܬܒܐܶܫ ܒܥܰܝ̈ܢܰܝ ܡܳܪܝ ܡܶܛܽܠ ܕܠܳܐ ܡܶܫܟܚܳܐ ܐ̱ܢܳܐ ܠܰܡܩܳܡ ܡܶܢ ܩܕܳܡܰܝܟ: ܡܶܛܽܠ ܕܽܐܘܪܚܳܐ ܠܺܝ ܕܢܶܫ̈ܶܐ: ܘܰܒܨܳܐ ܘܠܳܐ ܐܶܫܟܰܚ ܨܰܠ̈ܡܶܐ. |
| 36 ויחר ליעקב וירב בלבן ויען יעקב ויאמר ללבן מה פשעי מה חטאתי כי דלקת אחרי | 36 ܘܶܐܬܒܐܶܫ ܠܝܰܥܩܽܘܒ ܘܰܢܨܳܐ ܥܰܡ ܠܳܒܳܢ: ܘܰܥܢܳܐ ܝܰܥܩܽܘܒ ܘܶܐܡܰܪ ܠܠܳܒܳܢ: ܡܳܢܳܐ ܗܺܝ ܣܰܟܠܽܘܬܝ ܘܡܳܢܰܘ ܣܽܘܪܚܳܢܝ ܕܰܪܕܰܦܬ ܒܳܬܰܪܝ. |
| 37 כי מששת את כל כלי מה מצאת מכל כלי ביתך שים כה נגד אחי ואחיך ויוכיחו בין שנינו | 37 ܗܳܐ ܡܳܫܬ ܟܽܠܗܽܘܢ ܡܳܐܢܰܝ̈: ܡܳܢܳܐ ܐܶܫܟܰܚܬ ܡܶܢ ܟܽܠܗܽܘܢ ܡܳܐܢܰܝ̈ ܒܰܝܬܳܟ: ܣܺܝܡ ܗܳܪܟܳܐ ܩܕܳܡ ܐܰܚܰܝ̈ ܘܰܐܚܰܝ̈ܟ: ܘܢܰܟܣܽܘܢ ܒܶܝܬ ܬܪܰܝܢ. |
| 38 זה עשרים שנה אנכי עמך רחליך ועזיך לא שכלו ואילי צאנך לא אכלתי | 38 ܗܳܐ ܥܶܣܪܺܝܢ ܫܢܺܝ̈ܢ ܥܰܡܳܟ ܐ̱ܢܳܐ: ܢܩܰܘ̈ܳܬܳܟ ܘܥܶܙܰܝ̈ܟ ܠܳܐ ܓܰܝܶܙ̈ܝ: ܘܕܶܟܖ̈ܶܐ ܕܥܳܢ̈ܳܟ ܠܳܐ ܐܶܟܠܶܬ. |
| 39 טרפה לא הבאתי אליך אנכי אחטנה מידי תבקשנה גנבתי יום וגנבתי לילה | 39 ܘܕܰܬܒܺܝܪܳܐ ܠܳܐ ܐܰܝܬܺܝܬ ܠܳܟ: ܐܶܢܳܐ ܡܢܰܛܰܪ ܗ̱ܘܺܝܬ ܠܳܗ̇ ܕܡܶܢ ܐܺܝ̈ܕܰܝ ܬܳܒܰܥ ܗ̱ܘܰܝܬ ܠܳܗ̇: ܕܡܶܬܓܢܶܒ ܒܺܐܝܡܳܡܳܐ ܘܰܕܡܶܬܓܢܶܒ ܒܠܺܠܝܳܐ. |
| 40 הייתי ביום אכלני חרב וקרח בלילה ותדד שנתי מעיני | 40 ܗܘܺܝܬ ܒܺܐܝܡܳܡܳܐ ܐܰܟܠܰܢܝ ܫܰܘܒܳܐ: ܘܰܓܠܺܝܕܳܐ ܒܠܺܠܝܳܐ: ܦܶܪܕܰܬ ܫܶܢܰܬܝ ܡܶܢ ܥܰܝ̈ܢܰܝ. |
| 41 זה לי עשרים שנה בביתך עבדתיך ארבע עשרה שנה בשתי בנתיך ושש שנים בצאנך ותחלף את משכרתי עשרת מנים | 41 ܗܳܐ ܥܶܣܪܺܝܢ ܠܺܝ ܫܢܺܝ̈ܢ ܒܒܰܝܬܳܟ: ܦܶܠܚܶܬ ܠܳܟ ܐܰܪܒܰܥܶܣܖ̈ܶܐ ܫܢܺܝ̈ܢ ܒܬܰܪܬܶܝܢ ܒ̈ܢܳܬܳܟ: ܘܫܶܬ ܫܢܺܝ̈ܢ ܒܥܳܢ̈ܳܟ: ܘܚܰܠܶܦܬ ܐܰܓܪܝ ܥܣܰܪ ܙܰܒܢܺܝ̈ܢ. |
