ΠΑΡΟΙΜΙΑΙ - Proverbi - Proverbs 14

¹ σοφαι γυναικες ωκοδομησαν οικους η δε αφρων κατεσκαψεν ταις χερσιν αυτης

² ο πορευομενος ορθως φοβειται τον κυριον ο δε σκολιαζων ταις οδοις αυτου ατιμασθησεται

³ εκ στοματος αφρονων βακτηρια υβρεως χειλη δε σοφων φυλασσει αυτους

⁴ ου μη εισιν βοες φατναι καθαραι ου δε πολλα γενηματα φανερα βοος ισχυς

⁵ μαρτυς πιστος ου ψευδεται εκκαιει δε ψευδη μαρτυς αδικος

⁶ ζητησεις σοφιαν παρα κακοις και ουχ ευρησεις αισθησις δε παρα φρονιμοις ευχερης

⁷ παντα εναντια ανδρι αφρονι οπλα δε αισθησεως χειλη σοφα

⁸ σοφια πανουργων επιγνωσεται τας οδους αυτων ανοια δε αφρονων εν πλανη

⁹ οικιαι παρανομων οφειλησουσιν καθαρισμον οικιαι δε δικαιων δεκται

¹⁰ καρδια ανδρος αισθητικη λυπηρα ψυχη αυτου οταν δε ευφραινηται ουκ επιμειγνυται υβρει

¹¹ οικιαι ασεβων αφανισθησονται σκηναι δε κατορθουντων στησονται

¹² εστιν οδος η δοκει ορθη ειναι παρα ανθρωποις τα δε τελευταια αυτης ερχεται εις πυθμενα αδου

¹³ εν ευφροσυναις ου προσμειγνυται λυπη τελευταια δε χαρα εις πενθος ερχεται

¹⁴ των εαυτου οδων πλησθησεται θρασυκαρδιος απο δε των διανοηματων αυτου ανηρ αγαθος

¹⁵ ακακος πιστευει παντι λογω πανουργος δε ερχεται εις μετανοιαν

¹⁶ σοφος φοβηθεις εξεκλινεν απο κακου ο δε αφρων εαυτω πεποιθως μειγνυται ανομω

¹⁷ οξυθυμος πρασσει μετα αβουλιας ανηρ δε φρονιμος πολλα υποφερει

¹⁸ μεριουνται αφρονες κακιαν οι δε πανουργοι κρατησουσιν αισθησεως

¹⁹ ολισθησουσιν κακοι εναντι αγαθων και ασεβεις θεραπευσουσιν θυρας δικαιων

²⁰ φιλοι μισησουσιν φιλους πτωχους φιλοι δε πλουσιων πολλοι

²¹ ο ατιμαζων πενητας αμαρτανει ελεων δε πτωχους μακαριστος

²² πλανωμενοι τεκταινουσι κακα ελεον δε και αληθειαν τεκταινουσιν αγαθοι ουκ επιστανται ελεον και πιστιν τεκτονες κακων ελεημοσυναι δε και πιστεις παρα τεκτοσιν αγαθοις

²³ εν παντι μεριμνωντι ενεστιν περισσον ο δε ηδυς και αναλγητος εν ενδεια εσται

²⁴ στεφανος σοφων πανουργος η δε διατριβη αφρονων κακη

²⁵ ρυσεται εκ κακων ψυχην μαρτυς πιστος εκκαιει δε ψευδη δολιος

²⁶ εν φοβω κυριου ελπις ισχυος τοις δε τεκνοις αυτου καταλειπει ερεισμα

²⁷ προσταγμα κυριου πηγη ζωης ποιει δε εκκλινειν εκ παγιδος θανατου

²⁸ εν πολλω εθνει δοξα βασιλεως εν δε εκλειψει λαου συντριβη δυναστου

²⁹ μακροθυμος ανηρ πολυς εν φρονησει ο δε ολιγοψυχος ισχυρως αφρων

³⁰ πραυθυμος ανηρ καρδιας ιατρος σης δε οστεων καρδια αισθητικη

³¹ ο συκοφαντων πενητα παροξυνει τον ποιησαντα αυτον ο δε τιμων αυτον ελεα πτωχον

³² εν κακια αυτου απωσθησεται ασεβης ο δε πεποιθως τη εαυτου οσιοτητι δικαιος

³³ εν καρδια αγαθη ανδρος σοφια εν δε καρδια αφρονων ου διαγινωσκεται

³⁴ δικαιοσυνη υψοι εθνος ελασσονουσι δε φυλας αμαρτιαι

³⁵ δεκτος βασιλει υπηρετης νοημων τη δε εαυτου ευστροφια αφαιρειται ατιμιαν