ΨΑΛΜΟΙ - Salmi - Psalms 117

¹ αλληλουια εξομολογεισθε τω κυριω οτι αγαθος οτι εις τον αιωνα το ελεος αυτου

² ειπατω δη οικος ισραηλ οτι αγαθος οτι εις τον αιωνα το ελεος αυτου

³ ειπατω δη οικος ααρων οτι αγαθος οτι εις τον αιωνα το ελεος αυτου

⁴ ειπατωσαν δη παντες οι φοβουμενοι τον κυριον οτι αγαθος οτι εις τον αιωνα το ελεος αυτου

⁵ εν θλιψει επεκαλεσαμην τον κυριον και επηκουσεν μου εις πλατυσμον

⁶ κυριος εμοι βοηθος ου φοβηθησομαι τι ποιησει μοι ανθρωπος

⁷ κυριος εμοι βοηθος καγω εποψομαι τους εχθρους μου

⁸ αγαθον πεποιθεναι επι κυριον η πεποιθεναι επ' ανθρωπον

⁹ αγαθον ελπιζειν επι κυριον η ελπιζειν επ' αρχοντας

¹⁰ παντα τα εθνη εκυκλωσαν με και τω ονοματι κυριου ημυναμην αυτους

¹¹ κυκλωσαντες εκυκλωσαν με και τω ονοματι κυριου ημυναμην αυτους

¹² εκυκλωσαν με ωσει μελισσαι κηριον και εξεκαυθησαν ωσει πυρ εν ακανθαις και τω ονοματι κυριου ημυναμην αυτους

¹³ ωσθεις ανετραπην του πεσειν και ο κυριος αντελαβετο μου

¹⁴ ισχυς μου και υμνησις μου ο κυριος και εγενετο μοι εις σωτηριαν

¹⁵ φωνη αγαλλιασεως και σωτηριας εν σκηναις δικαιων δεξια κυριου εποιησεν δυναμιν

¹⁶ δεξια κυριου υψωσεν με δεξια κυριου εποιησεν δυναμιν

¹⁷ ουκ αποθανουμαι αλλα ζησομαι και εκδιηγησομαι τα εργα κυριου

¹⁸ παιδευων επαιδευσεν με ο κυριος και τω θανατω ου παρεδωκεν με

¹⁹ ανοιξατε μοι πυλας δικαιοσυνης εισελθων εν αυταις εξομολογησομαι τω κυριω

²⁰ αυτη η πυλη του κυριου δικαιοι εισελευσονται εν αυτη

²¹ εξομολογησομαι σοι οτι επηκουσας μου και εγενου μοι εις σωτηριαν

²² λιθον ον απεδοκιμασαν οι οικοδομουντες ουτος εγενηθη εις κεφαλην γωνιας

²³ παρα κυριου εγενετο αυτη και εστιν θαυμαστη εν οφθαλμοις ημων

²⁴ αυτη η ημερα ην εποιησεν ο κυριος αγαλλιασωμεθα και ευφρανθωμεν εν αυτη

²⁵ ω κυριε σωσον δη ω κυριε ευοδωσον δη

²⁶ ευλογημενος ο ερχομενος εν ονοματι κυριου ευλογηκαμεν υμας εξ οικου κυριου

²⁷ θεος κυριος και επεφανεν ημιν συστησασθε εορτην εν τοις πυκαζουσιν εως των κερατων του θυσιαστηριου

²⁸ θεος μου ει συ και εξομολογησομαι σοι θεος μου ει συ και υψωσω σε εξομολογησομαι σοι οτι επηκουσας μου και εγενου μοι εις σωτηριαν

²⁹ εξομολογεισθε τω κυριω οτι αγαθος οτι εις τον αιωνα το ελεος αυτου