| 42 לולי אלהי אבי אלהי אברהם ופחד יצחק היה לי כי עתה ריקם שלחתני את עניי ואת יגיע כפי ראה אלהים ויוכח אמש | 42 ܘܶܐܠܽܘܠܳܐ ܐܰܠܳܗܶܗ ܕܳܐܒܝ: ܐܰܠܳܗܶܗ ܕܰܐܒܪܳܗܳܡ: ܘܕܶܚܠܬܶܗ ܕܺܐܝܣܚܳܩ ܩܳܡ ܠܺܝ: ܗܳܫܳܐ ܣܪܺܝܩܳܐܺܝܬ ܡܫܰܕܰܪ ܗ̱ܘܰܝܬ ܠܺܝ: ܥܰܡܠܝ ܘܠܶܐܘܬܳܐ ܕܺܐܝ̈ܕܰܝ ܚܙܳܐ ܐܰܠܳܗܳܐ: ܘܰܐܟܣܳܟ ܒܪܰܡܫܳܐ. |
| 43 ויען לבן ויאמר אל יעקב הבנות בנתי והבנים בני והצאן צאני וכל אשר אתה ראה לי הוא ולבנתי מה אעשה לאלה היום או לבניהן אשר ילדו | 43 ܘܰܥܢܳܐ ܠܳܒܳܢ ܘܶܐܡܰܪ ܠܝܰܥܩܽܘܒ: ܒܢ̈ܳܬܳܐ ܒܢ̈ܳܬܝ: ܘܰܒܢܰܝ̈ܐ ܒܢܰܝ̈: ܘܥܳܢ̈ܳܐ ܥܳܢ̈ܝ: ܘܟܽܠ ܕܚܳܙܶܐ ܐܰܢ̱ܬ ܕܺܝܠܝ ܗܽܘ: ܘܠܰܒܢ̈ܳܬܝ ܗܳܠܶܝܢ: ܡܳܢܳܐ ܐܶܥܒܶܕ ܠܗܶܝܢ ܝܰܘܡܳܢܳܐ ܐܰܘ ܠܰܒܢܰܝ̈ܗܶܝܢ ܕܺܝܠܶܕ̈ܝ. |
| 44 ועתה לכה נכרתה ברית אני ואתה והיה לעד ביני ובינך | 44 ܘܗܳܫܳܐ ܗܳܐ ܢܩܺܝܡ ܩܝܳܡܳܐ ܐܶܢܳܐ ܘܰܐܢ̱ܬ: ܘܢܶܗܘܶܐ ܣܳܗܕܳܐ ܒܰܝ̈ܢܰܝ ܘܠܳܟ. |
| 45 ויקח יעקב אבן וירימה מצבה | 45 ܘܰܢܣܰܒ ܝܰܥܩܽܘܒ ܟܺܐܦܳܐ: ܘܰܐܪܺܝܡܳܗ̇ ܩܳܝܶܡܬܳܐ. |
| 46 ויאמר יעקב לאחיו לקטו אבנים ויקחו אבנים ויעשו גל ויאכלו שם על הגל | 46 ܘܶܐܡܰܪ ܝܰܥܩܽܘܒ ܠܰܐܚܰܘ̈ܗܝ: ܠܰܩܶܛܘ ܟܺܐܦ̈ܶܐ: ܘܰܢܣܰܒܘ ܟܺܐܦ̈ܶܐ ܘܰܥܒܰܕܘ ܝܰܓܪܳܐ: ܘܶܐܟܰܠܘ ܬܰܡܳܢ ܥܰܠ ܝܰܓܪܳܐ. |
| 47 ויקרא לו לבן יגר שהדותא ויעקב קרא לו גלעד | 47 ܘܰܩܪܳܝܗܝ ܠܳܒܳܢ ܝܰܓܪܳܐ ܕܣܳܗܕܽܘܬܳܐ: ܘܝܰܥܩܽܘܒ ܩܪܳܝܗܝ ܓܶܠܥܳܕ. |
| 48 ויאמר לבן הגל הזה עד ביני ובינך היום על כן קרא שמו גלעד | 48 ܘܶܐܡܰܪ ܠܳܒܳܢ: ܝܰܓܪܳܐ ܗܳܢܳܐ ܣܳܗܶܕ ܒܰܝ̈ܢܰܝ ܘܠܳܟ ܝܰܘܡܳܢܳܐ: ܡܶܛܽܠ ܗܳܢܳܐ ܩܪܳܐ ܫܡܶܗ ܓܶܠܥܳܕ. |
