ΨΑΛΜΟΙ - Salmi - Psalms 113

¹ αλληλουια εν εξοδω ισραηλ εξ αιγυπτου οικου ιακωβ εκ λαου βαρβαρου

² εγενηθη ιουδαια αγιασμα αυτου ισραηλ εξουσια αυτου

³ η θαλασσα ειδεν και εφυγεν ο ιορδανης εστραφη εις τα οπισω

⁴ τα ορη εσκιρτησαν ωσει κριοι και οι βουνοι ως αρνια προβατων

⁵ τι σοι εστιν θαλασσα οτι εφυγες και σοι ιορδανη οτι ανεχωρησας εις τα οπισω

⁶ τα ορη οτι εσκιρτησατε ωσει κριοι και οι βουνοι ως αρνια προβατων

⁷ απο προσωπου κυριου εσαλευθη η γη απο προσωπου του θεου ιακωβ

⁸ του στρεψαντος την πετραν εις λιμνας υδατων και την ακροτομον εις πηγας υδατων

⁹ μη ημιν κυριε μη ημιν αλλ' η τω ονοματι σου δος δοξαν επι τω ελεει σου και τη αληθεια σου

¹⁰ μηποτε ειπωσιν τα εθνη που εστιν ο θεος αυτων

¹¹ ο δε θεος ημων εν τω ουρανω ανω εν τοις ουρανοις και εν τη γη παντα οσα ηθελησεν εποιησεν

¹² τα ειδωλα των εθνων αργυριον και χρυσιον εργα χειρων ανθρωπων

¹³ στομα εχουσιν και ου λαλησουσιν οφθαλμους εχουσιν και ουκ οψονται

¹⁴ ωτα εχουσιν και ουκ ακουσονται ρινας εχουσιν και ουκ οσφρανθησονται

¹⁵ χειρας εχουσιν και ου ψηλαφησουσιν ποδας εχουσιν και ου περιπατησουσιν ου φωνησουσιν εν τω λαρυγγι αυτων

¹⁶ ομοιοι αυτοις γενοιντο οι ποιουντες αυτα και παντες οι πεποιθοτες επ' αυτοις

¹⁷ οικος ισραηλ ηλπισεν επι κυριον βοηθος αυτων και υπερασπιστης αυτων εστιν

¹⁸ οικος ααρων ηλπισεν επι κυριον βοηθος αυτων και υπερασπιστης αυτων εστιν

¹⁹ οι φοβουμενοι τον κυριον ηλπισαν επι κυριον βοηθος αυτων και υπερασπιστης αυτων εστιν

²⁰ κυριος εμνησθη ημων και ευλογησεν ημας ευλογησεν τον οικον ισραηλ ευλογησεν τον οικον ααρων

²¹ ευλογησεν τους φοβουμενους τον κυριον τους μικρους μετα των μεγαλων

²² προσθειη κυριος εφ' υμας εφ' υμας και επι τους υιους υμων

²³ ευλογημενοι υμεις τω κυριω τω ποιησαντι τον ουρανον και την γην

²⁴ ο ουρανος του ουρανου τω κυριω την δε γην εδωκεν τοις υιοις των ανθρωπων

²⁵ ουχ οι νεκροι αινεσουσιν σε κυριε ουδε παντες οι καταβαινοντες εις αδου

²⁶ αλλ' ημεις οι ζωντες ευλογησομεν τον κυριον απο του νυν και εως του αιωνος