Isaiah (ישעיה) - Isaia 60

¹ למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו² הרעשתה ארץ פצמתה רפה שבריה כי מטה³ הראיתה עמך קשה השקיתנו יין תרעלה⁴ נתתה ליראיך נס להתנוסס מפני קשט סלה⁵ למען יחלצון ידידיך הושיעה ימינך ועננו⁶ אלהים דבר בקדשו אעלזה אחלקה שכם ועמק סכות אמדד⁷ לי גלעד ולי מנשה ואפרים מעוז ראשי יהודה מחקקי⁸ מואב סיר רחצי על אדום אשליך נעלי עלי פלשת התרעעי⁹ מי יבלני עיר מצור מי נחני עד אדום¹⁰ הלא אתה אלהים זנחתנו ולא תצא אלהים בצבאותינו¹¹ הבה לנו עזרת מצר ושוא תשועת אדם¹² באלהים נעשה חיל והוא יבוס צרינו