ΨΑΛΜΟΙ - Salmi - Psalms 79

¹ εις το τελος υπερ των αλλοιωθησομενων μαρτυριον τω ασαφ ψαλμος υπερ του ασσυριου

² ο ποιμαινων τον ισραηλ προσχες ο οδηγων ωσει προβατα τον ιωσηφ ο καθημενος επι των χερουβιν εμφανηθι

³ εναντιον εφραιμ και βενιαμιν και μανασση εξεγειρον την δυναστειαν σου και ελθε εις το σωσαι ημας

⁴ ο θεος επιστρεψον ημας και επιφανον το προσωπον σου και σωθησομεθα

⁵ κυριε ο θεος των δυναμεων εως ποτε οργιζη επι την προσευχην του δουλου σου

⁶ ψωμιεις ημας αρτον δακρυων και ποτιεις ημας εν δακρυσιν εν μετρω

⁷ εθου ημας εις αντιλογιαν τοις γειτοσιν ημων και οι εχθροι ημων εμυκτηρισαν ημας

⁸ κυριε ο θεος των δυναμεων επιστρεψον ημας και επιφανον το προσωπον σου και σωθησομεθα διαψαλμα

⁹ αμπελον εξ αιγυπτου μετηρας εξεβαλες εθνη και κατεφυτευσας αυτην

¹⁰ ωδοποιησας εμπροσθεν αυτης και κατεφυτευσας τας ριζας αυτης και επλησθη η γη

¹¹ εκαλυψεν ορη η σκια αυτης και αι αναδενδραδες αυτης τας κεδρους του θεου

¹² εξετεινεν τα κληματα αυτης εως θαλασσης και εως ποταμου τας παραφυαδας αυτης

¹³ ινα τι καθειλες τον φραγμον αυτης και τρυγωσιν αυτην παντες οι παραπορευομενοι την οδον

¹⁴ ελυμηνατο αυτην συς εκ δρυμου και μονιος αγριος κατενεμησατο αυτην

¹⁵ ο θεος των δυναμεων επιστρεψον δη επιβλεψον εξ ουρανου και ιδε και επισκεψαι την αμπελον ταυτην

¹⁶ και καταρτισαι αυτην ην εφυτευσεν η δεξια σου και επι υιον ανθρωπου ον εκραταιωσας σεαυτω

¹⁷ εμπεπυρισμενη πυρι και ανεσκαμμενη απο επιτιμησεως του προσωπου σου απολουνται

¹⁸ γενηθητω η χειρ σου επ' ανδρα δεξιας σου και επι υιον ανθρωπου ον εκραταιωσας σεαυτω

¹⁹ και ου μη αποστωμεν απο σου ζωωσεις ημας και το ονομα σου επικαλεσομεθα

²⁰ κυριε ο θεος των δυναμεων επιστρεψον ημας και επιφανον το προσωπον σου και σωθησομεθα