ΨΑΛΜΟΙ - Salmi - Psalms 82

¹ ωδη ψαλμου τω ασαφ

² ο θεος τις ομοιωθησεται σοι μη σιγησης μηδε καταπραυνης ο θεος

³ οτι ιδου οι εχθροι σου ηχησαν και οι μισουντες σε ηραν κεφαλην

⁴ επι τον λαον σου κατεπανουργευσαντο γνωμην και εβουλευσαντο κατα των αγιων σου

⁵ ειπαν δευτε και εξολεθρευσωμεν αυτους εξ εθνους και ου μη μνησθη το ονομα ισραηλ ετι

⁶ οτι εβουλευσαντο εν ομονοια επι το αυτο κατα σου διαθηκην διεθεντο

⁷ τα σκηνωματα των ιδουμαιων και οι ισμαηλιται μωαβ και οι αγαρηνοι

⁸ γεβαλ και αμμων και αμαληκ και αλλοφυλοι μετα των κατοικουντων τυρον

⁹ και γαρ και ασσουρ συμπαρεγενετο μετ' αυτων εγενηθησαν εις αντιλημψιν τοις υιοις λωτ διαψαλμα

¹⁰ ποιησον αυτοις ως τη μαδιαμ και τω σισαρα ως ο ιαβιν εν τω χειμαρρω κισων

¹¹ εξωλεθρευθησαν εν αενδωρ εγενηθησαν ωσει κοπρος τη γη

¹² θου τους αρχοντας αυτων ως τον ωρηβ και ζηβ και ζεβεε και σαλμανα παντας τους αρχοντας αυτων

¹³ οιτινες ειπαν κληρονομησωμεν εαυτοις το αγιαστηριον του θεου

¹⁴ ο θεος μου θου αυτους ως τροχον ως καλαμην κατα προσωπον ανεμου

¹⁵ ωσει πυρ ο διαφλεξει δρυμον ως ει φλοξ κατακαυσαι ορη

¹⁶ ουτως καταδιωξεις αυτους εν τη καταιγιδι σου και εν τη οργη σου ταραξεις αυτους

¹⁷ πληρωσον τα προσωπα αυτων ατιμιας και ζητησουσιν το ονομα σου κυριε

¹⁸ αισχυνθητωσαν και ταραχθητωσαν εις τον αιωνα του αιωνος και εντραπητωσαν και απολεσθωσαν

¹⁹ και γνωτωσαν οτι ονομα σοι κυριος συ μονος υψιστος επι πασαν την γην