ΨΑΛΜΟΙ - Salmi - Psalms 76

¹ εις το τελος υπερ ιδιθουν τω ασαφ ψαλμος

² φωνη μου προς κυριον εκεκραξα φωνη μου προς τον θεον και προσεσχεν μοι

³ εν ημερα θλιψεως μου τον θεον εξεζητησα ταις χερσιν μου νυκτος εναντιον αυτου και ουκ ηπατηθην απηνηνατο παρακληθηναι η ψυχη μου

⁴ εμνησθην του θεου και ευφρανθην ηδολεσχησα και ωλιγοψυχησεν το πνευμα μου διαψαλμα

⁵ προκατελαβοντο φυλακας οι οφθαλμοι μου εταραχθην και ουκ ελαλησα

⁶ διελογισαμην ημερας αρχαιας και ετη αιωνια εμνησθην και εμελετησα

⁷ νυκτος μετα της καρδιας μου ηδολεσχουν και εσκαλλεν το πνευμα μου

⁸ μη εις τους αιωνας απωσεται κυριος και ου προσθησει του ευδοκησαι ετι

⁹ η εις τελος το ελεος αυτου αποκοψει απο γενεας εις γενεαν

¹⁰ η επιλησεται του οικτιρησαι ο θεος η συνεξει εν τη οργη αυτου τους οικτιρμους αυτου διαψαλμα

¹¹ και ειπα νυν ηρξαμην αυτη η αλλοιωσις της δεξιας του υψιστου

¹² εμνησθην των εργων κυριου οτι μνησθησομαι απο της αρχης των θαυμασιων σου

¹³ και μελετησω εν πασιν τοις εργοις σου και εν τοις επιτηδευμασιν σου αδολεσχησω

¹⁴ ο θεος εν τω αγιω η οδος σου τις θεος μεγας ως ο θεος ημων

¹⁵ συ ει ο θεος ο ποιων θαυμασια εγνωρισας εν τοις λαοις την δυναμιν σου

¹⁶ ελυτρωσω εν τω βραχιονι σου τον λαον σου τους υιους ιακωβ και ιωσηφ διαψαλμα

¹⁷ ειδοσαν σε υδατα ο θεος ειδοσαν σε υδατα και εφοβηθησαν και εταραχθησαν αβυσσοι πληθος ηχους υδατων

¹⁸ φωνην εδωκαν αι νεφελαι και γαρ τα βελη σου διαπορευονται

¹⁹ φωνη της βροντης σου εν τω τροχω εφαναν αι αστραπαι σου τη οικουμενη εσαλευθη και εντρομος εγενηθη η γη

²⁰ εν τη θαλασση η οδος σου και αι τριβοι σου εν υδασι πολλοις και τα ιχνη σου ου γνωσθησονται

²¹ ωδηγησας ως προβατα τον λαον σου εν χειρι μωυση και ααρων