ΨΑΛΜΟΙ - Salmi - Psalms 33

¹ τω δαυιδ οποτε ηλλοιωσεν το προσωπον αυτου εναντιον αβιμελεχ και απελυσεν αυτον και απηλθεν

² ευλογησω τον κυριον εν παντι καιρω δια παντος η αινεσις αυτου εν τω στοματι μου

³ εν τω κυριω επαινεσθησεται η ψυχη μου ακουσατωσαν πραεις και ευφρανθητωσαν

⁴ μεγαλυνατε τον κυριον συν εμοι και υψωσωμεν το ονομα αυτου επι το αυτο

⁵ εξεζητησα τον κυριον και επηκουσεν μου και εκ πασων των παροικιων μου ερρυσατο με

⁶ προσελθατε προς αυτον και φωτισθητε και τα προσωπα υμων ου μη καταισχυνθη

⁷ ουτος ο πτωχος εκεκραξεν και ο κυριος εισηκουσεν αυτου και εκ πασων των θλιψεων αυτου εσωσεν αυτον

⁸ παρεμβαλει αγγελος κυριου κυκλω των φοβουμενων αυτον και ρυσεται αυτους

⁹ γευσασθε και ιδετε οτι χρηστος ο κυριος μακαριος ανηρ ος ελπιζει επ' αυτον

¹⁰ φοβηθητε τον κυριον οι αγιοι αυτου οτι ουκ εστιν υστερημα τοις φοβουμενοις αυτον

¹¹ πλουσιοι επτωχευσαν και επεινασαν οι δε εκζητουντες τον κυριον ουκ ελαττωθησονται παντος αγαθου διαψαλμα

¹² δευτε τεκνα ακουσατε μου φοβον κυριου διδαξω υμας

¹³ τις εστιν ανθρωπος ο θελων ζωην αγαπων ημερας ιδειν αγαθας

¹⁴ παυσον την γλωσσαν σου απο κακου και χειλη σου του μη λαλησαι δολον

¹⁵ εκκλινον απο κακου και ποιησον αγαθον ζητησον ειρηνην και διωξον αυτην

¹⁶ οφθαλμοι κυριου επι δικαιους και ωτα αυτου εις δεησιν αυτων

¹⁷ προσωπον δε κυριου επι ποιουντας κακα του εξολεθρευσαι εκ γης το μνημοσυνον αυτων

¹⁸ εκεκραξαν οι δικαιοι και ο κυριος εισηκουσεν αυτων και εκ πασων των θλιψεων αυτων ερρυσατο αυτους

¹⁹ εγγυς κυριος τοις συντετριμμενοις την καρδιαν και τους ταπεινους τω πνευματι σωσει

²⁰ πολλαι αι θλιψεις των δικαιων και εκ πασων αυτων ρυσεται αυτους

²¹ κυριος φυλασσει παντα τα οστα αυτων εν εξ αυτων ου συντριβησεται

²² θανατος αμαρτωλων πονηρος και οι μισουντες τον δικαιον πλημμελησουσιν

²³ λυτρωσεται κυριος ψυχας δουλων αυτου και ου μη πλημμελησωσιν παντες οι ελπιζοντες επ' αυτον