ΨΑΛΜΟΙ - Salmi - Psalms 25

¹ του δαυιδ κρινον με κυριε οτι εγω εν ακακια μου επορευθην και επι τω κυριω ελπιζων ου μη ασθενησω

² δοκιμασον με κυριε και πειρασον με πυρωσον τους νεφρους μου και την καρδιαν μου

³ οτι το ελεος σου κατεναντι των οφθαλμων μου εστιν και ευηρεστησα εν τη αληθεια σου

⁴ ουκ εκαθισα μετα συνεδριου ματαιοτητος και μετα παρανομουντων ου μη εισελθω

⁵ εμισησα εκκλησιαν πονηρευομενων και μετα ασεβων ου μη καθισω

⁶ νιψομαι εν αθωοις τας χειρας μου και κυκλωσω το θυσιαστηριον σου κυριε

⁷ του ακουσαι φωνην αινεσεως και διηγησασθαι παντα τα θαυμασια σου

⁸ κυριε ηγαπησα ευπρεπειαν οικου σου και τοπον σκηνωματος δοξης σου

⁹ μη συναπολεσης μετα ασεβων την ψυχην μου και μετα ανδρων αιματων την ζωην μου

¹⁰ ων εν χερσιν ανομιαι η δεξια αυτων επλησθη δωρων

¹¹ εγω δε εν ακακια μου επορευθην λυτρωσαι με και ελεησον με

¹² ο γαρ πους μου εστη εν ευθυτητι εν εκκλησιαις ευλογησω σε κυριε