ΨΑΛΜΟΙ - Salmi - Psalms 72

¹ ψαλμος τω ασαφ ως αγαθος τω ισραηλ ο θεος τοις ευθεσι τη καρδια

² εμου δε παρα μικρον εσαλευθησαν οι ποδες παρ' ολιγον εξεχυθη τα διαβηματα μου

³ οτι εζηλωσα επι τοις ανομοις ειρηνην αμαρτωλων θεωρων

⁴ οτι ουκ εστιν ανανευσις τω θανατω αυτων και στερεωμα εν τη μαστιγι αυτων

⁵ εν κοποις ανθρωπων ουκ εισιν και μετα ανθρωπων ου μαστιγωθησονται

⁶ δια τουτο εκρατησεν αυτους η υπερηφανια περιεβαλοντο αδικιαν και ασεβειαν αυτων

⁷ εξελευσεται ως εκ στεατος η αδικια αυτων διηλθοσαν εις διαθεσιν καρδιας

⁸ διενοηθησαν και ελαλησαν εν πονηρια αδικιαν εις το υψος ελαλησαν

⁹ εθεντο εις ουρανον το στομα αυτων και η γλωσσα αυτων διηλθεν επι της γης

¹⁰ δια τουτο επιστρεψει ο λαος μου ενταυθα και ημεραι πληρεις ευρεθησονται αυτοις

¹¹ και ειπαν πως εγνω ο θεος και ει εστιν γνωσις εν τω υψιστω

¹² ιδου ουτοι αμαρτωλοι και ευθηνουνται εις τον αιωνα κατεσχον πλουτου

¹³ και ειπα αρα ματαιως εδικαιωσα την καρδιαν μου και ενιψαμην εν αθωοις τας χειρας μου

¹⁴ και εγενομην μεμαστιγωμενος ολην την ημεραν και ο ελεγχος μου εις τας πρωιας

¹⁵ ει ελεγον διηγησομαι ουτως ιδου τη γενεα των υιων σου ησυνθετηκα

¹⁶ και υπελαβον του γνωναι τουτο κοπος εστιν εναντιον μου

¹⁷ εως εισελθω εις το αγιαστηριον του θεου και συνω εις τα εσχατα αυτων

¹⁸ πλην δια τας δολιοτητας εθου αυτοις κατεβαλες αυτους εν τω επαρθηναι

¹⁹ πως εγενοντο εις ερημωσιν εξαπινα εξελιπον απωλοντο δια την ανομιαν αυτων

²⁰ ωσει ενυπνιον εξεγειρομενου κυριε εν τη πολει σου την εικονα αυτων εξουδενωσεις

²¹ οτι εξεκαυθη η καρδια μου και οι νεφροι μου ηλλοιωθησαν

²² και εγω εξουδενωμενος και ουκ εγνων κτηνωδης εγενομην παρα σοι

²³ και εγω δια παντος μετα σου εκρατησας της χειρος της δεξιας μου

²⁴ εν τη βουλη σου ωδηγησας με και μετα δοξης προσελαβου με

²⁵ τι γαρ μοι υπαρχει εν τω ουρανω και παρα σου τι ηθελησα επι της γης

²⁶ εξελιπεν η καρδια μου και η σαρξ μου ο θεος της καρδιας μου και η μερις μου ο θεος εις τον αιωνα

²⁷ οτι ιδου οι μακρυνοντες εαυτους απο σου απολουνται εξωλεθρευσας παντα τον πορνευοντα απο σου

²⁸ εμοι δε το προσκολλασθαι τω θεω αγαθον εστιν τιθεσθαι εν τω κυριω την ελπιδα μου του εξαγγειλαι πασας τας αινεσεις σου εν ταις πυλαις της θυγατρος σιων