ΠΑΡΟΙΜΙΑΙ - Proverbi - Proverbs 6

¹ υιε εαν εγγυηση σον φιλον παραδωσεις σην χειρα εχθρω

² παγις γαρ ισχυρα ανδρι τα ιδια χειλη και αλισκεται χειλεσιν ιδιου στοματος

³ ποιει υιε α εγω σοι εντελλομαι και σωζου ηκεις γαρ εις χειρας κακων δια σον φιλον ιθι μη εκλυομενος παροξυνε δε και τον φιλον σου ον ενεγυησω

⁴ μη δως υπνον σοις ομμασιν μηδε επινυσταξης σοις βλεφαροις

⁵ ινα σωζη ωσπερ δορκας εκ βροχων και ωσπερ ορνεον εκ παγιδος

⁶ ιθι προς τον μυρμηκα ω οκνηρε και ζηλωσον ιδων τας οδους αυτου και γενου εκεινου σοφωτερος

⁷ εκεινω γαρ γεωργιου μη υπαρχοντος μηδε τον αναγκαζοντα εχων μηδε υπο δεσποτην ων

⁸ ετοιμαζεται θερους την τροφην πολλην τε εν τω αμητω ποιειται την παραθεσιν [8α] η πορευθητι προς την μελισσαν και μαθε ως εργατις εστιν την τε εργασιαν ως σεμνην ποιειται [8β] ης τους πονους βασιλεις και ιδιωται προς υγιειαν προσφερονται ποθεινη δε εστιν πασιν και επιδοξος [8χ] καιπερ ουσα τη ρωμη ασθενης την σοφιαν τιμησασα προηχθη

⁹ εως τινος οκνηρε κατακεισαι ποτε δε εξ υπνου εγερθηση

¹⁰ ολιγον μεν υπνοις ολιγον δε καθησαι μικρον δε νυσταζεις ολιγον δε εναγκαλιζη χερσιν στηθη

¹¹ ειτ' εμπαραγινεται σοι ωσπερ κακος οδοιπορος η πενια και η ενδεια ωσπερ αγαθος δρομευς [11α] εαν δε αοκνος ης ηξει ωσπερ πηγη ο αμητος σου η δε ενδεια ωσπερ κακος δρομευς απαυτομολησει

¹² ανηρ αφρων και παρανομος πορευεται οδους ουκ αγαθας

¹³ ο δ' αυτος εννευει οφθαλμω σημαινει δε ποδι διδασκει δε εννευμασιν δακτυλων

¹⁴ διεστραμμενη δε καρδια τεκταινεται κακα εν παντι καιρω ο τοιουτος ταραχας συνιστησιν πολει

¹⁵ δια τουτο εξαπινης ερχεται η απωλεια αυτου διακοπη και συντριβη ανιατος

¹⁶ οτι χαιρει πασιν οις μισει ο κυριος συντριβεται δε δι' ακαθαρσιαν ψυχης

¹⁷ οφθαλμος υβριστου γλωσσα αδικος χειρες εκχεουσαι αιμα δικαιου

¹⁸ και καρδια τεκταινομενη λογισμους κακους και ποδες επισπευδοντες κακοποιειν

¹⁹ εκκαιει ψευδη μαρτυς αδικος και επιπεμπει κρισεις ανα μεσον αδελφων

²⁰ υιε φυλασσε νομους πατρος σου και μη απωση θεσμους μητρος σου

²¹ αφαψαι δε αυτους επι ση ψυχη δια παντος και εγκλοιωσαι επι σω τραχηλω

²² ηνικα αν περιπατης επαγου αυτην και μετα σου εστω ως δ' αν καθευδης φυλασσετω σε ινα εγειρομενω συλλαλη σοι

²³ οτι λυχνος εντολη νομου και φως και οδος ζωης ελεγχος και παιδεια

²⁴ του διαφυλασσειν σε απο γυναικος υπανδρου και απο διαβολης γλωσσης αλλοτριας

²⁵ μη σε νικηση καλλους επιθυμια μηδε αγρευθης σοις οφθαλμοις μηδε συναρπασθης απο των αυτης βλεφαρων

²⁶ τιμη γαρ πορνης οση και ενος αρτου γυνη δε ανδρων τιμιας ψυχας αγρευει

²⁷ αποδησει τις πυρ εν κολπω τα δε ιματια ου κατακαυσει

²⁸ η περιπατησει τις επ' ανθρακων πυρος τους δε ποδας ου κατακαυσει

²⁹ ουτως ο εισελθων προς γυναικα υπανδρον ουκ αθωωθησεται ουδε πας ο απτομενος αυτης

³⁰ ου θαυμαστον εαν αλω τις κλεπτων κλεπτει γαρ ινα εμπληση την ψυχην πεινων

³¹ εαν δε αλω αποτεισει επταπλασια και παντα τα υπαρχοντα αυτου δους ρυσεται εαυτον

³² ο δε μοιχος δι' ενδειαν φρενων απωλειαν τη ψυχη αυτου περιποιειται

³³ οδυνας τε και ατιμιας υποφερει το δε ονειδος αυτου ουκ εξαλειφθησεται εις τον αιωνα

³⁴ μεστος γαρ ζηλου θυμος ανδρος αυτης ου φεισεται εν ημερα κρισεως

³⁵ ουκ ανταλλαξεται ουδενος λυτρου την εχθραν ουδε μη διαλυθη πολλων δωρων