ΣΟΦΙΑ ΣΕΙΡΑΧ - Siracide - Sirach 13

¹ ο απτομενος πισσης μολυνθησεται και ο κοινωνων υπερηφανω ομοιωθησεται αυτω

² βαρος υπερ σε μη αρης και ισχυροτερω σου και πλουσιωτερω μη κοινωνει τι κοινωνησει χυτρα προς λεβητα αυτη προσκρουσει και αυτη συντριβησεται

³ πλουσιος ηδικησεν και αυτος προσενεβριμησατο πτωχος ηδικηται και αυτος προσδεηθησεται

⁴ εαν χρησιμευσης εργαται εν σοι και εαν υστερησης καταλειψει σε

⁵ εαν εχης συμβιωσεται σοι και αποκενωσει σε και αυτος ου πονεσει

⁶ χρειαν εσχηκεν σου και αποπλανησει σε και προσγελασεται σοι και δωσει σοι ελπιδα λαλησει σοι καλα και ερει τις η χρεια σου

⁷ και αισχυνει σε εν τοις βρωμασιν αυτου εως ου αποκενωση σε δις η τρις και επ' εσχατων καταμωκησεται σου μετα ταυτα οψεται σε και καταλειψει σε και την κεφαλην αυτου κινησει επι σοι

⁸ προσεχε μη αποπλανηθης και μη ταπεινωθης εν αφροσυνη σου

⁹ προσκαλεσαμενου σε δυναστου υποχωρων γινου και τοσω μαλλον σε προσκαλεσεται

¹⁰ μη εμπιπτε μη απωσθης και μη μακραν αφιστω ινα μη επιλησθης

¹¹ μη επεχε ισηγορεισθαι μετ' αυτου και μη πιστευε τοις πλειοσιν λογοις αυτου εκ πολλης γαρ λαλιας πειρασει σε και ως προσγελων εξετασει σε

¹² ανελεημων ο μη συντηρων λογους και ου μη φεισηται περι κακωσεως και δεσμων

¹³ συντηρησον και προσεχε σφοδρως οτι μετα της πτωσεως σου περιπατεις

¹⁴ -

¹⁵ παν ζωον αγαπα το ομοιον αυτω και πας ανθρωπος τον πλησιον αυτου

¹⁶ πασα σαρξ κατα γενος συναγεται και τω ομοιω αυτου προσκολληθησεται ανηρ

¹⁷ τι κοινωνησει λυκος αμνω ουτως αμαρτωλος προς ευσεβη

¹⁸ τις ειρηνη υαινη προς κυνα και τις ειρηνη πλουσιω προς πενητα

¹⁹ κυνηγια λεοντων οναγροι εν ερημω ουτως νομαι πλουσιων πτωχοι

²⁰ βδελυγμα υπερηφανω ταπεινοτης ουτως βδελυγμα πλουσιω πτωχος

²¹ πλουσιος σαλευομενος στηριζεται υπο φιλων ταπεινος δε πεσων προσαπωθειται υπο φιλων

²² πλουσιου σφαλεντος πολλοι αντιλημπτορες ελαλησεν απορρητα και εδικαιωσαν αυτον ταπεινος εσφαλεν και προσεπετιμησαν αυτω εφθεγξατο συνεσιν και ουκ εδοθη αυτω τοπος

²³ πλουσιος ελαλησεν και παντες εσιγησαν και τον λογον αυτου ανυψωσαν εως των νεφελων πτωχος ελαλησεν και ειπαν τις ουτος καν προσκοψη προσανατρεψουσιν αυτον

²⁴ αγαθος ο πλουτος ω μη εστιν αμαρτια και πονηρα η πτωχεια εν στοματι ασεβους

²⁵ καρδια ανθρωπου αλλοιοι το προσωπον αυτου εαν τε εις αγαθα εαν τε εις κακα

²⁶ ιχνος καρδιας εν αγαθοις προσωπον ιλαρον και ευρεσις παραβολων διαλογισμοι μετα κοπων