Canticum Canticorum 5

NOVA VULGATA	NEW AMERICAN BIBLE
1 Veniat dilectus meus in hortum suum et comedat fructus eius optimos. Veni in hortum meum, soror mea, sponsa; messui myrrham meam cum aromatibus meis, comedi favum cum melle, bibi vinum cum lacte meo. Comedite, amici, et bibite et inebriamini, carissimi.	1 I have come to my garden, my sister, my bride;
2 Ego dormio, et cor meum vigilat. Vox dilecti mei pulsantis: “ Aperi mihi, soror mea, amica mea, columba mea, immaculata mea, quia caput meum plenum est rore, et cincinni mei guttis noctium ”.	2 I was sleeping, but my heart kept vigil;
3 “Exspoliavi me tunica mea, quomodo induar illa? Lavi pedes meos, quomodo inquinabo illos?”.	3 I have taken off my robe,
4 Dilectus meus misit manum suam per foramen, et venter meus ilico intremuit.	4 My lover put his hand through the opening;
5 Surrexi, ut aperirem dilecto meo; manus meae stillaverunt myrrham, et digiti mei pleni myrrha probatissima super ansam pessuli.	5 I rose to open to my lover,
6 Aperui dilecto meo; at ille declinaverat atque transierat. Anima mea liquefacta est, quia discesserat. Quaesivi et non inveni illum; vocavi, et non respondit mihi.	6 I opened to my lover-
7 Invenerunt me custodes, qui circumeunt civitatem; percusserunt me et vulneraverunt me, tulerunt pallium meum mihi custodes murorum.	7 The watchmen came upon me
8 Adiuro vos, filiae Ierusalem: si inveneritis dilectum meum, quid nuntietis ei? “ Quia amore langueo ”.	8 I adjure you, daughters of Jerusalem,
9 Quid est dilecto tuo prae ceteris, o pulcherrima mulierum? Quid est dilecto tuo prae ceteris, quia sic adiurasti nos?	9 How does your lover differ from any other,
10 Dilectus meus candidus et rubicundus dignoscitur ex milibus.	10 My lover is radiant and ruddy;
11 Caput eius aurum optimum, cincinni eius sicut racemi palmarum, nigri quasi corvus.	11 His head is pure gold;
12 Oculi eius sicut columbae super rivulos aquarum, quae lacte sunt lotae et resident iuxta fluenta plenissima.	12 His eyes are like doves
13 Genae illius sicut areolae aromatum, turriculae unguentorum; labia eius lilia distillantia myrrham primam.	13 His cheeks are like beds of spice
14 Manus illius tornatiles aureae, plenae hyacinthis; venter eius opus eburneum distinctum sapphiris.	14 His arms are rods of gold
15 Crura illius columnae marmoreae, quae fundatae sunt super bases aureas; species eius ut Libani, electus ut cedri.	15 His legs are columns of marble
16 Guttur illius suavissimum, et totus desiderabilis. Talis est dilectus meus, et ipse est amicus meus, filiae Ierusalem.	16 His mouth is sweetness itself;