ΙΩΒ - Giobbe - Job 32

¹ ησυχασαν δε και οι τρεις φιλοι αυτου ετι αντειπειν ιωβ ην γαρ ιωβ δικαιος εναντιον αυτων

² ωργισθη δε ελιους ο του βαραχιηλ ο βουζιτης εκ της συγγενειας ραμ της αυσιτιδος χωρας ωργισθη δε τω ιωβ σφοδρα διοτι απεφηνεν εαυτον δικαιον εναντιον κυριου

³ και κατα των τριων δε φιλων ωργισθη σφοδρα διοτι ουκ ηδυνηθησαν αποκριθηναι αντιθετα ιωβ και εθεντο αυτον ειναι ασεβη

⁴ ελιους δε υπεμεινεν δουναι αποκρισιν ιωβ οτι πρεσβυτεροι αυτου εισιν ημεραις

⁵ και ειδεν ελιους οτι ουκ εστιν αποκρισις εν στοματι των τριων ανδρων και εθυμωθη οργη αυτου

⁶ υπολαβων δε ελιους ο του βαραχιηλ ο βουζιτης ειπεν νεωτερος μεν ειμι τω χρονω υμεις δε εστε πρεσβυτεροι διο ησυχασα φοβηθεις του υμιν αναγγειλαι την εμαυτου επιστημην

⁷ ειπα δε οτι ο χρονος εστιν ο λαλων εν πολλοις δε ετεσιν οιδασιν σοφιαν

⁸ αλλα πνευμα εστιν εν βροτοις πνοη δε παντοκρατορος εστιν η διδασκουσα

⁹ ουχ οι πολυχρονιοι εισιν σοφοι ουδ' οι γεροντες οιδασιν κριμα

¹⁰ διο ειπα ακουσατε μου και αναγγελω υμιν α οιδα

¹¹ ενωτιζεσθε μου τα ρηματα ερω γαρ υμων ακουοντων αχρι ου ετασητε λογους

¹² και μεχρι υμων συνησω και ιδου ουκ ην τω ιωβ ελεγχων ανταποκρινομενος ρηματα αυτου εξ υμων

¹³ ινα μη ειπητε ευρομεν σοφιαν κυριω προσθεμενοι

¹⁴ ανθρωπω δε επετρεψατε λαλησαι τοιαυτα ρηματα

¹⁵ επτοηθησαν ουκ απεκριθησαν ετι επαλαιωσαν εξ αυτων λογους

¹⁶ υπεμεινα ου γαρ ελαλησαν οτι εστησαν ουκ απεκριθησαν

¹⁷ υπολαβων δε ελιους λεγει

¹⁸ παλιν λαλησω πληρης γαρ ειμι ρηματων ολεκει γαρ με το πνευμα της γαστρος

¹⁹ η δε γαστηρ μου ωσπερ ασκος γλευκους ζεων δεδεμενος η ωσπερ φυσητηρ χαλκεως ερρηγως

²⁰ λαλησω ινα αναπαυσωμαι ανοιξας τα χειλη

²¹ ανθρωπον γαρ ου μη αισχυνθω αλλα μην ουδε βροτον ου μη εντραπω

²² ου γαρ επισταμαι θαυμασαι προσωπον ει δε μη και εμε σητες εδονται