| 49 והמצפה אשר אמר יצף יהוה ביני ובינך כי נסתר איש מרעהו | 49 ܘܕܰܘܩܳܐ: ܕܶܐܡܰܪ ܢܶܚܙܶܐ ܡܳܪܝܳܐ ܒܰܝ̈ܢܰܝ ܘܠܳܟ: ܡܶܛܽܠ ܕܦܳܪܫܺܝܢܰܢ ܓܒܰܪ ܡܶܢ ܐܰܚܽܘܗܝ. |
| 50 אם תענה את בנתי ואם תקח נשים על בנתי אין איש עמנו ראה אלהים עד ביני ובינך | 50 ܐܶܢ ܬܨܰܥܰܪ ܠܰܒܢ̈ܳܬܝ: ܘܶܐܢ ܬܶܣܰܒ ܢܶܫ̈ܶܐ ܥܰܠ ܒܢ̈ܳܬܝ: ܠܰܝܬ ܐ̱ܢܳܫ ܥܰܡܰܢ: ܚܙܺܝ ܕܰܐܠܳܗܳܐ ܣܳܗܶܕ ܒܰܝ̈ܢܰܝ ܘܠܳܟ. |
| 51 ויאמר לבן ליעקב הנה הגל הזה והנה המצבה אשר יריתי ביני ובינך | 51 ܘܶܐܡܰܪ ܠܳܒܳܢ ܠܝܰܥܩܽܘܒ: ܗܳܐ ܝܰܓܪܳܐ ܗܳܢܳܐ: ܘܗܳܐ ܩܳܝܶܡܬܳܐ ܗܳܕܶܐ ܕܰܐܩܺܝܡܶܬ ܒܰܝ̈ܢܰܝ ܘܠܳܟ. |
| 52 עד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעה | 52 ܣܳܗܶܕ ܝܰܓܪܳܐ ܗܳܢܳܐ: ܘܣܳܗܕܳܐ ܩܳܝܶܡܬܳܐ ܗܳܕܶܐ: ܕܶܐܢܳܐ ܠܳܐ ܐܶܥܒܰܪ ܥܠܰܝܟ ܝܰܓܪܳܐ ܗܳܢܳܐ: ܘܳܐܦ ܐܰܢ̱ܬ ܠܳܐ ܬܶܥܒܰܪ ܥܠܰܝ ܝܰܓܪܳܐ ܗܳܢܳܐ: ܘܩܳܝܶܡܬܳܐ ܗܳܕܶܐ ܠܒܺܝܫܬܳܐ. |
| 53 אלהי אברהם ואלהי נחור ישפטו בינינו אלהי אביהם וישבע יעקב בפחד אביו יצחק | 53 ܐܰܠܳܗܶܗ ܕܰܐܒܪܳܗܳܡ: ܐܰܠܳܗܶܗ ܕܢܳܚܽܘܪ ܢܕܽܘܢ ܒܰܝܢܳܬܰܢ: ܐܰܠܳܗܳܐ ܕܰܐܒܗ̈ܳܬܰܢ: ܘܺܝܡܳܐ ܝܰܥܩܽܘܒ ܒܕܶܚܠܬܳܐ ܕܰܐܒܽܘܗܝ ܐܺܝܣܚܳܩ. |
| 54 ויזבח יעקב זבח בהר ויקרא לאחיו לאכל לחם ויאכלו לחם וילינו בהר | 54 ܘܕܰܒܰܚ ܝܰܥܩܽܘܒ ܕܶܒܚܬܳܐ ܒܛܽܘܪܳܐ: ܘܰܩܪܳܐ ܠܰܐܚܰܘ̈ܗܝ ܠܡܶܐܟܰܠ ܠܰܚܡܳܐ: ܘܶܐܟܰܠܘ ܠܰܚܡܳܐ ܘܒܳܬܘ ܒܛܽܘܪܳܐ. |
| 55 וישכם לבן בבקר וינשק לבניו ולבנותיו ויברך אתהם וילך וישב לבן למקמו | 55 ܘܩܰܕܶܡ ܠܳܒܳܢ ܒܫܰܦܪܳܐ: ܘܢܰܫܶܩ ܠܰܒܢܰܘ̈ܗܝ ܘܠܰܒܢ̈ܳܬܶܗ: ܘܒܰܪܶܟ ܐܶܢܽܘܢ: ܘܰܗܦܰܟ ܠܳܒܳܢ ܘܶܐܙܰܠ ܠܰܐܬܪܶܗ. |
