ΨΑΛΜΟΙ - Salmi - Psalms 36

¹ του δαυιδ μη παραζηλου εν πονηρευομενοις μηδε ζηλου τους ποιουντας την ανομιαν

² οτι ωσει χορτος ταχυ αποξηρανθησονται και ωσει λαχανα χλοης ταχυ αποπεσουνται

³ ελπισον επι κυριον και ποιει χρηστοτητα και κατασκηνου την γην και ποιμανθηση επι τω πλουτω αυτης

⁴ κατατρυφησον του κυριου και δωσει σοι τα αιτηματα της καρδιας σου

⁵ αποκαλυψον προς κυριον την οδον σου και ελπισον επ' αυτον και αυτος ποιησει

⁶ και εξοισει ως φως την δικαιοσυνην σου και το κριμα σου ως μεσημβριαν

⁷ υποταγηθι τω κυριω και ικετευσον αυτον μη παραζηλου εν τω κατευοδουμενω εν τη οδω αυτου εν ανθρωπω ποιουντι παρανομιας

⁸ παυσαι απο οργης και εγκαταλιπε θυμον μη παραζηλου ωστε πονηρευεσθαι

⁹ οτι οι πονηρευομενοι εξολεθρευθησονται οι δε υπομενοντες τον κυριον αυτοι κληρονομησουσιν γην

¹⁰ και ετι ολιγον και ου μη υπαρξη ο αμαρτωλος και ζητησεις τον τοπον αυτου και ου μη ευρης

¹¹ οι δε πραεις κληρονομησουσιν γην και κατατρυφησουσιν επι πληθει ειρηνης

¹² παρατηρησεται ο αμαρτωλος τον δικαιον και βρυξει επ' αυτον τους οδοντας αυτου

¹³ ο δε κυριος εκγελασεται αυτον οτι προβλεπει οτι ηξει η ημερα αυτου

¹⁴ ρομφαιαν εσπασαντο οι αμαρτωλοι ενετειναν τοξον αυτων του καταβαλειν πτωχον και πενητα του σφαξαι τους ευθεις τη καρδια

¹⁵ η ρομφαια αυτων εισελθοι εις την καρδιαν αυτων και τα τοξα αυτων συντριβειησαν

¹⁶ κρεισσον ολιγον τω δικαιω υπερ πλουτον αμαρτωλων πολυν

¹⁷ οτι βραχιονες αμαρτωλων συντριβησονται υποστηριζει δε τους δικαιους κυριος

¹⁸ γινωσκει κυριος τας οδους των αμωμων και η κληρονομια αυτων εις τον αιωνα εσται

¹⁹ ου καταισχυνθησονται εν καιρω πονηρω και εν ημεραις λιμου χορτασθησονται

²⁰ οτι οι αμαρτωλοι απολουνται οι δε εχθροι του κυριου αμα τω δοξασθηναι αυτους και υψωθηναι εκλιποντες ωσει καπνος εξελιπον

²¹ δανειζεται ο αμαρτωλος και ουκ αποτεισει ο δε δικαιος οικτιρει και διδοι

²² οτι οι ευλογουντες αυτον κληρονομησουσι γην οι δε καταρωμενοι αυτον εξολεθρευθησονται

²³ παρα κυριου τα διαβηματα ανθρωπου κατευθυνεται και την οδον αυτου θελησει

²⁴ οταν πεση ου καταραχθησεται οτι κυριος αντιστηριζει χειρα αυτου

²⁵ νεωτερος εγενομην και γαρ εγηρασα και ουκ ειδον δικαιον εγκαταλελειμμενον ουδε το σπερμα αυτου ζητουν αρτους

²⁶ ολην την ημεραν ελεα και δανειζει και το σπερμα αυτου εις ευλογιαν εσται

²⁷ εκκλινον απο κακου και ποιησον αγαθον και κατασκηνου εις αιωνα αιωνος

²⁸ οτι κυριος αγαπα κρισιν και ουκ εγκαταλειψει τους οσιους αυτου εις τον αιωνα φυλαχθησονται ανομοι δε εκδιωχθησονται και σπερμα ασεβων εξολεθρευθησεται

²⁹ δικαιοι δε κληρονομησουσι γην και κατασκηνωσουσιν εις αιωνα αιωνος επ' αυτης

³⁰ στομα δικαιου μελετησει σοφιαν και η γλωσσα αυτου λαλησει κρισιν

³¹ ο νομος του θεου αυτου εν καρδια αυτου και ουχ υποσκελισθησεται τα διαβηματα αυτου

³² κατανοει ο αμαρτωλος τον δικαιον και ζητει του θανατωσαι αυτον

³³ ο δε κυριος ου μη εγκαταλιπη αυτον εις τας χειρας αυτου ουδε μη καταδικασηται αυτον οταν κρινηται αυτω

³⁴ υπομεινον τον κυριον και φυλαξον την οδον αυτου και υψωσει σε του κατακληρονομησαι γην εν τω εξολεθρευεσθαι αμαρτωλους οψη

³⁵ ειδον ασεβη υπερυψουμενον και επαιρομενον ως τας κεδρους του λιβανου

³⁶ και παρηλθον και ιδου ουκ ην και εζητησα αυτον και ουχ ευρεθη ο τοπος αυτου

³⁷ φυλασσε ακακιαν και ιδε ευθυτητα οτι εστιν εγκαταλειμμα ανθρωπω ειρηνικω

³⁸ οι δε παρανομοι εξολεθρευθησονται επι το αυτο τα εγκαταλειμματα των ασεβων εξολεθρευθησονται

³⁹ σωτηρια δε των δικαιων παρα κυριου και υπερασπιστης αυτων εστιν εν καιρω θλιψεως

⁴⁰ και βοηθησει αυτοις κυριος και ρυσεται αυτους και εξελειται αυτους εξ αμαρτωλων και σωσει αυτους οτι ηλπισαν επ' αυτον